Yɔb Kpɔ̀kplɔ̀sɔyìemè
Kpɔ̀kplɔ̀sɔyìemè
Yɔb be xoma nyi àseŋu kãkã so Yɔb ŋuti (Èta 1 ku 2): E nyi àmè mà-ɖo xaxa eye gbɛ̀mè nyɔ na ɛ̀. Co ne e tɔ̀ be e nyi ànùkuamè a, mu nyi ènu kèwo e le kpɔ so Mawu gbɔa ŋuti ye ekèa kù ɖoa? Ne ènuawo (lãmèsɛ̃, èviwo kudo àdɔ̀kùnɔ̀) vɔ̀vɔ̀a, lè àyàɖùɖu sɛ̃sɛ̃wo mèa, e la gbà teŋu wɔ̀ ànùkua na Mawu a?
Vɔ̀ àmè kɛ ye nyi Mawu ò? Ne e lè jɔ̀jɔɛa, nukɛ ŋuti gbledo kèa va Yɔb ji ɖo ò? Ŋusùti ètɔ̃ ji la ɖè e gɔ̃mè na Yɔb be yebe vuɛ̃ be ètodɔ̃ ye le nyi gbledo kè le kpea. Ekèa hɛ̃ ènyà dɔ̃dɔ̃ àɖàŋùtɔ̀ ɖe va. E le nyi àkpa gãtɔ̀ na xoma a (Èta 3 yì 31). Yɔb be èxlɔ̃ ètɔ̃ kèawo pò nupo sìgbè àlekè e nɔ̀nà kòɖòa kpò nène. Vɔ̀, Yɔb gbe woabe ènyà ku àdã, eye e gblɔ̃ na wo be àgbètɔ nyinyi be màjɔ̀ màjɔ ye. Eye e gbà ɖè kunù na ye ɖokoe lè àlekè ye èxlɔ̃awo le kpɔ Mawu ɖoa be ŋùkɔ̀. E kpɔ̀tɔ̀ le tɛgbè ɖo yebe èɖemànyaa ji.
Ɖèkajɛvi ɖe cã gɛ̃ ɖo ènyà mè, Èlìhu (Èta 32 yì 37). E ya le kpɔ ɛ̀ kpò be Mawu le sìa ɛ̀ kudo gbledo kè jɔ̀ ɖo e jia. Nène a, àmè ɖekpe mu la teŋu biɔ ɛ̀ àkɔ̃ŋùta ò.
Sɔ wu e nua, Mawu ŋutɔ do ènu ènyàa mè (Èta 38.1 yì 42.6), mu nyi sɔ na ɖoŋuti ò. E gbà jo le biɔ ènyà. Yɔb va do jèsi yebe àgɔ̀jèje: E pò nupo so Mawu kè mu nya tututu òa ŋuti.
Xoma be vɔ̀vɔnu gbà lè sìgbè àseŋukãkã nène (Èta 42.7 yì 17). Mawu ɖokpe e ji be Yɔb ɖèka pɛɛ ye pò nupo so yè ŋuti nyuɛ̃ ɖe. E trɔ sɔ ènu kèwo crɔ̃ na ɛ̀ va yìawo be tèpe èvè sɔ na ɛ̀.
Àmè kɛ ŋùkumè ye nyi Mawu ò? Ènyà biɔse kèa lè wawla lè xoma a kpata mè. Biɔse kèa gbà lè susuwo mè egbè egbè na mi egbèviwo. Nyàwo Yɔb be xoma le ɖè ènu kè Mawu mu nyi òa fiɔ. E la teŋu kpe ɖo mia ŋuti sɔ ɖè tata gbegble kèwo mi wɔ̀nà so Mawu ŋuti ɖo miabe susuwo mèa jo. E lè na, ne mi mu gbà caka Mawu ŋutɔ kudo miabe susu àgbètɔ tɔ̀awo ò. Ekèa le hũ èmɔ̃ lè àŋɛ̀nyuɛ̃ a ŋuti na mi yeye.
Xoma mè-nyàwo
Ŋùkɔ̀gbenyà (1.1—2.13)
Yɔb ku èxlɔ̃awo (3.1—31.40)
a. Yɔb na àle (3.1-26)
b. Yɔb ku èxlɔ̃ a le hɛ̃ ènyà cucugbã a (4.1—14.22)
c. Yɔb ku èxlɔ̃ a le hɛ̃ ènyà èvègɔ̃ a (15.1—21.34)
d. Yɔb ku èxlɔ̃ a le hɛ̃ ènyà ètɔ̃gɔ̃ a (22.1—27.23)
e. Nunya jè na àgbètɔ (28.1-28)
f. Ènyà kpɔ̀tɛ kè Yɔb gblɔ̃ a (29.1—31.40)
Èlihù pò nupo (32.1—37.24)
Tɔhonɔ̀ ɖo ènyà ŋuti na Yɔb (38.1—42.6)
Ènùwunyà (42.7-17)
Currently Selected:
Yɔb Kpɔ̀kplɔ̀sɔyìemè: GEN
Highlight
Copy
Compare
Share
Want to have your highlights saved across all your devices? Sign up or sign in
Mina Bible © Bible Society of Togo, 2014.