Èhàwo 112
112
Mawu wɔ̀nà ɖàgbè na àmè jɔ̀jɔɛ
1Mì jì kafu-ha na Tɔhonɔ̀!
Sìtume ye nyi àmè kè bùnà Tɔhonɔ̀
eye e kpɔna yebe ègbè do àsiwo jia.
2Ŋusɛ̃ la nɔ̀ yebe èviwo ŋuti lè ànyigbã ji,
ɖo Mawu tu sì na àmè kèwo wɔ̀nà ànùkua
3Ènunɔ̀amèsiwo la sù e si eye e la nɔ̀ àgbè nyuɛ̃ ɖe.
Yebe ànùkua wɔ̀wɔ la nɔ̀ ànyi tɛ̀gbɛ̀.
4Kɔ̀kɔ̀ɛ klɛ̃na na ànùkuamè a lè èzã mè.
E lè jɔ̀jɔɛ gbà wɔ̀nà àdɔ̀mè nyuɛ̃.
E lɔ̃nà àmè ɖexòmèku.
5Àmè kè wɔ̀nà ènyuɛ̃a, kpɔna ɖo
e mè na àmè gbà dona ènu fàa.
E wɔ̀nà yebe ènuwo ɖo èse ji.
6Ènu ɖekpe mu la hũhũ ì kpɔ gbèɖe ò,
eye wo la nɔ ɖoŋùku ànùkuamè a ji tɛ̀gbɛ̀dò.
7Mu la nɔ vɔ̃ ènyà kpòtoewo ò.
Lè kãkãɖoji mèa, e la dojì ɖo Tɔhonɔ̀ ŋuti.
8Ku kãkãɖoji a, mu la vɔ̃ ènu ɖekpe ò,
eye e la teŋu kpɔ ŋusɛ̃ ɖo yebe kɛ̃tɔwo ji.
9E vlũna àlɔ̀, e nana ènu wɔ̀amènɔ̀.
Eye yebe ànùkua wɔ̀wɔ la nɔ̀ ànyi tɛ̀gbɛ̀.
E ɖo ŋusɛ̃ eye bùbu nɔ̀nà e ŋuti.
10Àmènyrãkuwo la kpɔ ɛ̀ eye wo la do àdɔ̀mèze.
Wo la ɖù àɖuklui ku ŋuhuã eye wo la gbɔjɔ
Woabe ŋùɖo la bu vĩi.
Currently Selected:
Èhàwo 112: GEN
Highlight
Copy
Compare
Share
Want to have your highlights saved across all your devices? Sign up or sign in
Mina Bible © Bible Society of Togo, 2014.
