Èhàwo 38
38
Àgɔ̀jèje nyèwo wu gbɔ̃gblɔ̃
1David be Èhà ne Mawu bèa ɖoŋùku èsɔ̀ kè va yìa.
2Tɔhonɔ̀, do àdɔ̀mèze ɖo ŋuti nyè vɔ̀ mù gbà gblehùɛ do mù ò.
Mù gbà dɔ̃ èto na mù lè àpo èjìbibi kaɖi kaɖia mè ò.
3Ɛ̃ɛ, àpo àŋùtiwo va lɔ mù eye àpo àlɔ̀ pò mù veveɖe.
4To àpo àdɔ̀mèze dodo mèa, àpe lãmè gble keŋu-keŋu.
Èvuɛ̃ nyè na be tùjèanyi ɖekpe mu gbà lè èpu nyèwo mè ò.
5Nyàwo àgɔ̀jèje nyèwo wu gbɔ̃gblɔ̃.
E le kpɛ̃ lè ji nyè sìgbè àgbã kpɛ̃kpɛ̃ nène.
6Àbì nyè dosìwo le xũɛ̃ ŋutɔ,
sɔ kù ɖo àpe sùkunɔ̀jɔ̀jɔ ŋuti.
7Mù gbɔjɔ eye lãmè sòkà na mù keŋu-keŋu.
Mù le xànu le yì ŋùkè ŋùkè.
8Ɖo àtikèsi be èdɔ̀ xɔ̀ àlìmèpu nyèwo
eye ènu ɖekpe mu gbà sɔ̀gbè lè lãmè na mù tututu ò.
9Mù gbɔjɔ gbà gudu keŋu-keŋu.
Mù le do hèhè ɖo àpe èjì be jɛ̃màgbɔ̃ ŋuti.
10Tɔhonɔ̀, àpe èjrowo lè ŋùkɔ̀ na wò.
Nyè mu la wla èhùɛjèje nyèa do wò ò.
11Àpe èjì le pòhũ gbàgblàgblà,
ŋusɛ̃ nyèwo jèdò eye ŋùkuvi nyèwo be kɔ̀kɔ̀ɛ cã bu vĩì.
12Nɔ̀vi nyèwo ku èxlɔ̃ nyèwo yì ŋùgbe ɖo àbì nyèwo ŋuti.
Xòmètɔ nyèwo lètè lè àzɔ̀ge boo lè ŋuti nyè.
13Àmè kèwo le ji àpe èkua, le tre èmɔ̃ na mù.
Àmè kèwo le ji èvuɛ̃ na mù a, le gblɔ̃ àpe ènyà bàɖà.
Gbè sia gbè ye wo ɖànà àjè ɖo àsi nyè.
14Vɔ̀, mù lè sìgbè ètokunɔ̀ nène, nyè mu le sè ènu ɖekpe ò.
Mù gbà lè sìgbè àmumui nène, nyè mu le kè fĩ ò.
15Mù lè kpò sìgbè àmè ɖe kè mu le sè ènu ɖe
kaka la gblɔ̃ ènyà ɖe òa nène.
16Tɔhonɔ̀, mù kã ɖo ji wò.
Wò la xɔ̀gbè na mù, Tɔhonɔ̀ Mawu nyè.
17Nyàwo mù gblɔ̃ be: “Ne àpe àfɔ̀ dà a,
wo mu gbà kpɔ jìjɔɛ kaka woa va kò mù ò.”
18Ɛ̃ɛ, mù la jè ànyi sɔ̀sɔɛɖe eye vevesèse nyèa lètè goŋu.
19Mù jèsi àgɔ̀jèje nyèa. Mù ci siayi ɖo àpe èvuɛ̃a ŋuti.
20Kɛ̃tɔ nyèwo lè àgbè eye ŋusɛ̃ kpɔ̀tɔ̀ lè woa ŋuti.
Sùgbɔ lè woa dòmè, crì mù, àgɔ̀ ɖe màjè.
21Wo sɔna èvuɛ̃ ɖona ènyuɛ̃ tèpe na mù.
Wo kãna ŋùmè na mù ɖo ènyuɛ̃ kè mù wɔ̀a ŋuti.
22Tɔhonɔ̀, mù gbà gble mù ɖɛ ò.
Mawu nyè, mù gbà jo lè gbɔ nyè ò.
23Va kaba, va xɔ̀ na mù, Tɔhonɔ̀ àpe hlùɛ̃tɔ.
Currently Selected:
Èhàwo 38: GEN
Highlight
Copy
Compare
Share
Want to have your highlights saved across all your devices? Sign up or sign in
Mina Bible © Bible Society of Togo, 2014.
