Èhàwo 24
24
Xixea be Tɔhonɔ̀a ɖo yebe gòxɔa mè
1David be Èhà.
Tɔhonɔ̀ tɔ̀ ye nyi xixea kudo yemè-nuwo,
ànyigbã kudo àmè kèwo lè e jiawo.
2Ɖo e ye ɖo wo ɖo àpùwo ji,
gbà likè wo ɖo ètɔ̀ sàsrawo ji.
3Àmè kɛ ye la teŋu lia Tɔhonɔ̀ be ètoa yì e ji ò?
Àmè kɛ ye la teŋu tɔtè lè yebe Nɔ̀pe Kɔ̀kɔ̀ɛ ò?
4Àmè kè be àlɔ̀ mè kɔ̀, gbà ɖo èjì mè kɔ̀kɔ̀ɛa ye.
Àmè kè trɔna lè yàkànuwo yomè, eye mu tànà ènu ɖo àjè e ji òa ye.
5E la xɔ̀ sìtu so Tɔhonɔ̀ gbɔ,
eye Mawu kè nyi yebe hlùɛ̃gãa, la sò jɔ̀jɔɛ na ɛ̀.
6Nène ye àmè kèwo le jia, la nɔ̀ yeŋu;
àmè kèwo le ji Mawu be ŋùmèa
ye nyi Yakɔb be kɔ̀ta ŋutɔ-ŋutɔa.
7Mìa àgbowo, mì hũ gbàa!
Mìa gbèɖegbè be hɔ̃truwo,
mì hũ, ne gogo be èfìɔa ne gɛ̃ ɖo e mè.
8Àmè kɛ ye nyi gogo be èfìɔ kèa kò?
Tɔhonɔ̀a ye, e nyi ŋusɛ̃tɔ, kãlìsu.
E nyi àhùawɔ̀tɔ sɛ̃ŋu.
9Mia àgbowo, mì hũ gbàa;
mìa gbèɖegbè be hɔ̃truwo,
mì hũ ŋutɔ-ŋutɔ, ne gogo be èfìɔ bèa gɛ̃ ɖo e mè.
10Àmè kɛ ŋutɔ ye nyi gogo be èfìɔ kèa kò?
Tɔhonɔ̀ ŋusɛ̃kpatatɔa ye nyi gogo be èfìɔa.
Currently Selected:
Èhàwo 24: GEN
Highlight
Copy
Compare
Share
Want to have your highlights saved across all your devices? Sign up or sign in
Mina Bible © Bible Society of Togo, 2014.
