Èhàwo 21
21
Àkpedo-ha lè èjiɖùɖu yomè
1David be Èhà lè hàsìnɔ̀ gã be xoma mè.
2Tɔhonɔ̀, èfìɔa le kpɔ jìjɔɛ so ŋusɛ̃ wòa ŋuti.
E ɖuna jìjɔɛ be èwè lè àpo hlùɛ̃gã mè.
3Wò na ɖoŋuti na yebe èjì mè be èjro wo,
wò mu ɖè èkɔ̀ lè yebe ènuyuwo be jro ŋuti ò.
4Ɛ̃ɛ, wò to va kpe è kudo sìtu wòa be nyɔna.
Wò sɔ sìka be jègbà cɔ̃ èta na ɛ̀.
5E biɔ wò àgbè, eye wò na ɛ̀
àgbènɔ̀ zã dìdi àdodoe kaka sɔ yì.
6Èfìɔa be gogoa lòlò, ɖo wò hlùɛ̃nà ɛ̀ gã.
Wò sɔ nyiɖìɖi kudo bùbu cɔ̃ na ɛ̀.
7Wò sɔ ɛ̀ wɔ̀ sìtu ɖèɖe kaka sɔyì,
ɖo wò ɖɔna ɛ̀ ku jìjɔɛ lè àpo ŋùmè.
8Ɛ̃ɛ, èfìɔa dona èjì ɖo Tɔhonɔ̀ ŋuti.
Mawu èjihũitɔa be lɔ̃lɔ̃ na be, mu tènà kli ò.
9Èwò èfìɔ, àpo àsi la sù kɛ̃tɔ wòwo kpata ji.
Àpo àsi sɛ̃sɛ̃a, la xe àmè kèwo crì wòa.
10Ne wò kpãŋùkɔ̀ woa, wò la fiɔ̃ wo lè èzò gã ɖe mè.
Tɔhonɔ̀ la crɔ̃ wo lè yebe àdɔ̀mèze mè eye èzò la fiɔ̃ wo.
11Wò la crɔ̃ woabe àdɔ̀mèviwo lè ànyigbã ji,
wò la gbà crɔ̃ woabe èviwo
be àdɔ̀mèviwo lè àgbètɔwo dòmè.
12Ne wo ɖo èvuɛ̃ ɖe, la wɔ̀ kudo wòa,
ne wo ɖo sùsu vuɛ̃ ɖe a,
wo mu la teŋu kpe ji wò ò.
13Ɛ̃ɛ, wò la ɖè àŋùdàti wòa ɖo woa ji
eye wo la si àfɔsi-àfɔsi.
14Tɔhonɔ̀, ɖè àpo ŋusɛ̃a fiɔ.
To àpo ènujɔ̀asuwo mèa,
mi la jì èhà sɔ kafu àpo hɔ̃hlɔ̃a.
Currently Selected:
Èhàwo 21: GEN
Highlight
Copy
Compare
Share
Want to have your highlights saved across all your devices? Sign up or sign in
Mina Bible © Bible Society of Togo, 2014.
