Yɔb 8
8
Mawu dɔ̃nà èto na àgɔ̀jètɔwo
1Nène a ye Bildàd so Cuhà xɔ̀ ènyàa gblɔ̃ na Yɔb be:
2Wò la kpɔ̀tɔ̀ nɔ gblɔ̃ ènyà ɖèka kaka na gà kɛ mè ò?
Wò le bijì, le pò nupo sìgbè àya kè sɔa nène.
Vɔ̀, kaka va na gà kɛ mè ò?
3Mawu trɔna èsea? Ŋusɛ̃kpatatɔa sɔna jɔ̀jɔɛ wɔ̀nà gɔ̃glɔ̃a?
4Ne èvi wòwo jè àgɔ̀ do Mawu a,
wo tu ènugbegble kè wo wɔ̀a be èfɛ̃ na ɛ̀ vɔ̀.
5Vɔ̀, ne wò ya wò le ji Mawu,
ne wò le fã yɔ Ŋusɛ̃kpatatɔa,
6Ne wò lè jɔ̀jɔɛ gbà wɔ̀nà ànùkua,
e la kpɔ ji wò, la gbà ɖo tèpe kè jèa na wò.
7Ènu kè jɔ̀ ɖo ji wòa, mu la gbà ɖì ènu ɖe ò,
ɖo èsɔ̀mè la nyɔ na wò fuu wu ekèa.
*
8Biɔ ènyà sè àmè kèwo nɔ̀ àgbèa jè ŋùkɔ̀ na mi va yìa,
eye ɖoto woa tɔgbewo be àɖàŋùwo.
9Mia ya ɖèviwo ye mi nyi, eye mi mu nya ènuɖekpe ò.
Miabe àgbè lè ànyigbã ji le sidù sìgbè vɔ̃vɔ̃lì nène.
10Vɔ̀ àmè kèwo kpɔ ànyigbã jè ŋùkɔ̀ na mia, la pò nupo na wò,
eye wo la sɔ ènuhlùɛ̃ àmè nyà kèawo, lè woabe ènunyawo mè.
11“Keti mu mìɔ̃ nà lè fikè ètãku mu lè ò,
èko mu sĩnà lè fikè èsì mu lè ò.
12Ne èsì mu lè òa, e puna jè ŋùkɔ̀ na ègbe kpɔ̀tɛawo,
wàlɛbɛ kè be kpɔ̀tɔ̀ lè yebe ekè ji
eye wo mu kpɔ sò è òa!”
*
13Ènu kè jɔ̀nà ɖo àmè kèwo ye ŋlɔ̀be Mawu a, jia yeŋu.
Nène ye àmè bàɖàwo be ŋùɖo buna yeŋu.
14Woabe kãkãɖoji buna woabe
àkpoxɔ̀nu nɔ̀nà sìgbè èyeɖɔ nène.
15Wàlɛbɛ kè wo lè kã ɖo woabe àxue jia,
mu nɔ̀nàtè ò ne wo le dojì ɖo e ŋutia, e mùnà gblò.
16Wo lè sìgbè àti kè ɖɔ kudo yebe èsì
eye be le mìɔ̃ lè dɔ̃ŋùkusu gbèa nène,
e vlũna yebe àlɔ̀zɛ̃ yeyewo ɖo àbɔ a ji.
17Yebe èkè kplìnyàwo mìɔ̃ nà lè èkpewo mè,
àtia mìɔ̃ ɖo àkpã be gòglòpe.
18Vɔ̀, ne àmè ɖe hɔ̃ ɛ̀ lè fikè be lèa,
ànyigbã la gblɔ̃ be yè mu kpɔ kpɔ ɛ̀ kpɔ ò.
19Nène ye àmè kèwo ŋlɔ̀be Mawu a, be nyɔna vɔ̀nà yeŋu!
Eye àti bu mìɔ̃ nà ɖo woa tèpe.
20Ào, Mawu mu crìnà àmè jɔ̀jɔɛ ò.
Mu kpena ɖo àmè bàɖà ŋuti ò
21E la gbà do jìjɔɛ yeye àpo lãmè,
E la na wò la gbà do jìjɔɛ be àpa.
22Àpo kɛ̃tɔwo la ɖɔ kudo ŋùkpɛ̃,
eye àmè bàɖàwo la crɔ̃.
Currently Selected:
Yɔb 8: GEN
Highlight
Copy
Compare
Share
Want to have your highlights saved across all your devices? Sign up or sign in
Mina Bible © Bible Society of Togo, 2014.
