Àmè Hɛ̃hlɛ̃ 33
33
Izràɛlviwo zɔ̃ so Ejiptè va Kanàn
1Kè Izràɛlviwo to so Ejiptè-nyigbã ji ku woabe àhùakɔ̃wo, lè Mosè ku Arɔ̀n be kpɔ̀kplɔ nua, àfi kèwo wo to, eye wo nɔ̀tè ɖoawo ye nyi ekèawo. 2Mosè ŋlɔ̀ woabe èmɔzɔ̃zɔ̃a ɖo woabe tope kèwo wo jo lè, zɔ̃ ɖo Tɔhonɔ̀ be ègbèɖèɖe nua ɖɛ: Woabe topeawo ye nyi ekèawo:
3Wètri cucugbãa be ŋùkèkè woeàtɔ̃gɔ̃a gbèa, wo jo lè Ramsɛ̀s be èdùa mè. Toŋutivayì be ŋùkè gbè ye Izràɛlviwo jo fàa, lè Ejiptètɔwo keŋu be ŋùmè. 4Wàlɛbɛ ŋua, Ejiptètɔwo le ɖì woa dòmètɔ kèwo Tɔhonɔ̀ wù, kèwo nyi woabe ŋùkɔ̀gbeviwo. Tɔhonɔ̀ sɔ yebe ŋusɛ̃ wɔ̀ ekèa, sɔ le ɖo kòjo ku woabe vòduwo. 5Kè Izràɛlviwo jo lè Ramsɛ̀s vɔ̀a, wo va do àsàɖa ɖo Sukɔ̀t. 6Kè wo jo lè Sukɔ̀t vɔ̀a, wo va do àsàɖa ɖo Etàm, lè kaka zògbè a be ètomè ɖaa. 7Kè wo jo lè Etàm vɔ̀a, wo trɔ gbɔ̀ va Pi-Hahirɔ̀t, kpã ŋùkɔ̀ Baal-Sefɔ̀n, eye wo do àsàɖa ɖo Migdɔ̀l be ŋùkɔ̀. 8Kè wo jo lè Hahirɔ̀t be ŋùkɔ̀a, wo sò àpùa, jè zògbè a ji, eye, kè wo zɔ̃ ŋùkèkè ètɔ̃ lè Etàm be zògbè a ji vɔ̀a, wo do àsàɖa do Marà. 9Kè wo jo lè Marà vɔ̀a, wo yì ɖo Elìm, àfi kè èsìdo woèvè ku èdeviti èkà takpo ci wo (70) lèa. Wo do àsàɖa ɖo funua. 10Kè wo jo lè Elìm vɔ̀a, wo yì do àsàɖa ɖo plãŋùpòfɛ̃#33.10 Plãŋùpòfɛ̃ be àpù: Lè ŋɔ̀ŋlɔ̃ xoxo sùgbɔ mèa, wo yɔ àpù kèa, dìdiɖe be Àpù Jɛ̃, ɖo ènu ɖewo be gɔ̃mè màsè ta. Kè ènu ɖewo be gɔ̃mè sèse tɔ kɔ̀kɔa, wo va yɔ ɛ̀ be Keti be Àpù. Kè ènuwo mè va kɔ̀ keŋu vɔ̀a, gbɔ̀xue wo va kpɔ be plãŋùpòfɛ̃ kè mìɔ̃nà ɖo ètɔ̀ toawo dòmètɔ ɖe ye mìɔ̃ ɖo funua, eye wo gbìgbɔ̀ le trɔ nyikɔ na ɛ̀, lè xoma kèwo wo le ŋlɔ̀ fifìawo mè. be àpùa to. 11Kè wo jo lè plãŋùpòfɛ̃ be àpùa toa, wo yì do àsàɖa ɖo Sìn be zògbè a ji. 12Kè wo jo lè Sin be zògbè a jia, wo yì do àsàɖa ɖo Dofkà. 13Kè wo jo lè Dofkàa, wo yì do àsàɖa ɖo Alùs. 14Kè wo jo lè Alùsa, wo yì do àsàɖa ɖo Refidìm, àfi kè dùkɔ̃a mu kpɔ èsì lè la nù ò a.
15Kè wo jo lè Refidìm vɔ̀a, wo yì do àsàɖa ɖo Sinaì be zògbè a ji. 16Kè wo jo lè Sinaì be zògbè a jia, wo yì do àsàɖa ɖo Kibrɔ̀t-Tavà. 17Kè wo jo lè Kibrɔ̀t-Tavàa, wo yì do àsàɖa ɖo Haserɔt. 18Kè wo jo lè Haserɔt vɔ̀a, wo yì do àsàɖa ɖo Ritmà. 19Kè wo jo lè Ritmàa, wo yì do àsàɖa ɖo Rimɔ̀n-Perɛ̀z. 20Kè wo jo lè Rimɔ̀n-Perɛ̀z yomè a, wo yì do àsàɖa ɖo Libnà. 21Kè wo jo lè Libnàa, wo yì do àsàɖa ɖo Risà. 22Kè wo jo lè Risàa, wo yì do àsàɖa ɖo Kehelatà. 23Kè wo jo lè Kehelatàa, wo yì do àsàɖa ɖo Sɛfɛ̀r be ètoa ji. 24Kè wo jo lè Sɛfɛ̀r be ètoa jia, wo yì do àsàɖa ɖo Haradà. 25Kè wo jo lè Haradàa, wo yì do àsàɖa ɖo Makehɛlɔ̀t. 26Kè wo jo lè Makehɛlɔ̀t yomè a, wo yì do àsàɖa ɖo Tahat. 27Kè wo jo lè Tahat vɔ̀a, wo yì do àsàɖa ɖo Terà. 28Kè wo jo lè Teràa, wo yì do àsàɖa ɖo Mitkà. 29Kè wo jo lè Mitkà a, wo yì do àsàɖa ɖo Hasmɔnà. 30Kè wo jo lè Hasmɔnàa, wo yì do àsàɖa ɖo Mosèrɔt. 31Kè wo jo lè Mosèrɔt vɔ̀a, wo yì do àsàɖa ɖo Bene-Yakàn. 32Kè wo jo lè Bene-Yakàn yomè a, wo yì do àsàɖa ɖo Hɔr-Gidgàd. 33Kè wo jo lè Hɔr-Gidgàd vɔ̀a, wo yì do àsàɖa ɖo Yɔtbatà. 34Kè wo jo lè Yɔtbatà a, wo yì do àsàɖa ɖo Avronà. 35Kè wo jo lè Avronàa, wo yì do àsàɖa ɖo Esiɔ̀n-Gebɛ̀r. 36Kè wo jo lè Esiɔ̀n-Gebɛ̀r vɔ̀a, wo yì do àsàɖa ɖo Sìn be zògbè a ji, lè Kadɛ̀s. 37Kè wo jo lè Kadɛ̀s yomè a, wo yì do àsàɖa ɖo Hɔr be èto ji, lè Edɔ̀m-nyigbãa be ènukpòpewo.
38Kè Tɔhonɔ̀ ɖè ègbèa, hũbonɔ Arɔ̀n yì Hɔr be ètoa ji, eye be ku lè funua, lè èpè èkà kè Izràɛlviwo to so Ejiptè-nyigbã ji vɔ̀ yomè a be wètri àtɔ̃gɔ̃a, be ŋùkèkè cucugbãa ji. 39Arɔ̀n sĩ, ɖo èpè èkà ètɔ̃ ci ètɔ̃ (123), wàlɛbɛ kè be ku lè Hɔr be ètoa jia. 40E yomè a, Kanàntɔwo, Kanàn be èfìɔ Arad kè nɔ̀nà Kanàn-nyigbãa be àpùgoa sè be Izràɛlviwo va.
41Kè wo jo lè Hɔr be ètoa jia, Izràɛlviwo do àsàɖa ɖo Salmɔnà. 42Kè wo jo lè Salmɔnàa, wo yì do àsàɖa ɖo Punɔ̀n. 43Kè wo jo lè Punɔ̀n vɔ̀a, wo yì do àsàɖa ɖo Ovɔ̀t. 44Kè wo jo lè Ovɔ̀t yomè a, wo yì do àsàɖa ɖo Iye-Àbàrim, lè Mòab be lipò ji. 45Kè wo jo lè Iyìm#33.45 Iyìm: Ne wo sè ènyà kèa gɔ̃mè sìgbè èglìkpo nènea, eŋuã tèpe kèa nyi Àbàrim be glìkpowo.vɔ̀a, wo yì do àsàɖa ɖo Dibɔ̀n-Gad. 46Kè wo jo lè Dibɔ̀n-Gad vɔ̀a, wo yì do àsàɖa ɖo Almɔ̀n-Dìblatayimà. 47Kè wo jo lè Almɔ̀n-Diblatayimàa, wo yì do àsàɖa ɖo Àbàrim be ètoawo tamè, kpã ŋùkɔ̀ Nebò be èdùa. 48Kè wo jo lè Àbàrim be ètoawo tamèa, wo yì do àsàɖa ɖo Mòab be ànyigbã gbàjà ji, lè Yɔrdàn be ètɔ̀a to, lè Yerikò lɔ̀ge. 49Wo do àsàɖa ɖo Yɔrdàn be ètɔ̀a to, so kaka Yesimɔ̀t, sɔ yì kaka Abɛ̀l-Sitìm, lè Mòab be ànyigbã gbàjàa ji.
Kanàn-nyigbãa be mamã
50Tɔhonɔ̀ gblɔ̃ na Mosè, lè Mòab be ànyigbã gbàjàa ji, lè Yɔrdàn be ètɔ̀a to, lè Yerikò lɔ̀ge be: 51“Ne mì sò Yɔrdàn be ètɔ̀a, sɔ ɖo Kanàn-nyigbã jia, 52Mì la nyà dùkɔ̃ kèwo keŋu lè ŋùkɔ̀ na mìawo, mì la xɔ̀ ànyigbãa lè woa si, mì la crɔ̃ woabe vòdu be èkpetatawo kpata. Mì la crɔ̃ woabe ègàsèsre be legbawo kpata, eye mì la gũ woabe ètotamè be vɔsakpewo kpata. 53Mì la xɔ̀ ànyigbãa, eye mì la nɔ̀ e ji, ɖoa, mìawo ye mù sɔ ànyigbã ŋua na, ne bèa nyi mìa tɔ̀. 54Mì la dà àkɔ̀, sɔ mã ànyigbãa ɖo mìabe kɔ̀taawo dòmè. Ne kɔ̀taa lòlòa, yebe mamãa la lòlò, eye, ne kɔ̀taa hùea, yebe mamãa la hùe. Àmè sia àmè be ècrɔ̃nu la nyi àfi kè àkɔ̀dàda la sɔ do àsi na ɛ̀a. Mì la wɔ̀ mamã ɖo mìa tɔwo be kɔ̀taawo nu. 55Vɔ̀a, ne mì mu nyà èdùamètɔwo jo lè mìabe ŋùkɔ̀ ò a, eŋuã, woa dòmètɔ kèwo mì la gble ɖɛawo la trɔ zũ àŋùja lè mìabe ŋùkuwo ji ku àklãŋùti lè mìabe àxàda mè. Wo la jã mì lè ànyigbã kè ji mì la nɔ̀a ji, 56eye ènu kè mù ɖo ɖo woa ŋutia, mìawo ye mù la wɔ̀ ɛ̀ ku.”
Mina Bible © Bible Society of Togo, 2014.