Yɔb 7
7
Yɔb yì yebe ɖoŋutia ji
1Yɔb gbà gblɔ̃ be:
Nyàwo ye, àgbèa sɛ̃sɛ̃ lè ànyigbã kèa ji.
E lè sìgbè àgbãtèsɔtɔ be àgbè nène.
2Sìgbè kluvi le ji jɛ̃gbɔ̃pe nène àlo
sìgbè àgbãtèsɔtɔ kè le tɔtè kpɔ yebe fɛ̃tua nène.
3Ènu ɖèka kpò wo nyi na mù!
Àgbè nyèa trɔ zũ ènu gbalo so kaka wètri ɖewo kèa.
Ŋùkèkè nyèwo trɔ àyàɖùɖu na mù.
4Ne mù mlɔ̃ ànyi a, mù trɔna lè àba ji,
gblɔ̃nà be gàkɛ mè ye èŋù la kè ò.
5Àvlɔkuiwo ye le ɖìsà lè ŋutilã nyèa ŋuti
eye àgbàze nyèa fo kpàcà-kpàcà sìgbè ànyigbã nène.
Àgbàze nyè le fɛ̃, eye àpe àbìwo le sìɔ̃sì.
6Àgbè nyè a va yì kaba sìgbè àvɔlɔ̃tɔ be àbuyɛ nène.
E la nɔ̀tè ne ŋùɖo be èkà kpɔ̀tɛa gbe vɔ̀ kpòa.
*
7Ɖoŋùku eji, Oò Mawu: àgbè nyèa, àya gbɔ̃gbɔ̃ kpò be nyi.
Àpe ŋùkuwo mu la gbà kpɔ nyɔna kpɔ ò.
8Èwò kè le kpɔ mù a, wò mu la gbà kè ɖo ŋuti nyè ɖe ò.
Wàlɛbɛ kè wò la ji mù a, wò mu la gbà kpɔ mù ò.
9Àmè kè tùtà èkuwodea,
lè sìgbè lili kè le yì kaka, la bua nène.
10Mu gbà va zena ke ò. Mu gbà trɔna va yebe àxomè ò
eye àmè kèwo jèsi ìa, wo ŋlɔ̀nàbe è.
11Ekèa ŋuti ye nyè mu la teŋu bɔ̀nu ò,
èhlò mè tu na mù, eŋuã mù ɖo la pò nupo.
E wɔ̀ mù bàɖà eye mù gbɔjɔ, eŋuã mù la jèhùɛ.
12Nukɛ ŋuti ye wò le ɖia mù nène ò?
Mù vejè kpàa sìgbè àpù nène loo àlo
mù nyrãku sìgbè àpù mè be blòsò nène ye à?
13Ne mù mlɔ̃ ànyi a, mù gblɔ̃nà be:
“Àlɔ̃ la na mù la ɖì domè,
èzã la ɖè vevesèse nyèa kpɔ̀tɔ̀”
14Vɔ̀, wò le do vɔ̃vɔ̃ na mù kudo èdrɔ̃ bàɖàwo kuku,
ènu kèwo wò le ɖèfiɔ mù a, nana mù hũhũna.
15Mù jro be wòa le ève na mù ne ma ku!
Ne mù kua, e nyɔ wu be ma kpɔ̀tɔ̀ nɔ ɖù àyà!
16E tìkɔ̀ na mù! Nyè mu la nɔ̀ àgbèa kaka yì ò.
Àgbè nyèa, àya gbɔ̃gbɔ̃ kpò be nyi.
Nène a, tàsi mù ne ma yì kpò!
*
17Àsìxɔ̀xɔ kɛ ye lè àgbètɔ xòmè si kaka ye wò bù ye ŋuti kpɔ ò?
Nukɛ be ŋùku ye wò le le ɖo ŋuti leke ò?
18Wò biɔna ɛ̀ àkɔ̃ŋùta ŋùdekɛ̃nyɛ siasìa,
wò lena ŋùku ɖo yebe àsìxɔ̀xɔ ŋuti gà sia gàmè.
19Gà kɛ mè ye wò la jìjɔ àpe àmètia kpɔkpɔ ò?
Tàsi mù ne ma mì ètã viɖe tètè jro!
20Mù wɔ̀ èvuɛ̃ ɖe a? Eye nukɛ eŋuã la wɔ̀ na wò,
èwò kè le ɖia àgbètɔ xòmèa veku-vekua?
Nyè ɖèka ŋuti kpò wò le pò àmèwo ɖo.
Nukɛ ŋuti be lè nène ò?
Àgbã mù nyi lè èkɔ̀ ji na wòa?
21Wò mu la teŋu dojì xɔ̀ àpe nuvuɛ̃wo,
la sɔ àgɔ̀jèje nyèwo sɔ kèa?
Mù la ku zãɖe yà, la trɔ yì ànyigbã mè.
Wàlɛbɛ kè wò la ji mù a, nyè mu la gbà nɔ̀ ànyi ò.
Currently Selected:
Yɔb 7: GEN
Highlight
Copy
Compare
Share
Want to have your highlights saved across all your devices? Sign up or sign in
Mina Bible © Bible Society of Togo, 2014.
