Yɔb 37
37
*
1Ènu kèa ŋuti ye èjì le pòhũ na mù ɖo,
e le zrò lè ètù mè na mù.
2Mi ɖoto Mawu be ègbè sɛ̃sɛ̃,
kè le to so yebe ènu mèa.
3E dànà yebe bìɖàwo ɖo àyamè lè jiŋùkusi,
so àkɔ ɖe yìnà àkɔ bu.
4Eŋuã yomè a, Mawu be ègbè ɖì ku àdã,
e ɖè ègbè kudo ŋusɛ̃ mànya gblɔ̃.
Zè ɖèkaa, e dà yebe bìɖàwo ɖoɖa.
5Mawu na yebe ègbè ɖèɖe le ɖì, e wɔ̀ ŋùdã!
Ɛ̃ɛ, Mawu na mi kpɔ ŋùdãnuwo,
e le wɔ̀ ènu jɔ̀ àsu kèwo mi mu la teŋu wɔ̀ òa.
*
6E gblɔ̃ na èsìkpe wuwluiwo be woa jà so èji kɔ̀ ɖo ànyigbã ji.
E nana èjisi gbɛ̀luwo jànà.
7Gà ŋua mèa, àmèwo mu la gbà teŋu wɔ̀ ènu ɖe ò.
Wo la do jèsi ènu kè Mawu la wɔ̀a kpò.
8Èlãwo yìnà woabe nɔ̀pe
eye wo yì mlɔ̃na woabe dɔ̃pewo.
9Àya sɛ̃sɛ̃ pònà so àpùgo,
eye èvègo be àyawo hɛ̃nà àvìvɔ vana.
10To yebe àya-gbɔ̃gbɔ̃ mèa, Mawu wɔ̀nà èsìkpe,
eye èsìa sɛ̃naŋu sìgbè èkpe nène.
*
11E nana lilikpowo ɖɔna ku fàfa,
e dona bìɖàwo woa mè eye e dànà wo ɖoɖa àfi sia àfi.
12E trɔna wo ɖo àgowo kpata ji sɔ zɔ̃ ɖo yebe ɖoɖowo ji.
Nène a, wo wɔ̀nà ɖo yebe ègbèɖèɖewo ji lè xixea kpata mè.
13Mawu ɖona lilikpowo ɖoɖa ne bèa sɔ dɔ̃to na dùkɔ̃wo lè ànyigbã ji,
àlo sɔ wua, ne bèa sɔ ɖè yebe àdɔ̀mèze fiɔ wo.
*
14Yɔb, le ŋùku ɖo ènu kèa ŋuti,
eye bù Mawu be ŋùdãnuwo ŋuti kpɔ!
15Wò nya lekè Mawu le wɔ̀ wo ɖoa?
Àlekè lilikpowo nana bìɖàwo klɛ̃na ɖoa?
16Wò sè lekè wo wɔ̀nà ɖìnàsà lè
ànyigbã kudo jiŋùkusi dòmè gɔ̃mèa?
17Ne àpùgo be àya hɛ̃ zòzo va cɔ̃ ànyigbã a,
fiɔ̃fiɔ̃ tena wò lè àpo àwùwo mè.
18E nyɔ, wò la teŋu kpe ɖo Mawu ŋuti ne bèa vlũ jiŋùkusi,
ne bèa trɔ ɛ̀ wɔ̀ ègàkpo be àpùpuia?
*
19Fiɔ mù ènu kè mi la gblɔ̃ na Mawu a.
Susu hùe do mi, eye mi lè vìvìti mè.
20E hiã be woa sìa ɛ̀ gbɔ̀xue ma pò nupoa?
Wo la gblɔ̃ na ɛ̀ be àmè ɖe pò nupo be yè ji la crɔ̃a?
21Troloa, mi mu gbà le kpɔ ènu nyuɛ̃ ɖe ò.
Liliwo cɔ̃ dɔ̃ŋùkusua, e yomè a,
àya sɔ eye be kplɔ̀ wo keŋu.
22Àvego be kɔ̀kɔ̀ɛ kè ɖì sìka be kɔlàa so èvègo va,
kɔ̀kɔ̀ɛ mànya gblɔ̃ ɖe trɔ do Mawu.
23E ye nyi Ŋusɛ̃kpatatɔ, mi mu la teŋu dɔ̃ gogo è ò;
Yebe ŋusɛ̃ lòlò eye yebe jɔ̀jɔɛ trìakɔ.
Mu tɛna àmè jɔ̀jɔɛ ɖoto ò.
24Ekèa ŋuti ye àgbètɔwo ɖona bùbu na ɛ̀,
vɔ̀ mu kpɔna, àmè kèwo susuna be yèwo nyanua, gbɔ ò.
Currently Selected:
Yɔb 37: GEN
Highlight
Copy
Compare
Share
Want to have your highlights saved across all your devices? Sign up or sign in
Mina Bible © Bible Society of Togo, 2014.
