Èhàwo 19
19
Mawu be gogo lè xixea mè
1David be Èhà kè wo ɖè lè hàsìnɔ̀ gã be xoma mèa.
2Jiŋùkusi le ɖè Mawu be gogo fiɔ,
wètriviwo kpata le ɖè yebe àlɔ̀nudɔawo fiɔ.
3Ŋùkèkè le kã yebe àseŋu na ŋùkèkè kè jè e yomè a,
èzã cã le gblɔ̃ ɛ̀ na èzã kè gbãnàa.
4Wo mu le sè ègbè dodo ɖe àlo nupo pòpo ɖe ò.
5Vɔ̀, woabe àŋɛ̀a gbã kpe ànyigbã ji,
eye e yì xixea be nukpòpewo keŋu.
Mawu ɖo nɔ̀pe na èwè lè jiŋùkusi.
6Ŋùdekɛ̃nyɛ mèa, e tona sìgbè nyɔ̃nùkpetɔ
kè to so yebe nɔ̀pea#19.6 nɔ̀pe kèa nyi àsu kudo àsìa tɔ̀ nène.
E lè sìgbè èdùputɔ kè pu dù kaka ɖùji
eye be gbà le ja pu dù bua nène.
7E tona so xixea be àgo ɖèka, zɔ̃nà kaka yì wuna
yebe àzɔ̃lìa nu lè àgo ɖèa.
Yebe zòzo a mu hùenà do ènu ɖekpe ò.
*
8Tɔhonɔ̀ be èsea lè gàji, e nana àgbè.
Tɔhonɔ̀ be ɖoɖowo mè kɔ̀ peŋu-peŋu,
wo nana ènunya àmè kèwo mu nya ènu òa.
9Tɔhonɔ̀ be kɔ̀dowo sɔ̀gbè tututu, wo hayana èjìwo.
Tɔhonɔ̀ be èsea nyi ènu kɔ̀kɔ̀ɛ,
e nana àmè kpɔna ènu nyuɛ̃ ɖe.
10Bùbu dodo Tɔhonɔ̀ ŋuti nyi ènu mà-ɖoɖi,
e nɔ̀nà ànyi kaka sɔ yì.
Tɔhonɔ̀ be ènyà sòsowo sɔ̀gbè, gbà lè jɔ̀jɔɛ tɛ̀gbɛ̀.
11Wo xɔ̀asì sɔ wu sìka, dodo, sɔ wu sìka kɔ̃ nyuɛ̃wo.
Wo gbà vivi wu ànyisì, wu ànyisì kè le sràa.
12Nyàwo, àpo ènyà sòsowo ɖona àfɔ̀ àfɔ̀ ji na mù, àpo sumɔ̃via.
Àjɔ̀ tɔ̀xɛ ɖe lè woa ji kpɔkpɔ mè na mù.
13Àmè kɛ teŋu ŋɔjè ye ŋutɔ be àgɔ̀jèjewo mè ò?
Sɔ kè mù jro, àgɔ̀ kèwo nyè mu le kpɔ òa.
14Ɖè mù jo lè ègòyitɔwo dòmè,
ne wo mu gbà ɖo ŋusɛ̃ ɖe ɖo ji nyè ò!
Nène a, nyè mu gbà la ɖo xìxa ɖe ò,
eye wo mu la gbà dohùɛ ɖe do mù ò.
15Tɔhonɔ̀, àkpã sɛ̃sɛ̃ kudo xɔ̀namètɔ nyè,
na àpe ènumè nyàwo kudo
àpe èjìmè be susuwo ne jè ŋùmè na wò.
Currently Selected:
Èhàwo 19: GEN
Highlight
Copy
Compare
Share
Want to have your highlights saved across all your devices? Sign up or sign in
Mina Bible © Bible Society of Togo, 2014.
