Èhàwo 42
42
XOMA ÈVÈGƆ̃A
(Èhàw 42-72)
Sìgbè àlekè èzĩ jina èsìa…
1Hàsìnɔ̀ gãa be Èhàlo. Ɖo Koreà be èviwo be ènufiɔamè-nya ji.
2Sìgbè àlekè èzĩ kè be hlòmè pua jina ètɔ̀-sisi,
eye be trɔna ɖoɖa e gbɔ nènea,
nènea ye èkla nyè le ji wò, Aò Mawu!
3Mawu be èsìkɔ le tì mù,
ɛ̃ɛ, Mawu àgbè-àgbèa be èsìkɔ le tì èkla nyè.
Gbè kɛ gbè ye mù la yì, la ɖo mawuxɔa mè,
la nɔ̀tè ɖo Mawu be ŋùmè ò?
4Èzã ku kedèa, àɖàsì nyèwo ye nyi àpe ènuɖùɖu,
ne wo le biɔ mù, gbè sia gbè be:
“Fikɛ ye Mawu wòa lè ò?”
5Ne mù ɖoŋù wàlɛbɛ kè mù zɔ̃nà
lè àyosòso ku jìjɔɛ be àbòbowo dòmè,
lè ŋùkɔ̀ na àmèhawo ku àkpedodowo,
eye mia ku àmè kèwo keŋu le ɖù àzãawo
mi ɖona mawuxɔa mèa, èjì nyè gbãnà.
6Aò, èkla nyè! Nukɛ ŋuti wò ci siayi lè mè nyè,
eye wò le xànu ɖo ò? Ɖoŋù ɖo Mawu ŋuti!
Mù la gbà kafu ì ke, ɖoa, e ye gbɔ ye àpe hlùɛ̃gã lè.
7Aò, Mawu nyè! Èkla nyè ci siayi lè mè nyè.
Ekèa ŋuti ye, so kaka Yɔrdàn-nyigbã jia,
so kaka Hɛrmɔ̀n-toa tamè ku Mìsehà-toa ji kea,
mù le ɖo ŋùku wò.
8Wàlɛbɛ kè èsì wòwo le wɔ̀ àdã, le kɔ̀ ɖo ànyi bùa bùa bùaa,
ètɔ̀ɖɔɖɔ le yɔ ètɔ̀ɖɔɖɔ àpo èto gãwo tamè be èsìwo le mlì va,
eye woa kpata wo le gɛ̃ jè e ji nyè.
9Lè ŋùkèkè mèa, Tɔhonɔ̀ ɖona yebe màje ɖoɖa.
Lè èzã mèa, mù jìnà èhà, sɔ mlã na ɛ̀,
eye mù fãnàkue na Mawu kè nyi àgbè na mù a.
10Mù jro be ma biɔ Mawu nyè kè nyi àkpã sɛ̃sɛ̃ na mù a be:
“Nukɛ ŋuti ye wò ŋlɔ̀ mù be ɖo ò?
Nukɛ ŋuti ye mù la nɔ zɔ̃, la nɔ lòfũ lè kɛ̃tɔ nyèwo
be àmè ɖiki gɔ̃mè ɖo ò?”
11Ne kɛ̃tɔ nyèwo le ɖè àlɔmè lè ŋuti nyè,
le gblɔ̃ gbè sia gbè be: “Fikɛ ye Mawu wòa lè ò?”,
Mù sènà veve kaka yì èpu nyèwo mè, sìgbè ma ku nène.
12Aò, èkla nyè! Nukɛ ŋuti wò ci siayi lè mè nyè,
eye wò le xànu ɖo ò? Ɖoŋù ɖo Mawu ŋuti!
Mù la gbà kafu ì ke, e ye kè nyi àpe hlùɛ̃tɔ ku àpe Mawu a.
Currently Selected:
Èhàwo 42: GEN
Highlight
Copy
Compare
Share
Want to have your highlights saved across all your devices? Sign up or sign in
Mina Bible © Bible Society of Togo, 2014.
