Èhàwo 12
12
Tɔhonɔ̀, ɖè ɖokoe wò fiɔ xixe gbegble kèa
1David be Èhà, kè wo ɖè lè hàsìnɔ̀ gã be xoma mèa. Wo jìnà ɛ̀ kudo kàsãŋùgu kè ɖo èkà ènyia.
2Hlùɛ̃ mi gã, Tɔhonɔ̀! Èxlɔ̃ wɔ̀ ànùkua mu gbà lè ò,
nyàwototɔwo dɛ̃ lè ànyigbã ji.
3Àmèwo ɖànàjè na woa nɔ̀nɔwo kpò,
àɖe èvè ye lè woa si.
Wo mu donajì ɖo woa ŋuti ò.
4Tɔhonɔ̀, crɔ̃ àmè kèwo dona ègòyigbe
kudo àmèflùtɔwo kpata.
5Àmè kèwo gblɔ̃nà be: “To miabe àɖewo mè,
mi nyi àmè sɛ̃sɛ̃wo, mi nya ènupo pòpo,
mi mu le vɔ̃ àmè ɖekpe ò.”
6Vɔ̀ Tɔhonɔ̀ gblɔ̃ be: “Fifìa,
mù la ɖè àbɔ sɛ̃sɛ̃ nyèa fiɔ,
ɖo, àmè kèwo wo zĩ ɖo ànyi
kudo wɔ̀amènɔ̀ kèwo le fã àviawo ŋuti.
Mù la kpe ɖo àmè kè wo zĩ ɖo ànyi a ŋuti.”
7Tɔhonɔ̀ be ènyàwo nyi ènyà kɔ̀kɔ̀ɛ ceŋu-ceŋu
sìgbè klòsalò kè wo kɔ̀ lè èzò mè zè adrɛ̃ a nène.
8Èwò Tɔhonɔ̀, wò kpɔna wɔ̀amènɔ̀wo ji.
Wò la ɖia mi tɛ̀gbɛ̀ lè àmè bàɖàwo be ŋùkɔ̀.
9Àmè kèawo bɔ lè àfi sia àfi
eye èzãnuɖùɖu xɔ̀ xixea keŋu.
Currently Selected:
Èhàwo 12: GEN
Highlight
Copy
Compare
Share
Want to have your highlights saved across all your devices? Sign up or sign in
Mina Bible © Bible Society of Togo, 2014.
