Èhàwo 20
20
Tɔhonɔ̀, hlùɛ̃ èfìɔa!
1David be Èhà kè wo ɖè lè hàsìnɔ̀ gã be xoma mèa.
2Tɔhonɔ̀ ne ɖoto wò lè èfũ-zã gbè,
Yakɔb be Mawu a ne kpɔ ji wò.
3Ne ɖo àlɔ̀do ɖoɖa wò so yebe Nɔ̀pe Kɔ̀kɔ̀ɛ,
ne do wò ŋusɛ̃ so Ziɔ̀n!
4Ne ɖoŋùku àpo ènunana vɔ̀sawo keŋu ji,
ne ɖè àsi xɔ̀ àpo ènumème vɔ̀sawo.
5Ne na wò, sɔ zɔ̃ ɖo àpo èjro ji,
ne gbà dà àsi ɖo àpo ɖoɖowo kpata ji.
6Nène a, mi la do jìjɔɛ be àpa lè àpo jiɖùɖu mè,
eye mi la kɔ àplãŋugawo yì ji, lè Mawu be nyikɔ mè.
Tɔhonɔ̀ ne dà àsi ɖo ènu kè wò le fãbiɔa ji na wò.
7Fifìa, mù nya ɛ̀ be:
“Tɔhonɔ̀ la hlùɛ̃ èfìɔ kè ye ŋutɔ cã a;
e ɖoto è so kaka yebe Nɔ̀pe Kɔ̀kɔ̀ɛ.
Yebe àlɔ̀ sɛ̃ŋua la hlùɛ̃ ɛ̀ to ènu jɔ̀asuwo wɔ̀wɔ mè”.
8Àmèha ɖewo kã ɖo àhùakèkeviwo ji, èbuwo kã ɖo èsɔwo ji.
Mia ya, miabe ŋusɛ̃a ye nyi be mia yɔ Tɔhonɔ̀ miabe Mawu a be nyikɔ.
9Wo la trɔ zũ àmè gbɔ̀jɔ̀ gbɔjɔwo eye wo la jè ànyi, e yomè.
Mia ya, mi la likè goŋu-goŋu, gbà nɔ̀tè.
10Tɔhonɔ̀, hlùɛ̃ èfìɔa,
gbà ɖoto mi lè hùe kè nu mi le yɔ wòa.
Currently Selected:
Èhàwo 20: GEN
Highlight
Copy
Compare
Share
Want to have your highlights saved across all your devices? Sign up or sign in
Mina Bible © Bible Society of Togo, 2014.
