Èhàwo 25
25
Sɔsɔkè ku hlùɛ̃gã be kuefã
1David tɔ̀.
Tɔhonɔ̀ Mawu nyè, gbɔ wò ye mù trɔ ɖoɖa#25.1 èwò ye mù sɔ èkla nyèa tù na
2Ŋuti wò mù dojì ɖo, mù gbà na mà-ɖù ŋùkpɛ̃ ò.
Mù gbà na ne kɛ̃tɔ nyèwo ne gla ɖo ji nyè ò.
3Ŋùkpɛ̃ ɖe mu lè na àmè kèwo dojì ɖo ŋuti wò ò.
Vɔ̀, ŋùkpɛ̃ ye nyi na àmè kèwo sà wò ŋùgbemàkpɔtɔ̀a.
Na ne woa ci àgba.
4Tɔhonɔ̀, na ne ma nya àpo èmɔ̃wo.
Na ne ma nɔ̀ àgbè sɔ zɔ̃ ɖo àpo èjro ji.
5Kplɔ̀ mù lè àpo nyàwo be èmɔ̃a ji eye wòa kpla mù ènu.
Ɖo èwò ye nyi àpe gãgã be Mawu.
Mù lè yo wò mè tɛ̀gbɛ̀.
6Tɔhonɔ̀, ɖoŋù àpo ŋuzĩzĩ kudo hòmèfà lɔ̃lɔ̃
ŋùvòsijèjètɔ̀awo ɖo blèmàtɔ̀a ji kpò, wo lè kòɖòo.
7Ŋlɔ̀be àpe ɖèkajɛ mè be vuɛ̃wo, kaka jè àpe dàdawo ji.
Vɔ̀ zɔ̃ ɖo àpo àdɔ̀mè nyuɛ̃ jia,
Tɔhonɔ̀, ɖoŋù mù, ɖo àpo ɖàgbè wɔ̀wɔ ŋuti.
8Ɛ̃ɛ Tɔhonɔ̀ nyɔ gbà lè ànùkuawɔ̀wɔ ji.
Nène a, e la fiɔ èmɔ̃ nuvuɛ̃wɔ̀tɔwo#25.8 Wo nyi àmè kèwo bu Tɔhonɔ̀ be èmɔ̃a.
9E la fiɔ àfɔ̀tope hòmèfanɔ̀wo lè jɔ̀jɔɛ sòso mè
eye e la gbà fiɔ wo yebe èmɔ̃a.
10Tɔhonɔ̀ be ènufiɔfiɔwo ɖènà yebe ànùkua lɔ̃lɔ̃ a fiɔ
àmè kèwo le kpɔ yebe zòɖùɖu be èseawo jia.
11Sɔ dàda nyè kè kpɛ̃ ŋutɔa sɔ kè mù,
sɔ ɖè àpo gogoa fiɔ, Tɔhonɔ̀.
12Àmè kɛ ye la nyi àmè kè vɔ̃na Tɔhonɔ̀a kò?
E la fiɔ àmè kèa èmɔ̃ kè jèa.
13E la nɔ̀ àgbè lè vòvo fɛ̀ɖɛ̀ mè
eye yebe jìjimèviwo tɔ̀ ye la nyi ànyigbã.
14Tɔhonɔ̀ ɖènà ye ɖokoe fiɔna àmè kèwo ɖo bùbu na ɛ̀a,
e ɖènà yebe zòɖùɖua fiɔ wo.
15Ŋùkuvi nyèwo nɔ̀nà Tɔhonɔ̀ ji tɛ̀gbɛ̀,
ɖo e la ɖè àpe àfɔ̀wo to lè èdoa mè.
16Trɔkɔ̀ va kpɔ mù jro, ne wòa ku ŋuzĩzĩ na mù.
Ɖo mù ci àkòŋùgò, gbà nyi àyàtɔnɔ̀.
17Àpe èjì ci jojojoe ŋutɔ,
ɖè mù to lè àpe èfũwo mè.
18Ɖè ŋùku kpɔ àpe èfũ kudo àyà,
ne wòa sɔ àpe èvuɛ̃wo kpata kè mù.
19Dè ŋùgblè so àpe kɛ̃tɔwo ŋuti,
ɖo wo sùgbɔ, eye wo crì mù kakaka.
20Le mù ɖo àgbè, ne wòa hlùɛ̃ mù.
Wò nyi àpe tabèpe, mù gbà na mà-ɖù ŋùkpɛ̃ ò.
21Mù le kpɔ àsi wò nu.
Na mà-ɖù blibo, gbà nyi ànùkuawɔ̀tɔ.
22Oò Mawu, hlùɛ̃ Izràɛl lè yebe èfũwo keŋu-keŋu mè.
Currently Selected:
Èhàwo 25: GEN
Highlight
Copy
Compare
Share
Want to have your highlights saved across all your devices? Sign up or sign in
Mina Bible © Bible Society of Togo, 2014.
