Èhàwo 31
31
Tɔhonɔ̀, mù sɔ àgbè nyèa do àsi na wò
1David be Èhà. Wo ɖè è lè hàsìnɔ̀ gã be xoma mè.
2Tɔhonɔ̀, èwò ye nyi àpe ètabèpe.
Èŋù mu la kpɛ̃ mù gbèɖe ò.
Hlùɛ̃ mù ɖo àpo ànùkua wɔ̀wɔ ŋuti.
3Bɔ̀bɔ̀ èto wòa ɖo ji nyè ne wòa xɔ̀ na mù.
Nyi àkpã sɛ̃sɛ̃ kè mè mù bè ɖoa,
àgbògbò kè la hlùɛ̃ mù gãa.
4Ɛ̃ɛ, wò nyi àpe àkpã kudo àpe àgbògbò.
Nɔ̀ ŋùkɔ̀ na mù, ɖo àpo gogoa ŋuti ne wòa fiɔ mù èmɔ̃.
5Ɖè mù to lè èmɔ̃ kè wo tre na mù a mè,
ɖo èwò ye nyi àpe àgbògbò sɛ̃sɛ̃.
6Mù sɔ àgbè nyèa do àsi wò mè.
Wò hlùɛ̃ mù gã, Tɔhonɔ̀, ànùkua Mawu.
7Mù crì àmè kèwo le sɛ̃ àjè mawuwo.
Nyè ya, mù dojì ɖo Tɔhonɔ̀ ŋuti.
8Mù la haya, gbà jɔ̀jì lè àpo lɔ̃lɔ̃ mè.
Ɖo wò kpɔ àpe èfũ, wò sè àyàɖùɖu gã nyèa gɔ̃mè.
9Wò mu ɖè mù do àsi na kɛ̃tɔ nyèa ò.
Wò le mù sitè eye wò na mù vòvo fɛ̀ɖɛ̀.
10Tɔhonɔ̀, ku ŋuzĩzĩ na mù, ɖo mù lè èfũ mè.
Ŋùkuvi nyèwo fiɔ̃ ku ènuhàha,
ŋusɛ̃ nyèa ɖè kpɔ̀tɔ̀ keŋu-keŋu.
11Mù le zã àgbè nyèa ku àyàɖùɖu kudo èpè nyèawo ku àlenanawo.
Èvuɛ̃ nyèwo ɖè ŋusɛ̃ nyèa jo eye mù gbɔjɔ keŋu-keŋu.
12Mù trɔ zũ ènu kòkoe lè kɛ̃tɔ nyèwo dòmè,
vevetɔa, àmè kèwo lè àpe àhàdamè.
Àmè kèwo jèsi mùawo le vɔ̃ mù.
Ne wo kpɔ mù lè èmɔ̃ jia, wo sina.
13Mù lè sìgbè àmèkuku kè wo ŋlɔ̀bea nène,
mù ɖì èze gbãgbã.
14Mù sè àjèɖàɖa fuu kè wo le ɖà ɖo àsi nyèa.
Vɔ̃vɔ̃ lè àfi ɖekpekpe pòhla.
Wo bɔ̀ le blase ɖo ŋuti nyè, ɖo wo le ji àpe èku.
15Vɔ̀, mù dojì ɖo ŋuti wò, Tɔhonɔ̀.
Mù gblɔ̃ be: “Èwò ye nyi àpe Mawu.”
16Ŋùkèkè nyèwo lè àsi wò mè;
hlùɛ̃ mù lè kɛ̃tɔ nyèwo si,
lè àmè kèwo le tĩ yo nyè mèawo si.
17Mù nyi àpo sumɔ̃vi, na àpo ŋùmè ne klɛ̃ ɖo ji nyè.
Hlùɛ̃ mù to àpo lɔ̃lɔ̃ mè.
18Tɔhonɔ̀, mù gbà na mà-ɖù ŋùkpɛ̃, ne mù fã yɔ wò ò.
Vɔ̀, na àmè bàɖàwo ne ɖù ŋùkpɛ̃.
Èɖa ne ɖo lè woa nu lè èkuwode gbidi.
19Le ènuyu bɔ̀ na àjèɖàtɔ ŋuawo.
Ɛ̃ɛ wo mu ɖona bùbu na àmè kè le wɔ̀ ɖo àpo ènyà ji ò.
Wo pònà nupo ku ègòyiyi ku jajra àmè màbùtɔ̀.
20Tɔhonɔ̀, ɖàgbè kèwo wò jràɖo ɖɛ na àmè kèwo vɔ̃na wòawo lòlò.
Lè àgũ dòmè ye wò mana wo na àmè kèwo kpɔ nɔ̀pe lè èwò mèa.
21Wò wlana wo ɖo àpo ŋùmè be bèbèpe,
do àmè kèwo le tĩ woa yomè a.
Wò wlana wo do àgbètɔ be ènyà gbegblewo gbɔ̃gblɔ̃.
22Àkpe na wò Tɔhonɔ̀!
Mù lè sìgbè èdù kè wo xaa#31.22 Wo teŋu gbà gblɔ̃ be “Èdù kè wo jãa”. nène,
vɔ̀a, àpo lɔ̃lɔ̃ wɔ̀ ènu jɔ̀ àsuwo na mù.
23Ŋùɖo bu na mù eye mù le bù èta mè be:
“Wò nyà mù lè àpo ŋùku ta!”
Vɔ̀a, wò ɖo èto mù kè mù fã yɔ wòa.
24Mì lɔ̃ Tɔhonɔ̀, mìa yebe àmè kɔ̀kɔ̀ɛwo.
Tɔhonɔ̀ nyi àkpoxɔ̀nu na àmè kèwo xɔ̀ e ji sèa,
vɔ̀, e dɔ̃nà èto na ègòyitɔwo.
25Mì sɛ̃ŋu ne mìa likè goŋu-goŋu,
mìa àmè kèwo keŋu xɔ̀ Tɔhonɔ̀ ji sèa.
Currently Selected:
Èhàwo 31: GEN
Highlight
Copy
Compare
Share
Want to have your highlights saved across all your devices? Sign up or sign in
Mina Bible © Bible Society of Togo, 2014.
