Èhàwo 34
34
Tɔhonɔ̀ ɖiana ye tɔ̀wo
1David tɔ̀. Lè èfìɔ Abimèlɛk be ŋùku mè ye David wɔ̀ sìgbè àmè kè ŋùmè le gble na a nène, eye èfìɔa nyà ɛ̀ jo. Ekè David jo le yìa, e gblɔ̃ be:
2Mù la nɔ do àkpe na Tɔhonɔ̀ wè sia wè,
àpe ènu la nɔ kafu ì tɛ̀gbɛ̀.
3Mù le go lè Tɔhonɔ̀ mè.
Àkuitɔnɔ̀wo ne sè, gbà jɔ̀jì.
4Mì gblɔ̃ ku mù be: “Tɔhonɔ̀ lòlò!”
Mì na mia pòmlã yebe nyikɔ.
5Mù ji èmɔ̃ lè Tɔhonɔ̀ ŋuti eye mù kè ɖo e ŋuti.
Nyè mu gbà le vɔ̃ ènu ɖekpe ò.
6Àmè kèwo le kpɔ ɛ̀a, kɔ̀ kudo jìjɔɛ
eye wo mu la ɖù ŋùkpɛ̃ ò.
7Ne ènuwɔ̀donɔ̀ ɖe do àpa yɔ Tɔhonɔ̀a, e sènà yebe ègbè.
E hlùɛ̃nà ɛ̀ lè yebe vɔ̃vɔ̃wo kpata mè.
8Tɔhonɔ̀ be àtikplɔtɔ ɖiana àmè kèwo dona bùbu Mawu ŋutia,
eye e ɖènà wo lè èvuɛ̃ mè.
9Mì ɖɔ ɛ̀ kpɔ, ne mìa kpɔ àlekè Tɔhonɔ̀ nyɔ ɖoa.
Sìtume ye nyi àmè kè dojì ɖo e ŋutia.
10Mìa àmè kèwo nyi Tɔhonɔ̀ tɔ̀a, mì do bùbu e ŋuti.
Ènu ɖekpe mu dɛ̃na nènemeawo ò.
11Ènu teŋu dɛ̃ ècitɔwo eye àdɔ̀ cã teŋu va wù wo.
Vɔ̀a, ènu ɖekpe mu dɛ̃na àmè kèwo le ji èmɔ̃ lè Tɔhonɔ̀ ŋutia ò.
12Nɔ̀vi nyèwo, mì va ne mìa ɖoto mù.
Mù la fiɔ mì Tɔhonɔ̀ bùbua.
13Wò ɖo lɔ̃lɔ̃ na àgbèa?
Wò le ji ɖàgbè be ŋùkèkèa?
14Nène a, mù gbà gblɔ̃ àmè ɖe be ènyà bàɖà ò;
Na àsà àjèɖàɖa.
15Si lè èvuɛ̃ gbɔ eye wòa wɔ̀ ènyuɛ̃;
Nɔ ji ŋuti fàfa wè sia wè eye wòa nɔ̀ e yomè kpò.
16Tɔhonɔ̀ trɔ kpɔna àmè kèwo le sè ègbè na ɛ̀a,
e ɖona èto woabe àpa dodowo.
17Vɔ̀a, e sinatè ɖo ènu bàɖàwɔ̀tɔwo ŋuti.
E jina ŋutɔ la ɖè wo jo lè ànyigbã ji.
18Tɔhonɔ̀ sènà àmè kèwo
le sè ètonu na ɛ̀a be ègbè, ne wo do àpa le yɔ ɛ̀a.
Eye e ɖènà wo to lè àhovì ɖekpekpe
kè la do vɔ̃vɔ̃ na woa mè.
19Tɔhonɔ̀ mu dìdìnà lè àmè kèwo be èjì le gbãa gbɔ ò;
E hlùɛ̃nà àmè kèwo gbɔjɔawo gã.
20Mawu be ànùkuamè a ɖùnà àyà sùgbɔ,
vɔ̀a, Tɔhonɔ̀ ɖènà ɛ̀ lè yebe àyàɖùɖuwo kpata mè.
21E lena yebe èpuwo ɖotè,
ne ɖekpe ŋutɔ mu gbà ŋɛ̃ lè woa dòmè ò.
22Àmè bàɖà la ku ɖo yebe èkunyànyrã ŋuti.
Ètodɔ̃ la va Mawu be ànùkuamèwo be kɛ̃tɔwo kpata ji.
23Tɔhonɔ̀ hlùɛ̃nà yebe sumɔ̃viwo be àgbè.
Eye, lè àmè kèwo dojì ɖo e ŋutiawo dòmèa,
àmè ɖekpe mu la kpɔ ètodɔ̃ ò.
Currently Selected:
Èhàwo 34: GEN
Highlight
Copy
Compare
Share
Want to have your highlights saved across all your devices? Sign up or sign in
Mina Bible © Bible Society of Togo, 2014.
