Èhàwo 111
111
Kafu-ha na Mawu ɖo yebe ènuɖoɖowo ŋuti
1Mì jì kafu-ha na Tɔhonɔ̀!
Mù le doàkpe na Tɔhonɔ̀ so kaka èjì mè
lè àmèha dòmè, lè àmè jɔ̀jɔɛwo dòmè.
2Tɔhonɔ̀ be nuwɔ̀wɔwo wɔ̀ ŋùdã,
àmè kèwo kpata be ŋùmè wo nyɔna
wo bùnà woa ŋuti kpɔ.
3Yebe ènuwɔ̀wɔ nyi bùbu kudo gogo ɖèɖe,
eye e wɔ̀nà ànùkua tɛ̀gbɛ̀.
4E jro be woa ɖoŋù yebe ŋùdãdɔwo
Tɔhonɔ̀ kuna ŋuzĩzĩ, e lɔ̃nà àmè bɔ̀bɔɛɖe.
5E nana ènuɖùɖu àmè kèwo vɔ̃na ɛ̀a
E ɖonaŋù yebe zòɖùɖua kòkòkò.
6Tɔhonɔ̀ ɖè yebe èdɔa be ŋusɛ̃ fiɔ yebe dùkɔ̃a
wàlɛbɛ kè be sɔ àmèjrowo be ànyigbã
wɔ̀ ɖàgbè na ɛ̀a.
7E wɔ̀nà ènu lè nyàwo kudo jɔ̀jɔɛ mè,
yebe ègbè do àsiwo kpata lè ègàji.
8Wo mu trɔna kpɔ ò, ɖo wo sɔ̀gbè,
jɔ̀, gbà nyi nyàwo.
9E ɖo àmèjojo ɖoɖa yebe dùkɔ̃a,
eye e ɖo yebe zòɖùɖua ànyi kaka sɔ yì.
Tɔhonɔ̀ be nyikɔ lè kɔ̀kɔ̀ɛ gbà ɖo vɔ̃vɔ̃.
10Tɔhonɔ̀ be vɔ̃vɔ̃a ye nyi ènunya be gɔ̃mèjèje.
Àmè kèwo wɔ̀nà ɖo yebe èseawo jia, ɖo ènunya nyuɛ̃ ɖe.
Tɔhonɔ̀ be kàfù kafu lè tɛ̀gbɛ̀dò.
Currently Selected:
Èhàwo 111: GEN
Highlight
Copy
Compare
Share
Want to have your highlights saved across all your devices? Sign up or sign in
Mina Bible © Bible Society of Togo, 2014.
