Èhàwo 29
29
Tɔhonɔ̀ be ègbè
1David be Èhà.
Mìa jiŋùkusi be ŋusɛ̃wo#29.1 Ŋusɛ̃wo nyi Mawu be àtikplɔtɔ kèwo lè jiŋùkusia, mì sɔ nyiɖìɖi kudo hɔ̃hlɔ̃a na Tɔhonɔ̀.
2Mì sɔ bùbu kè jèa na Tɔhonɔ̀ be nyikɔa!
Kpɔɖa Tɔhonɔ̀ lè kɔ̀kɔ̀ɛ, mì sɛ̃ ɛ̀ kudo bùbu gã ɖe.
3Tɔhonɔ̀ be ègbè le ɖì lè èsìwo ji.
Gogo be Mawu na èji le ɖègbè,
Tɔhonɔ̀ ɖo ŋusɛ̃ ɖo èsì gãgãwo ji.
4Tɔhonɔ̀ be ègbè ɖèɖe ɖɔ kudo ŋusɛ̃.
Tɔhonɔ̀ be ègbè ɖèɖe ɖɔ kudo nyiɖìɖi.
5Tɔhonɔ̀ be ègbè ɖèɖe ŋɛ̃ sedàtiwo.
Tɔhonɔ̀ ŋɛ̃ Libàn be sedàtiwo ku ŋusɛ̃.
6E na Libàn be ètowo tìkpo sìgbè ènyì-suvi nène,
eye Hɛrmɔ̀n be ètoa ya, sìgbè ètòvi nène.
7Tɔhonɔ̀ be ègbè ɖèɖe nana èzò be kɛ̃klɛ̃ hlɛ̃na.
8Tɔhonɔ̀ be ègbè ɖèɖe hũhũna zògbè.
Tɔhonɔ̀ hũhũna Kadɛ̀s be zògbèa.
9Tɔhonɔ̀ be ègbè ɖèɖe hũhũna àtisuwo.
E ɖènà àvesuwo ɖo àma.
Vɔ̀, lè yebe mawuxɔa mèa,
ènu sia ènu gblɔ̃nà be: “Gogo na Mawu!”
10Tɔhonɔ̀ nɔ̀ ànyi ɖo yebe èfìɔzìkpea ji lè àpùwo ji.
Ɛ̃ɛ, Tɔhonɔ̀ nyi èfìɔ kaka sɔyì.
11Tɔhonɔ̀ la na ŋusɛ̃ yebe àmèwo;
Tɔhonɔ̀ la tu sì na yebe dùkɔ̃a, la na ɛ̀ ŋuti fàfa.
Currently Selected:
Èhàwo 29: GEN
Highlight
Copy
Compare
Share
Want to have your highlights saved across all your devices? Sign up or sign in
Mina Bible © Bible Society of Togo, 2014.
