Èhàwo 30
30
Àkpe na Tɔhonɔ̀ kè hlùɛ̃ gãa
1David be Èhà na mawuxɔa be ŋuti kɔ̀kɔ.
2Tɔhonɔ̀, ɛ̃ɛ mù la mlã wò ɖo wò kɔ mù yì ji.
Eye wò mu na èmɔ̃ kɛ̃tɔ nyèwo ò.
3Tɔhonɔ̀ Mawu nyè, èwò mù do àpa yɔ eye wò dà èdɔ̀ na mù.
4Tɔhonɔ̀, wò trɔ xɔ̀ èkla nyèa so èkuwode.
Wò le mù ɖo àgbè wàlɛbɛ kè mù ɖo èta èyɔ̀ mèa.
5Mìa Tɔhonɔ̀ be àmè kɔ̀kɔ̀ɛwo, mì jì èhà na ɛ̀.
Mì gbà kafu yebe nyikɔ kɔ̀kɔ̀ɛa.
6Ɛ̃ɛ yebe àdɔ̀mèze lè na gàmè viɖe kpò.
Vɔ̀, yebe àdɔ̀mè nyuɛ̃a lè tɛ̀gbɛ̀.
Àvi fãfã teŋu va lè èzã mè, vɔ̀,
lè ŋùdekɛ̃nyɛ mèa, jìjɔɛ la va.
7Wàlɛbɛ kè mù lè kpooa,
mù susu be: “Nyè mu la jè ànyi gbèɖe ò!”
8Tɔhonɔ̀ wò nyɔ, ŋuti wò ye mù dojì ɖo.
Vɔ̀ kè wò wla àpo ŋùmè do mù a, vɔ̃vɔ̃ ɖo mù ŋutɔ.
9Tɔhonɔ̀, èwò mù fã yɔ.
Tɔhonɔ̀ ye mù blìbɔ̀ na.
10Àlè kɛ ye la nɔ̀ àpe wùwu mè,
ne mù ɖiɖi yì èyɔ̀ mè ò?
Àmè kukuwo la teŋu kafu wòa?
Wo la teŋu ɖè ànùkua wòa fiɔa?
11Ɖoto mù Tɔhonɔ̀, ne wòa ku ŋuzĩzĩ na mù.
Tɔhonɔ̀ nyi àpe àlɔ̀dotɔ.
12Wò trɔ àviha nyè a wɔ̀ jìjɔɛ be èwè ɖuɖu.
Wò ɖè èfũlòvɔ nyèa jo eye
wò do àwù yeye#30.12 Àwù yeye àlo jìjɔɛ be àwù. Xoxotɔwo gblɔ̃ be “Wò ɖɔ̀go na mù ku jìjɔɛ”.na mù.
13Nène a, mù la nɔ jì kafu-ha na wò tɛ̀gbɛ̀.
Tɔhonɔ̀ Mawu nyè, mù la nɔ do àkpe na wò kaka sɔyì.
Currently Selected:
Èhàwo 30: GEN
Highlight
Copy
Compare
Share
Want to have your highlights saved across all your devices? Sign up or sign in
Mina Bible © Bible Society of Togo, 2014.
