Èhàwo 46
46
Mawu lè kudo mi
1Hàsìnɔ̀ gãa be Èhà kè Koreà be èviwo kpà ɖo 'nyɔ̃nùviwo' be ègbè ɖìɖi jia.
2Mawu ye nyi miabe bèbèpe ku miabe ŋusɛ̃,
àlɔ̀do wè sia wè lè tùkaɖawo mè.
3Ekèa ŋuti, mi mu la vɔ̃ ènu ɖekpe, ne ànyigbã gli,
eye ètowo hũhũ jè àpù be ègũ cicri mè cã ò.
4Àlo, ne àpù le wɔ̀ àdã, le sɔ èfu,
eye e hɔ̃ ètowo lè ègũ nua ò. Ènu bɔ̀ kpoo
5Ètɔ̀ ɖe lè kè be sàsra dona jìjɔɛ
na èdù kè mè wo sɛ̃nà Mawu lèa;
tèpe kè Jihũitɔa sɔ wɔ̀ yebe Nɔ̀pe Kɔ̀kɔ̀ɛ.
6Mawu lè e mè, ekèa ŋuti, mu la hùã ò.
Mawu la xɔ̀ na ɛ̀, ne èŋùa gbe kè kpòa.
7Dùkɔ̃wo jè àgla, èfìɔduwo le hũhũ,
vɔ̀a, kè Mawu ɖè ègbèa, ànyigbã srè ku vɔ̃vɔ̃.
8Tɔhonɔ̀, àhùakɔ̃wo be Mawu a lè ku mi,
Yakɔb be Mawu ye nyi miabe àgbògbò. Ènu bɔ̀ kpoo
9Mì va kpɔ Tɔhonɔ̀ be ènuwɔ̀wɔwo ɖa!
Mì va kpɔ àlekè be ɖo ànyigbã a àgba ɖoa ɖa!
10E ɖo àhùawɔ̀wɔwo tè kaka yì ɖo ànyigbã be nukpòpe ke.
E ŋɛ̃ àŋùdàti, eye be flì èhuã. E tɔzò àhùakèkeviawo.
11E gblɔ̃ be: “Mì nɔ̀ ànyi kpoo!
Eye mìa nya be ènyè ye nyi Mawu
kè ɖo ŋusɛ̃ ɖo dùkɔ̃wo ji,
ɖo ŋusɛ̃ ɖo ànyigbã keŋu jia!”
12Tɔhonɔ̀, àhùakɔ̃wo be Mawu a lè ku mi,
Yakɔb be Mawu ye nyi miabe àgbògbò. Ènu bɔ̀ kpoo
Currently Selected:
Èhàwo 46: GEN
Highlight
Copy
Compare
Share
Want to have your highlights saved across all your devices? Sign up or sign in
Mina Bible © Bible Society of Togo, 2014.
