Èhàwo 110
110
Tɔhonɔ̀ fìã jiɖùɖu be àjɔ̀gbè na Èfìɔa
1David be Èhà.
Tɔhonɔ̀ gblɔ̃ na àpetɔ nyè be:
“Va nɔ̀ ànyi lè àpe ɖùsi-lɔ mè
kaka ma sɔ àpo kɛ̃tɔwo ɖo
àfɔ̀ gɔ̃mè na wò.”
2Tɔhonɔ̀ la kèke àpo jiɖùɖua ɖo ji
so kaka Ziɔ̀n be gòxɔa mè.
Eye wò la ɖùfìɔ lè kɛ̃tɔwo dòmè.
3Dùkɔ̃ wòa la sɔ̀gbè ɖo ŋuti wò
kaka kè wò la bɔ̀ àpo àhùakɔ̃a.
Àpo ɖèkajɛwo la va gbɔ wò
lè èto kɔ̀kɔ̀ɛawo ji sìgbè
fɔ̃fɔ̃mè be àhũ jàja nène.
4Tɔhonɔ̀ ŋutɔ ye kã àtãŋu màtrɔ màtrɔ be:
“Wò nyi hũbonɔ tɛ̀gbɛ̀dò
sìgbè Mɛlkisedɛk ke nène.”
5Tɔhonɔ̀ lè àpo àhàdamè.
E gbã èfìɔwo lè yebe àdɔ̀mèze-zãa gbè.
6E ɖo kòjo na dùkɔ̃wo,
e gbã àgbònùglawo lè ànyigbã kpata ji.
Ŋutilã kukuwo bɔ lè àfi sia àfi.
7Eye e la nù èsì lè ètɔ̀ kè srà
so èto mèa mè lè èmɔ̃ to.
Ekèa ŋutia, e la kɔ èta yì ji.
Currently Selected:
Èhàwo 110: GEN
Highlight
Copy
Compare
Share
Want to have your highlights saved across all your devices? Sign up or sign in
Mina Bible © Bible Society of Togo, 2014.
