Èhàwo 26
26
Tɔhonɔ̀, ɖè kunù na èɖemànyatɔa
1David be Èhà.
Tɔhonɔ̀, sò ènyà na mù!
Ɖo mù nya àfɔ̀ɖèɖe lè àpe wɔ̀na mè.
Mù dojì ɖo Tɔhonɔ̀ ŋuti, nyè mu la ɖiɖi ò.
2Tɔhonɔ̀, ji gɔ̃mè na mù, ne wòa do mù kpɔ.
Jrò àpe èjì be gòglòpewo kpɔ.
3Àpo lɔ̃lɔ̃ a lè àpe ŋùkumè,
eye mù lè àgbè to àpo ànùkua ji.
4Nyè mu dona èha ku yàkàmewo ò,
eye nyè mu zɔ̃nà ku àjèɖàtɔwo ò.
5Mù crì ènu bàɖàwɔ̀tɔwo be èhadodo,
nyè mu dona èha ku àmènyrãkuwo ò.
6Mù la klɔ àpe àlɔ̀wo, sɔ ɖè èɖe mànya fiɔ.
Mù la trɔ do àpo vɔsakpea, Tɔhonɔ̀,
7sɔ do àkpe na wò ku ègbè lele,
eye ma nɔ gblɔ̃ àpo ŋùdãnu wɔ̀wɔwo kpata.
8Tɔhonɔ̀, mù lɔ̃ àxue kè nyi àpo nɔ̀pea,
tèpe kè ye àpo gogoa bɔ lèa.
9Mù gbà dɔ̃ èto na mù sìgbè àgɔ̀jètɔwo nène ò.
Mù gbà xɔ̀ gbɔ̃gbɔ̃ nyèa sìgbè èhlɔ̃dãtɔwo tɔ̀ nène ò.
10Wo le bùsu ɖo àsi, wo tàsi woa ɖokoewo na èzãnu ɖùɖu.
11Nyè ya, mù nya àfɔ̀ ɖèɖe lè àpe wɔ̀na mè.
Tɔhonɔ̀, hlùɛ̃ mù, ku ŋuzĩzĩ na mù.
12Mù le zɔ̃ lè èmɔ̃ kè nyɔa ji.
Eye lè àgũtòpòa, mù la na gogo Tɔhonɔ̀.
Currently Selected:
Èhàwo 26: GEN
Highlight
Copy
Compare
Share
Want to have your highlights saved across all your devices? Sign up or sign in
Mina Bible © Bible Society of Togo, 2014.
