Èhàwo 33
33
Gogo na Ɖotɔ a, xixea be Hlùɛ̃tɔa
1Mìa ànùkuamèwo, mì do jìjɔɛ be àpa na Tɔhonɔ̀.
E nyɔ be àmè kèwo ɖo èjìmè kɔ̀kɔ̀ɛa, woa nɔ jì kafu-hawo na ɛ̀.
2Mì kafu Tɔhonɔ̀a ku èhɛ,
mì pò èkà èwo be sãŋùgu na ɛ̀.
3Mì jì èhà yeye na ɛ̀,
mì pò èhũ àɖàŋùtɔ̀ kudo ègbè liloe liloe.
4Ɛ̃ɛ, Tɔhonɔ̀ be ènyàwo sɔ̀gbè.
Wo la teŋu kã ɖo yebe wɔ̀wɔwo keŋu ji.
5Tɔhonɔ̀ lɔ̃nà ànùkua kudo jɔ̀jɔɛsòso.
Ànyigbã ɖɔ ku yebe lɔ̃lɔ̃.
6Tɔhonɔ̀ be ènyà ye e sɔ ɖo jiŋùkusi.
Yebe ènumègbe ye e sɔ wɔ̀ wètriviwo.
7E bɔ̀ àpùsiwo geglegle,
e bɔ̀ ètɔ̀ gãgãwo ɖo tèpe ɖèka.
8Ànyigbã a kpata ne do bùbu Tɔhonɔ̀ ŋuti.
Xixedùwo kpata ne nɔ hũhũ lè ŋùkɔ̀ na ɛ̀.
9Ɖo e pò nupo e ye xixea jɔ̀;
Ègbè kpò be ɖè ye ekèa va e mè.
10Tɔhonɔ̀ gblena dùkɔ̃wo be ɖoɖowo.
E titɔna woabe èta mè susuwo.
11Tɔhonɔ̀ be àɖàŋùɖoɖo nɔ̀nà ànyi tɛ̀gbɛ̀.
Yebe èjìmè be susuwo, lè na jìjimèwo kpata kpata.
12Ɖàgbè e la nyi na èdù kè Tɔhonɔ̀ nyi Mawu na a.
Ɖàgbè e la nyi na dùkɔ̃
kè Tɔhonɔ̀ cã sɔ wɔ̀ ye ŋutɔ tɔ̀a.
13So jiŋùkusi ke Tɔhonɔ̀ le kpɔ èdò.
E le kpɔ ènu àgbèagbèwo kpata.
14So fìɔzìkpe kè ji e lèa,
e le kpɔ ànyigbã jitɔwo kpata.
15Yeŋutɔ ye ɖo woabe èjìwo ɖèka-ɖèka.
E nya woabe wɔ̀wɔwo keŋu.
16Àhùakɔ̃ sɛ̃ŋu ɖe mu hlùɛ̃nà èfìɔ ɖekpe gã lè àhùagbe ji ò;
Kãlìsu ɖe be ŋusɛ̃ gã cã mu la teŋu hlùɛ̃ ɛ̀ gã ò.
17Èsɔ mu nyi ènu ɖekpe na jiɖùɖu ò;
Yebe ŋusɛ̃ gãa mu la teŋu hlùɛ̃ èsɔdotɔa ò.
18Vɔ̀, Tɔhonɔ̀ be ŋùku lè àmè kè sina ɛ̀a ji,
àmè kè ɖonaŋù yebe lɔ̃lɔ̃ a.
19E ɖènà wo to lè èku mè
eye e xɔ̀nà wo ɖo àgbè lè àdɔ̀toto mè.
20Eye miawo cã, mi le kpɔ Tɔhonɔ̀ sinu,
e ye nyi miabe àkpoxɔ̀nu ku miabe àlɔ̀do.
21Miabe èjìmè be jìjɔɛ so e gbɔ.
Mi kã ɖo Mawu kɔ̀kɔ̀ɛa ji.
22Tɔhonɔ̀, na àpo lɔ̃lɔ̃ ne kpɔ èmɔ̃ lè mia mè
sìgbè àlekè mi ɖoŋù ɖo ŋuti wòa nène.
Currently Selected:
Èhàwo 33: GEN
Highlight
Copy
Compare
Share
Want to have your highlights saved across all your devices? Sign up or sign in
Mina Bible © Bible Society of Togo, 2014.
