Èhàwo 28
28
Mawu nyi mawumewo be ètabèpe
1David tɔ̀.
Tɔhonɔ̀, àpe àkpã likè, èwò mù le fã yɔ.
Mù gbà ku èto do àpa nyè ò.
Ne wò mu tɔ̀ na mù òa,
mù la ɖì àmè kè le ɖiɖi yì èyɔ̀mèa.
2Ɖo èto àpe blìbɔ̀-blìbɔ̀ be ègbèwo ne mù fã yɔ wòa;
ne mù kɔ àlɔ̀ nyèwo yì ji ɖoɖa àpo mawuxɔa be tèpe kɔ̀kɔ̀ɛa.
3Mù gbà hɛ̃ mù sìgbè àmè bàɖà
àlo ènu màɣe wɔ̀tɔwo nène ò.
Wo pònà fàfa kudo woa xaviwo,
vɔ̀, èvuɛ̃ ye lè woabe èjì mè.
4Tu èfɛ̃ na wo sɔ zɔ̃ ɖo woabe wɔ̀wɔwo
kudo woabe èhlɔ̃ dãdãwo ji.
Tu woabe àlɔ̀nu dɔwo be èfɛ̃ na wo,
ne wòa na wo woabe ètodɔ̃awo.
5Ɖo wo mu kpɔna Tɔhonɔ̀ be wɔ̀wɔwo
kudo yebe àlɔ̀nudɔwo ɖo ènu ɖe ji ò.
Tɔhonɔ̀ ne crɔ̃ wo, ne wo mu gbà fɔ̃ gbèɖe kpɔ ò.
6Àkpe na Tɔhonɔ̀! E ɖo èto sè àpe blìbɔ̀ gbèa.
7Tɔhonɔ̀ ye nyi àpe ŋusɛ̃ kudo àpe àkpoxɔ̀nu.
Èjì nyè li ɖo e ji, eye mù kpɔ yebe àlɔ̀do.
Èjì nyè le mlã ŋutɔ eye mù le kafu Tɔhonɔ̀ kudo àpe èhà.
8Tɔhonɔ̀ ye nyi yebe dùkɔ̃a be ŋusɛ̃,
e kpɔna èfìɔ kè e cã a ji kudo ŋusɛ̃. E hlùɛ̃nà ɛ̀ gã.
9Hlùɛ̃ àpo dùkɔ̃a gã, tu èsì na àmè kèwo nyi tɔ̀wòawo.
Nyi kplɔ̀tɔ na wo, ne wòa kpɔ woa ji kaka sɔyì.
Currently Selected:
Èhàwo 28: GEN
Highlight
Copy
Compare
Share
Want to have your highlights saved across all your devices? Sign up or sign in
Mina Bible © Bible Society of Togo, 2014.
