Popular Bible Verses from Èhàwo 42

Share

Ne kɛ̃tɔ nyèwo le ɖè àlɔmè lè ŋuti nyè, le gblɔ̃ gbè sia gbè be: “Fikɛ ye Mawu wòa lè ò?”, Mù sènà veve kaka yì èpu nyèwo mè, sìgbè ma ku nène.

Sìgbè àlekè èzĩ kè be hlòmè pua jina ètɔ̀-sisi, eye be trɔna ɖoɖa e gbɔ nènea, nènea ye èkla nyè le ji wò, Aò Mawu!

Ne mù ɖoŋù wàlɛbɛ kè mù zɔ̃nà lè àyosòso ku jìjɔɛ be àbòbowo dòmè, lè ŋùkɔ̀ na àmèhawo ku àkpedodowo, eye mia ku àmè kèwo keŋu le ɖù àzãawo mi ɖona mawuxɔa mèa, èjì nyè gbãnà.

Mawu be èsìkɔ le tì mù, ɛ̃ɛ, Mawu àgbè-àgbèa be èsìkɔ le tì èkla nyè. Gbè kɛ gbè ye mù la yì, la ɖo mawuxɔa mè, la nɔ̀tè ɖo Mawu be ŋùmè ò?

Aò, èkla nyè! Nukɛ ŋuti wò ci siayi lè mè nyè, eye wò le xànu ɖo ò? Ɖoŋù ɖo Mawu ŋuti! Mù la gbà kafu ì ke, ɖoa, e ye gbɔ ye àpe hlùɛ̃gã lè.