Èhàwo 41
41
Èxlɔ̃ nyèa cã trɔ zũ kɛ̃tɔ nyè
1David be Èhà kè wo ɖè lè hàsìnɔ̀ gãa be xoma mè.
2Sìtuɖèɖe ye nyi#41.2 “Sìtu ɖèɖe ye nyi na…” àlo “Jɛ̀jrɛ̀ na…” na àmè kè dènà ŋùgblè so ènuwɔ̀donɔ̀wo ŋutia.
Lè gbledo be gàmèa, Tɔhonɔ̀ la hlùɛ̃ ɛ̀ gã.
3Tɔhonɔ̀ la le è ɖo àgbè, e la tu sì na ɛ̀ lè ànyigbã ji.
Mu la ɖè àsi lè e ŋuti na yebe kɛ̃tɔwo ò.
4Tɔhonɔ̀ la do è ŋusɛ̃ lè èdɔ̀-ba ji.
E la lebè na ɛ̀ lè èdɔ̀ lele be hùenu.
5Mù gblɔ̃ be: “Tɔhonɔ̀, ku ŋuzĩzĩ na mù,
dà èdɔ̀ na mù, ɖo mù jè àgɔ̀ do wò.”
6Kɛ̃tɔ nyèwo le pò nupo vuɛ̃ so ŋuti nyè gblɔ̃ be:
“Gà kɛ mè ŋutɔ e la ku ne mia ŋlɔ̀be è gbidi ò?”
7Ne àmè ɖe va be yèa va ji mù kpɔa, e gblɔ̃nà àjèɖànyàwo.
Eye e jrànà ènu gbegblewo ɖo yebe èjì mè.
Ne e gbe trɔjo kpòa, e tɔna ɛ̀ jàjra na àmèwo.
8Àmè kèwo crì mù a,
wo gblɔ̃nà àpe ènyà lè bèbe mè.
Wo susuna ènu bàɖà ɖo ŋuti nyè be:
9“Èdɔ̀ vuɛ̃ ɖe ŋutɔ ye be yì lɔ!
Fifì kè be ci tèpe ɖèkaa,
mu la gbà teŋu sitè ke ò.”
10Nyàwo, èxlɔ̃ nyè veve ŋutɔ-ŋutɔ kè ŋuti mù dojì ɖo,
kè ɖùnà ènu kudo mù a cã trɔ zũ àpe kɛ̃tɔ.
11Vɔ̀ èwò, Tɔhonɔ̀, ku ŋuzĩzĩ na mù, ne wòa kɔ mù sitè.
Nène a, mù la tu èfɛ̃ kè jèa na wo.
12Ne kɛ̃tɔ nyè be jiɖùɖu-paa, mu gbà le ɖì ɖo ŋuti nyè òa,
eŋuã, mù la nya be wò mu ɖè ɖèka lè ji nyè ò.
13Lè gbɔ nyèa, wò le mù ɖotè, gbà na mù lãmèsɛ̃.
Wò li mù màhuã-màhuã lè àpo ŋùkumè tɛ̀gbɛ̀.
*
14Jɛ̀jrɛ̀ na Tɔhonɔ̀, Izràɛl be Mawu so mà-vɔ yì mà-vɔ.
Àmèn! Àmèn!
Currently Selected:
Èhàwo 41: GEN
Highlight
Copy
Compare
Share
Want to have your highlights saved across all your devices? Sign up or sign in
Mina Bible © Bible Society of Togo, 2014.
