Èhàwo 108
108
Mù jro la fɔ̃ fɔ̃fɔ̃ mè
1Èhà. David be èhà.
2Mù dojì ɖo ŋuti wò Mawu nyè,
mù la jì èhà la lòlò wò kudo èjì blibo.
3Mì fɔ̃ sãŋùgu kudo èhɛwo,
mù ɖo la fɔ̃ fɔ̃fɔ̃mè.
4Tɔhonɔ̀, mù la do àkpe na wò lè dùkɔ̃wo dòmè,
mù la jì èhà na wò lè àmè kèwo
mu jèsi wò sã òa dòmè.
5Ɖo lɔ̃lɔ̃ wòa lòlò wu jiŋùkusi,
àpo ànùkua wɔ̀wɔ sùtè lilikpowo mè.
6Mawu, na àpo nyikɔ ne to jiŋùkusi ŋuti,
ne àpo gogo ne ɖɔ ànyigbã bliboa ji.
7Ne àpo àmè vevewo nɔ kpɔ vòvo,
hlùɛ̃ wo gã to àpo ŋusɛ̃ mè, eye ɖo èto mù.
8Mawu pò nupo lè yebe mawuxɔ kɔ̀kɔ̀ɛa mè be:
“Ènyè ye nyi èjiɖùtɔa.
Mù la ma Sikɛ̀m èdù gãa mè,
mù la jije Sukɔ̀t be bàlìa.
9Gilead nyi tɔ̀ nyè, Manasè nyi tɔ̀ nyè.
Efràyim ye nyi kuku kè mù sɔ cɔ̃ èta,
Yudà ye nyi èkpò kè mù sɔ kplɔ̀nà àmèwo.
10Mòab ye nyi àpe èsìlètɔ̀ka; Edɔ̀m ji mù ɖona àfɔ̀.
Mù do àhùa-pa ɖo Filistìa ji.”
11Àmè kɛ ye la kplɔ̀ mù yì èdù kè àgbògbò trɔ do a mè?
Àmè kɛ ye la kplɔ̀ mù yì kaka Edɔ̀m?
12Wò ɖèka pɛɛ ye sù la wɔ̀ ɛ̀, Oò Mawu!
Vɔ̀a, wò sɔ mi dãŋùgbe, wò mu gbà le wɔ̀ àhùa
kpe ɖo miabe àhùakɔ̃wo ŋuti ò.
13Va kpe ɖo mia ŋuti lè kɛ̃tɔa be ŋùkɔ̀.
Ɖo àgbètɔwo mu teŋu le do mi àlɔ̀ àlekè e jè ɖoa ò.
14Èjiɖùɖu la nyi mia tɔ̀ to Mawu ji.
E la ɖiki miabe kɛ̃tɔwo.
Currently Selected:
Èhàwo 108: GEN
Highlight
Copy
Compare
Share
Want to have your highlights saved across all your devices? Sign up or sign in
Mina Bible © Bible Society of Togo, 2014.
