Yɔb 3
3
Yɔb hànu ɖo yebe jìji ŋuti
1Lè ekèa kpata yomè a, Yɔb kè ènu, sɔ pò nupo. E sɛ̃kpɛ̃ na yebe jìgbè zã. 2E gblɔ̃ be:
3“Aà! E la kè nyɔ be ŋùkèkè kè ji wo jì mù lèa, mu gbà nɔ̀ ànyi ò!
Eye èzã kè gblɔ̃ be: “wo fɔ ɖèvi ɖe be èfua!” Cã mu gbà nɔ̀ ànyi ò!
4Ŋùkèkè ŋua ne nyi ŋùkèkè do vìvìti klìkò ɖe na mi!
Ne Mawu kè lè èjihũia mu gbà kpɔ e gbɔ ò!
Ne kɔ̀kɔ̀ɛ mu gbà klɛ̃ na ɛ̀ ò!
5Ne vìvìti cicri ne pòxla do è,
ne lilikpo ne zĩ e ji,
ne èzã ne do lè dɔ̃ŋùkusu jàse!
6Èzã ŋua ne nyi vìvìti ɖèɖe,
wo mu gbà hlɛ̃ ɛ̀ ɖo ŋùkèkèwo dòmè lè èpè bliboa mè ò,
mu gbà ɖo wètriwo be hɛ̃hlɛ̃ mè ò!
7Ɛ̃ɛ, ne èzã ŋua àdɔ̀ ɖekpe mu gbà jì ò
eye jìjɔɛwo keŋu nu ne ci!
8Ne àmè kèwo ɖènà gbledo be ŋùkèkèwo fiɔna jè ŋùkɔ̀,
eye wo la teŋu fɔ̃ èhɔ̃ drìbà 'Levìatàn',
wo ne dɔ̃ gbledo va èzã ŋua ji!
9Ne ŋùdekɛ̃nyɛ be wètriviwo ne ci!
Ne èzã kè mè wo jì mù a ne kpɔ̀tɔ̀
nɔ kpɔ ŋùkèkè be kɛ̃klɛ̃ sinu!
Ne mu gbà kpɔ èwè be toto mè gbèɖe ò!
10Nyàwo, èzã ŋua tàsi mù ye mù va xixea mè,
e na mù kè ɖo gbledo ŋuti egbè.
Yɔb ji ye ɖokue be ku
11Nukɛ ŋuti ye nyè mu ku lè ènɔ̀ nyè be àdɔ̀ mè ke ò?
Nukɛ ŋuti ye nyè mu jo gbɔ̃gbɔ̃a ɖɛ
kaka kè wo le kɔ̀ mù ɖo ànyi a ò?
12Nukɛ ŋuti àlɔ̀ èvèwo teŋu xɔ̀ mù ɖo àta ji ò?
Nukɛ ŋuti ye ènɔ̀ nyè teŋu na mù ànɔ ò?
13E la kè nyɔ, ɖo egbè yàwoa,
mù la kè nɔ gbɔ̃jɛ̃ lè èyɔ̀ mè.
Mù la nɔ dɔ̃ àlɔ̃ gbà nɔ gbɔ̃jɛ̃
14kudo ànyigbã ji be èfìɔwo ku ŋùkɔ̀nɔ̀tɔwo,
àmè kèwo tù ŋùkuɖoji be èxɔ̀ kèwo trɔ èglìkpowoa.
15Àlo mù la nɔ̀ kudo hùɛ̃yi kèwo ɖo sìka
eye wo ɖɔ woabe àxuewo kudo klòsalò be àcɔɖonuwo.
16Àlo gbà kpea, nyè mu la jɔ̀ ŋutɔ cã,
sìgbè èfu gɛ̃gɛ̃ kèwo mu kpɔ kɛ̃klɛ̃ tètè ò.
17Lè èyɔ̀ mèa, àmè drãwo mu hùãnà tètè ò.
Àmè kèwo mu gbà ɖo ŋusɛ̃ òa, gbɔ̃nàjɛ̃.
18Funua, ègàmènɔ̀tɔwo cã kpɔna vòvo,
ɖo wo mu gbà sènà ègàkpa jikpɔtɔa be àpa dodowo ò.
19Vòvòtoto ɖe mu gbà nɔ̀nà vifɛ̃ kudo àmègãxo dòmè ò:
fikèa ye kluvi vò lè àpetɔa si lè.
*
20Nukɛ ŋuti ye wo sɔ ŋùkèkè be kɛ̃klɛ̃ na ŋuzĩzĩme ɖo ò?
Nukɛ ŋuti ye wo la na àgbè àmè kè gbɔjɔ eye ŋùɖo bu na ò?
21E le nɔ̀tè kpɔ èku sinu, vɔ̀ mu la kè ɖo e ŋuti ò.
E le ji èkua sìgbè sìka nène
22E la kpɔ jìjɔɛ ŋutɔ, eye e la ɖuwè
ne be kè ɖo yebe èyɔ̀ ŋutia!
23Mù nyi àmè kè mu gbà nya fikè be le yìa ò,
eye Mawu do mù ègà sìgbè àlekè
wo dona àmè èkpaa nène.
24Sìgbè ènuɖùɖu nènea, àpe ŋɛ̃ŋɛ̃wo
kudo vevesèse be àpawo kpò ye le to màjìjɔ.
25Ènu kè mù le vɔ̃ na a, kpò ye jɔ̀nà ɖo ji nyè.
Ènu kè mù le si na a, ye va kpe na mù.
26Àpe èjì mu gbà jè e mè kaka ne ma va nɔ̀ kpoo ò.
Nyè mu la gbà teŋu gbɔ̃jɛ̃ ò: mù ci siayi ŋutɔ.”
Currently Selected:
Yɔb 3: GEN
Highlight
Copy
Compare
Share
Want to have your highlights saved across all your devices? Sign up or sign in
Mina Bible © Bible Society of Togo, 2014.
