Yɔb 5
5
*
1Do àpa sɔ biɔ àlɔ̀do! Vɔ̀, àmè kɛ ye la va xɔ̀ na wò ò?
Àtikplɔtɔ kɛ gbɔ ye wò la trɔ ɖoɖa ò?
2Ɛ̃ɛ, àmè ɖokoe mè mà-nɔ wùnà sùkunɔ̀,
eye àdɔ̀mèze wùnà ènumànyatɔ.
3Nyàwo, mù kpɔ sùkunɔ̀ ɖe kè ènu nyɔ na a kpɔ.
Eye zè ɖèkaa, mù sɛ̃kpɛ̃ na yebe àxuedo a.
Mù gblɔ̃ be:
4“Èviawo mu la kpɔ àlɔ̀do ɖe kpɔ ò!
Wo mu la kpɔ xɔ̀namètɔ ɖe lè kòjoɖope ò.
Eye kòjoɖotɔa la gblehùɛ do wo!
5Àmè kèwo àdɔ̀ le wùawo ye la ɖù yebe àgblèmènukuwo!
Wo la hlà nukuawo ne àŋùjatiwo gbà trɔdo àgblèa cã!
Àmè kèwo si ènu ɖekpe mu lè òawo ye le xɔ̀ yebe àdɔ̀kùnuwo.
6Gbledo mu tona so ànyigbã mè ò,
èhiã mu mìɔ̃ nà ɖo ànyigbã ji ò.
7Vɔ̀, àgbètɔ jɔ̀ na àyàɖùɖu,
sìgbè àlekè kɛ̃klɛ̃ hlɛ̃na ɖo àya mèa nène.
*
8Ne mù lè tèpe wòa, mù kè trɔ ɖo Mawu ŋuti,
e ye kpò mù la gblɔ̃ ènu kè le wɔ̀ mù a na.
9E ya, e wɔ̀nà ŋùdãnu jɔ̀ àsuwo.
Ènu tɔ̀xɛ kèwo mu lè hɛ̃hlɛ̃ òa, ye be wɔ̀nà.
10E nana èji jànà kɔ̀ ɖo ànyigbã keŋu ji,
e ɖùɖùnà èsì so jiŋùkusi va wuna àgblèwo kpata.
11E dona àmè bɔ̀bɔɛwo ɖo ji,
e dona jìjɔɛ nana àmè kèwo le hànua.
12Mawu cakana àmè kèwo àyè gɛdɛ na a, be ɖoɖowo,
eye wo mu teŋu wɔ̀nà ɖo woabe sùsuwo ji ò.
13Mawu lena ènunyatɔ lè yebe àyè gɛdɛwo mè,
eye yebe àɖàŋù kpòtoewo mu gbà nyɔna na ènu ɖekpe ò.
14Nènemewo nyina ŋùku gbãgbãnɔ̀ dɔ̃ŋùkusu jàse,
wo klìnà ènu dɔ̃ŋùkusu tata sìgbè èzã mè nène.
15Vɔ̀ Mawu hlùɛ̃nà àmè gbɔjɔa lè woa si,
e ɖènà wɔ̀amènɔ̀ lè woabe àlɔ̀ sɛ̃ŋuwo mè.
16Nène a, ŋùɖo yeye gbà vana na ènuwɔ̀donɔ̀wo,
eye ènu miɔ̃na na ènudrãwɔ̀tɔwo.
17Ɛ̃ɛ, sìtu ye be nyi na àmè kè Mawu le dɔ̃to na a!
Mù gbà trɔ ŋùgbe do ŋusɛ̃kpatatɔa be ènufiɔfiɔwo ò!
*
18E ze peŋu be Mawu dona àbì àmè
eye ye ŋutɔ ke ye gbà blana ɛ̀ kaka be kuna,
e pònà, gbà blènà àmè.
19Gbledo fuu teŋu va ji wò, e la xɔ̀ na wò kaka yì,
eye èvuɛ̃ mu la kpɔ èmɔ̃ lè ŋuti wò kpɔ ò.
20E xɔ̀ wò lè èku si lè àdɔ̀toto hùenu.
E la lìɔ wò to lè àvũdɛ̃drɛ̃wo mè àfiɖe mà kã.
21Wò mu la do èha kudo àjè ò.
Ne gbledo jiŋɔ ɖe vaa, mù gbà vɔ̃ klua ò.
22Àdɔ̀wùàmè kudo gbledo jiŋɔ la ɖì kòkoe na wò.
Mù gbà vɔ̃ èlã wɔ̀adãwo ò!
23Èkpe ɖekpe mu la nɔ̀ àpo àgblèwo mè ò,
ègbemèlã cã mu la wɔ̀ èvuɛ̃ ɖe na wò ò.
24Nyɔna ye wò la kpɔ lè àpo àxomè.
Ènu ɖekpe mu la hiã wò lè àpo èlãhawo mè ò.
25Wò la kpɔ àpo jìjimè la jì ɖo ji,
eye àpo tɔgbe tɔ̀gbè yɔviwo la sùgbɔ sìgbè ègbe nène.
26Ŋusɛ̃ la nɔ̀ ŋuti wò kaka wò la sɔ èta yì èyɔ̀,
sìgbè èlù babla lè nukuyàya be hùenu nène.
27Kè mi bù èta mè kakaa, nyàwo kè mi kpɔa yeŋu.
Xɔ̀ ɛ̀ ne wòa sɔ ɛ̀ wɔ̀ tɔ̀ wò!”
Currently Selected:
Yɔb 5: GEN
Highlight
Copy
Compare
Share
Want to have your highlights saved across all your devices? Sign up or sign in
Mina Bible © Bible Society of Togo, 2014.
