Yoɛ̀l 3
3
Tɔhonɔ̀ la ɖùɖù yebe Gbɔ̃gbɔ̃ a ɖoɖa
1Tɔhonɔ̀ gblɔ̃ be: “Eŋuã yomè a,
mù la ɖùɖù Gbɔ̃gbɔ̃ nyèa kɔ̀ ɖo àmè sia àmè ji.
Mìabe ŋusùviwo kudo nyɔ̃nùviwo la trɔ zũ gblɔ̃ɖɛtɔwo.
Mìabe àmè sĩsĩwo la kudrɔ̃ eye ɖèkajɛviwo la kpɔ àvìmènuwo.
2Gà ŋua mèa, mù la ɖùɖù Gbɔ̃gbɔ̃ nyèa
ɖo sumɔ̃vi ŋusù ku nyɔ̃nùwo cã ji.
3Eye mù la na ye ŋùdãnuwo
la jɔ̀ lè jiŋùkusi kudo ànyigbã ji.
Èhũ ku èzò la to, àzìzɔ be lilikpowo.
4Dɔ̃ŋùkusu la do vìvìti.
Eye wètri la bìa hɛ̀ sìgbè èhũ nène
keŋu gbɔ̀xue Tɔhonɔ̀ be ŋùkèkèa la va,
ŋùkèkè gãa, jiŋɔ kèa ɖo vɔ̃vɔ̃.”
5Nène a, àmè ɖekpekpe kè yɔ Tɔhonɔ̀ be nyikɔa, la gã.
Tɔhonɔ̀ ye fìã àjɔ̀gbè kèa:
Àmè ɖewo la kpɔ̀tɔ̀ ci àgbè lè Yèruzàlɛm ku Ziɔ̀n be ètoa ji.
Àmè kèawo ye Tɔhonɔ̀ cã be woa nɔ̀ àgbè.
Mina Bible © Bible Society of Togo, 2014.