Èhàwo 11
11
Tɔhonɔ̀ ye nyi àpe tabèpe
1David be Èhà kè wo ɖè lè hàsìnɔ̀ gã be xoma mèa.
Tɔhonɔ̀ nyi àpe tabèpe.
Àleke mì la teŋu gblɔ̃ na mù be:
“Si yì ètowo ji sìgbè xèvi nène ò?”
2Kpɔ àmè bàɖàwo xa woabe àŋùdàtiwo.
Wo jɔ̀ woabe àŋùtiawo ɖo èkàa ji,
lè klalò la te àmè kèwo ɖo èjìmè kɔ̀kɔ̀ɛa, lè vìvìti mè.
3Nukɛ àmè kè le sè ègbè na wòa,
la teŋu wɔ̀ ne wo gbidi èse kè le kplɔ̀ èdùa ò?
4Tɔhonɔ̀ lè yebe èxɔ̀ kɔ̀kɔ̀ɛa mè,
Tɔhonɔ̀ ɖo yebe èfìɔzìkpe ɖo jiŋùkusi.
E le kpɔ ènu so funu eye e le do àgbètɔwo kpɔ.
5E kpɔna jìjɔɛ so ètonusètɔwo ŋuti, vɔ̀,
e crì àmè bàɖà, àmènyrãkua be wɔ̀wɔ.
6E nana èzòka kudo wèmi zòzo
jànà kɔ̀ ɖo àmènyrãhũwo ji.
Àya gblenu zòzo ye la pò do wo.
Ekèa ye la nyi woabe àjɔ̀.
7Ɛ̃ɛ, Tɔhonɔ̀ nyi ànùkuamè,
e lɔ̃nà ànùkuawɔ̀wɔ eye àmè kèwo ɖo
èjìmè kɔ̀kɔ̀ɛawo la kpɔ yebe ŋùkumè.
Currently Selected:
Èhàwo 11: GEN
Highlight
Copy
Compare
Share
Want to have your highlights saved across all your devices? Sign up or sign in
Mina Bible © Bible Society of Togo, 2014.
