Èhàwo 36
36
Tɔhonɔ̀, àgbè be jɔ̀sope ye wò nyi
1Tɔhonɔ̀ be sumɔ̃vi, David be Èhà. Wo ɖè èhà kèa lè hàsìnɔ̀ gãa be xoma mè.
2Nuvuɛ̃wɔ̀tɔ mu ɖo sùsu bu lè yebe èjì mè wu èvuɛ̃wɔ̀wɔ ò.
Mawu be vɔ̃vɔ̃ ɖekpe mu lè e mè ò.
3Ɖo e kɔna ye ɖokoe ŋutɔ,
ne bèa do jèsìdo yebe àgɔ̀ kaka bèa ve na ɛ̀ ò.
4Àjèɖàɖa ku bùsunya ye tona so yebe ènu mè.
Ènyuɛ̃wɔ̀wɔ mu ɖo àsìxɔ̀xɔ ɖe na ɛ̀ ò.
5Ènudrãwɔ̀wɔ be sùsu ye e ɖènà lè yebe àba ji.
Ènuvuɛ̃ be èmɔ̃ be jina eye mu trɔna ŋùgbe do ènu bàɖà ò.
6Tɔhonɔ̀, àpo lɔ̃lɔ̃ yì kaka èji,
àpo ànùkua sùtè lilikpowo mè.
7Àpo jɔ̀jɔɛsòso to èto gãwo ŋuti.
Àpo ènyàmèsòso wɔ̀ ègũ sìgbè àpù nène.
Tɔhonɔ̀, wò hlùɛ̃nà àgbètɔ ku èlãwo kpata gã.
8Mawu nyè, àpo lɔ̃lɔ̃ xɔ̀ àsì ŋutɔ.
Àgbètɔwo kpɔ nɔ̀pe lè àpo àwà gɔ̃mè.
9Lè àpo àxuea mè ye wò nana wo ènuɖùɖu fuu lè.
Wo nùnà lè àpo àdɔ̀mè nyuɛ̃ be ètɔ̀a mè.
10Èwò mè ye àgbè be jɔ̀sope lè.
Àpo kɔ̀kɔ̀ɛa mè ye mi le kpɔ kɔ̀kɔ̀ɛ lè.
11Le àpo hòmèfà lɔ̃lɔ̃ a ɖotè kudo àmè kèwo jèsi wòa,
gbà nɔ̀ ànùkuawɔ̀wɔ ji kudo àmè kèwo ɖo èjì mè kɔ̀kɔ̀ɛa.
12Mù gbà na ne ègòyitɔ ɖe ne va gbɔ nyè ò,
nènea ke mù gbà na ne àmè bàɖà ɖe ne nyà mù ɖogbe ò.
13Kpɔɖa, ènu bàɖàwɔ̀tɔwo jè ànyi.
Wo tùtù wo pu ànyi eye wo mu la gbà teŋu fɔ̃ sitè ò.
Currently Selected:
Èhàwo 36: GEN
Highlight
Copy
Compare
Share
Want to have your highlights saved across all your devices? Sign up or sign in
Mina Bible © Bible Society of Togo, 2014.
