Èhàwo 17
17
Àmè kè yomè wo tĩa be kuefã
1David be kuefã.
Tɔhonɔ̀, sè àpe biɔbiɔ jɔ̀jɔɛ, ɖo èto àpe àvigbea!
Ɖoto sè àpe kuefã: ènu nyè mu blènà àmè ò.
2Èwò ye la sò jɔ̀jɔɛ na mù,
ɖo ŋùkuvi wòwo kpɔna ènu kè sɔ̀gbèa.
3Wò jrò àpe èjì mè kpɔ.
Lè èzã kè wò le ɖia àpe àmètia,
wò jrò mù kpɔ nyuɛ̃ ɖe,
eye wò mu kpɔ ènu bàɖà ɖe lè ètù mè na mù ò.
4Nyè mu ɖè ènu kè mù susu
so àmèwo ŋutia, gblɔ̃ ò.
Mù wɔ̀ ènu kè wò biɔa,
mù le ŋùku ɖo èmɔ̃ kè wò fiɔ mù a ŋuti kpò.
5Mù ɖo àfɔ̀ àpo àfɔ̀do mè, nyè mu ɖiɖi ò.
6Vɔ̀ fifìa, mù la yɔ wò, aò Mawu,
ɖo wò la ɖoto mù.
Bɔ̀bɔ̀ èto wòa, ne wòa sè àpe ègbè.
7Ɖè àpo lɔ̃lɔ̃ fiɔ mù.
Ɛ̃ɛ, wò hlùɛ̃nà àmè kè le ji ètabèpe lè gbɔ wòa gã,
lè àmè kèwo sitè ɖo e ŋutiawo si.
8Cɔ̃ ji nyè sìgbè àdɔ̀kùnɔ̀ àdodoe ɖe nène.
Wla mù ɖo àpo àwà be vɔ̃vɔ̃lì gɔ̃mè.
9Ne ma nɔ̀ àzɔ̀ge boo na àmè bàɖà
kèwo le ji èvuɛ̃ na mù a,
na kɛ̃tɔ vuɛ̃ɖì kèwo trɔ do mù a.
10Woabe èjì mu kuna ŋuzĩzĩ ò,
eye woabe ènumè ɖɔ ku gòyigbewo.
11Wo kplɔ̀ mù do kaka va xa mù gòdò.
Wo le ji èmɔ̃nu ne woa na mia jè ànyi.
12Wo lè sìgbè jãŋùta kè doxa nène,
sìgbè jãŋùtavi kè le ji ènu la trɛ̃a nène.
13Tɔhonɔ̀ sitè!
Yì dogò wo, ne wòa sɔ wo pu ànyi,
sɔ èwui wòa sɔ hlùɛ̃ mù lè àmè bàɖàwo simè.
14Tɔhonɔ̀, sɔ àpo àlɔ̀ ɖè àmè kèawo
jo boo lè àpo àmèwo dòmè, lè ànyigbã ji!
Ènu kè kpò jè na woa yeŋu.
Na be woabe èjìwo ne ɖɔ kudo
ènu bàɖà veve kèwo wò jràɖo na woa.
Ne woabe èviwo ne kpɔ ègomè lè gbledo kèawo mè,
eye woabe ɖùkpɔ̀tɛawo ne kɔ̀ ɖo woabe viwo be viwo ji.
15Vɔ̀, na ne nyè ya ma kpɔ àpo ŋùkumè lè ànùkua mè,
ne mù fɔ̃a, ma ɖɔpò lè àpo ŋùkɔ̀.
Currently Selected:
Èhàwo 17: GEN
Highlight
Copy
Compare
Share
Want to have your highlights saved across all your devices? Sign up or sign in
Mina Bible © Bible Society of Togo, 2014.
