Yɔb 29
29
Àmè kɛ ye la teŋu trɔ nyɔna va na mù ò?
1Yɔb yì yebe ènyà ji gblɔ̃ be:
2“Àmè kɛ ye la trɔ wètri kèwo va yìawo va na mù,
ŋùkèkè kèwo mè Mawu kpɔ èji nyè lèa ò?
3Yebe kãligbɛ̃ a le kɔ̀ sã lè ŋùkɔ̀ na mù,
eye yebe kɔ̀kɔ̀ɛa le klɛ̃ na mù lè èzã mè.
4Àmè kɛ ye la trɔ àpe ɖèkajɛ mè be ŋùkèkèwo va na mù,
wàlɛbɛ kè Mawu le kpɔ àxuedo nyèa ji sìgbè èxlɔ̃ nène ò?
5Lè hùe ŋua nua, Ŋusɛ̃kpatatɔa kpɔ̀tɔ̀ lè kudo mù,
eye èvi nyèwo trɔdo mù gòdò.
6Àdɔ̀kùnɔ̀ nyèwo gbãgo sìgbè ètɔ̀ sàsra nène,
sìgbè àlekè àmì srànà lè àmìɖànu mèa nène.
*
7Ne mù le yì èdùa be àgbonu sãa, ne ma yì nɔ̀ ànyi a,
8ne ɖèkajɛviwo kpɔ mù gbãnàa, wo sina.
Àmè sĩsĩwo dona bùbu ŋuti nyè.
9Àmè ɖìnyiwo tɔnatè ènu pòpo
eye wo lena woabe ènuwo ɖo àku mè.
10Ègawo be ègbè ɖiɖina kaka va ɖonaɖa keŋu.
*
11Àmè kèwo ye ɖoto mù a, wo kanafu mù,
eye àmè kèwo kpɔ mù a, gblɔ̃nà àpe ènyà nyuɛ̃:
12Mù kpena ɖo wɔ̀amènɔ̀ kèwo le ji àlɔ̀doa ŋuti,
kudo cɔɛvi kèwo mu ɖo àlɔ̀do ɖekpe òa.
13Àmè kèwo lè èkudonua, tuna èsì na mù,
eye mù dona jìjɔɛ nana àsukusiwo.
14Jɔ̀jɔɛ sòso lè na mù sìgbè àwù nène,
èse ji wɔ̀wɔ nyi àpe ètablanu.
15Mù trɔ zũ ŋùkuvi na ŋùkugbãgbãnɔ̀wo,
èkpò na àmè kèwo kplibɔa.
16Mù lè ètɔ tèpe na ènuwɔ̀donɔ̀wo,
mù lena ŋùku ɖo àmèjro be ènyàwo ŋuti nyuɛ̃ ɖe.
17Vɔ̀, mù ŋɛ̃na àzò na ènudrãwɔ̀tɔwo,
eye mù xɔ̀nà àmèwo lè woa si.
*
18Mù gblɔ̃nà be: “mù la ku ɖo àpe àtɔ̃ mè sìgbè xèvi àdɔ̃ sɛ̃ŋu nène,
àpe àgbèzãwo la dìdì ɖo e ji.
19Mù lè sìgbè àti kè be èkèwo lè èsì mèa nène.
Eye àhũjàjawo kɔ̀nà ɖo àpe àmàkpawo ji.
20Mù la kpɔ̀tɔ̀ nɔ xɔ̀ bùbu so àmèwo gbɔ,
ŋusɛ̃ nyèa la kpɔ̀tɔ̀ nɔ̀ yeye sìgbè àŋùdàti kè mè hɛ̃ dãdãa nène.”
*
21Lè hùe ŋua nua, àmèwo ɖona èto mù, wo kpɔna àsi nyè nu,
wo bɔ̀nànu sènà àpe sùsu ɖèɖe.
22Ne mù ɖoàsitèa, àmè ɖekpe mu gbà kènà fĩ ò,
ènyà nyèwo fana àkɔ na wo.
23Wo kpɔna àsi nyè nu sìgbè lekè wo nɔ̀nàtè kpɔ èjijàja nène;
Wo kènà ènu sìgbè èjisi cucugbãwo ye wo le ji la xɔ̀ nène.
24Wo jina àdɔ̀mè nyuɛ̃ be jèsìwo lè gbɔ nyè.
Mù dona jìjɔɛ na wo ne ŋùɖo bu na woa.
25Mù nyi woabe èga, mù fiɔna wo èmɔ̃ kè wo la toa.
Mù lè woa dòmè sìgbè èfìɔ nène na yebe gbãdãgbãwo,
sìgbè ènuwɔ̀donɔ̀wo be àsiɖo àkɔ na àmètɔ nène.”
Currently Selected:
Yɔb 29: GEN
Highlight
Copy
Compare
Share
Want to have your highlights saved across all your devices? Sign up or sign in
Mina Bible © Bible Society of Togo, 2014.
