Èhàwo 16
16
Jìjɔɛ nɔ̀nà fikè Tɔhonɔ̀ lèa
1David be èhàlo.
Oò Mawu, èwò kè nyi àpe ètabèpea, hlùɛ̃ mù gã.
2Mù gblɔ̃ na Tɔhonɔ̀ be:
“Èwò ɖèka ye nyi Àpetɔ nyè.
Èwò si mè kpò nyɔna nyèa lè.”
3Mù kpɔna jìjɔɛ ɖo Mawu be àmè kɔ̀kɔ̀ɛwo ŋuti lè èdò.
Ɖo wo nyi àmè ɖìnyiwo.
4Àmè kè va yì jina àlɔ̀do lè vòdu gbɔa be àyà la sùgbɔ.
Nyè mu la wɔ̀ woabe èhũ vɔsa kpɔ gbèɖe ò.
Nyè mu la yɔ woabe nyikɔ sɔ kafu wo gbèɖe ò.
5Tɔhonɔ̀, èwò ye nyi àpe àgbèa be nyɔna,
àkpa kè nyi tɔ̀ nyèa. Àgbè nyèa lè àsi wò mè.
6Àkpa kè wò na mù a, jè ŋùmè na mù.
E nyi ècrɔ̃nu àdodoea.
7Mù le do àkpe na Tɔhonɔ̀ kè le pò èto ɖo na mù a.
Èjì nyè cã le pòfiɔ mù lè èzã be ŋùgblè dèdewo mè.
8Àpe sùsu lè Tɔhonɔ̀ ji wè sia wè.
Kaka kè e lè àpe àhàdamèa,
nyè mu la jè ànyi kpɔ ò.
9Ɖo eŋuã ŋutia, èjì nyè le haya eye mù le kpɔ jìjɔɛ.
Àmèti nyè cã lè kãkã ɖo e ji blibo mè.
10Gbèɖe, wò mu la tàsi mù ɖo èkuwode ò,
nènea ke ye wò mu na èvi wò ɖèvea la nyìnyɔ̀ lè èyɔ̀ mè ò.
11Wò la ɖè àgbè be èmɔ̃a fiɔ mù.
Jìjɔɛ nɔ̀nà fikè wò lèa gbãgo,
lè gbɔ wòa, nyɔna be èsìvudo ye lè tɛ̀gbɛ̀.
Currently Selected:
Èhàwo 16: GEN
Highlight
Copy
Compare
Share
Want to have your highlights saved across all your devices? Sign up or sign in
Mina Bible © Bible Society of Togo, 2014.
