Yɔb 22
22
Ènu bàɖà ɖe kpò ye wò wɔ̀
1Eye Elifaz so Temà sɔ ènyà gblɔ̃ na Yɔb be:
2Àgbètɔ ɖe teŋu ɖo àsìxɔ̀xɔ na Mawu a?
Ye ŋutɔ kpò be ɖo àsìxɔ̀xɔ na ne e nyi be
e le zɔ̃ lè ènunya mèa.
3Vɔ̀ àlè kɛ ye lè àpo ètonu sèse mè na Ŋusɛ̃kpatatɔa ò?
4Lè gbɔ wɔ̀a ɖe, ne e dɔ̃to na wò,
ne e ɖo kòjo na wòa, eŋuã wò le ègbèji na ɛ̀ ye à?
5Kpao, ènu bàɖà gbogbo kèwo wò wɔ̀a ŋuti bòhũ ye.
Èvuɛ̃ kèwo wo mu la teŋu hlɛ̃ òa.
*
6Lè kpɔwɛ mèa, wò biɔ nyɔna
na nɔ̀vi wòwo mà-ɖo gɔ̃mè sèse
sìgbè àwòba na woabe èfɛ̃wo,
eye wò zĩ àwù ɖèka kè lè woa sia ji.
7Wò mu na èsì àmè kè èsìkɔ le tìa ò,
wò mu na ènu ɖùɖu àmè kè àdɔ̀ le wùa ò.
8Vɔ̀ wò tàsi ŋusɛ̃tɔwo hlà àmèwo be ànyigbãwo,
eye ègòyitɔwo yì sò àxue ɖo funu.
9Wò ɖo àhòsìwo ɖoɖa àgba
eye wò tɛ cɔɛviwo ɖoto.
10Ènu kèawo ŋuti ye sukpa be èmɔ̃wo trɔdo wò ɖo,
eye wò le vɔ̃, ci jojojoe.
11Èzã do do wò, wò mu gbà le kpɔ ènu ɖe ò,
wò nyrɔ̃ ɖo gbledo mè.
*
12Mawu lè èji boo lè jiŋùkusi.
Kpɔ wètriviwo boo ɖa!
13Nène wò gblɔ̃ be: “Nukɛ Mawu la teŋu nya ò?
E la teŋu ɖo kòjo na mi to lilikpowo mèa?
14Wo lè na ɛ̀ sìgbè ŋùmèxenu tìtri ɖe nène.
Mawu mu kpɔna ènu ɖe ne e le ɖìsà trɔdo jiŋùkusi ò.”
15Wò kpɔ̀tɔ̀ le ji la nɔ̀ èmɔ̃ xoxo wòa ji,
èmɔ̃ kèwo ji àmè bàɖàwo le toa?
16Wo crɔ̃ jè ŋùkɔ̀ na àzãa, sìgbè
èglìkpo kè ye èsì sàsra kplɔ̀ le yìa nène.
*
17Àmè kèawo gblɔ̃nà be: “Mawu ne tàsi mi ne mia vò!
E nyi Ŋusɛ̃kpatatɔ, vɔ̀ mu la teŋu wɔ̀ ènu ɖekpe na mi ò!”
18Co vɔ̀a, e ye na woabe àxuewo ɖɔ kudo àdɔ̀kùnuwo.
Vɔ̀, mu jro mù be ma srɔ̃ wo ò.
19Ne wo le kpɔ ènu kè le jɔ̀ ɖo àmè bàɖàwo jia,
àmè kèwo le wɔ̀ ɖo Mawu be èse jia, kpɔna jìjɔɛ,
eye ɖemànyatɔwo kònà wo.
20Wo gblɔ̃nà be: “Miabe kɛ̃tɔwo ye le crɔ̃,
èzò le fiɔ̃ woabe ènuwo!”
*
21Eŋuã, wɔ̀ ŋuti fàfa kudo Mawu, eye ènu sia ènu la zɔ̃ sùu.
Wò la gbà kè ɖo nyɔna ŋuti.
22Lɔ̃ xɔ̀ ènu kè Mawu le fiɔ wòa,
eye nlɔ̀ yebe ènyàwo ɖo àpo èjì mè.
23Ne wò trɔ va Ŋusɛ̃kpatatɔa gbɔa, e la trɔ àpo nyɔna na wò.
Si jo lè ènu bàɖà wɔ̀wɔ gbɔ.
24Ɖɔ̀lì sìka wòa kɔ̀ ɖo ànyigbã àlo
gble àdɔ̀kùnu wòa ɖo ètɔ̀ be èkpewo mè
25Ŋusɛ̃kpatatɔa la nyi
sìka ku klòsalò be ètowo na wò.
*
26Nène a, wò la trɔ kpɔ jìjɔɛ lè Mawu Ŋusɛ̃kpatatɔa gbɔ
eye wò la nɔ kpɔ ɛ̀ ku kãkãɖoji.
27Ne wò fã yɔ ɛ̀a, e la sè àpo ègbè,
eye wò la teŋu wɔ̀ ènu kè be ègbè wò ɖo na ɛ̀a fàa.
28Ènu kèwo kpata la jro wò be yèa wɔ̀awo la zɔ̃ sùu,
eye èmɔ̃ wòa ji la zìɔ̃ ploplo.
29Ɛ̃ɛ, Mawu crɔ̃na ègòyitɔwo be susuwo,
vɔ̀ e nana àmè gbɔjɔwo be susuwo zɔ̃nà sùu.
30E ɖènà èvuɛ̃ lè ɖemànyatɔwo be ŋùkɔ̀.
Eŋuã, zã èdɛ̃ nyuɛ̃ ne wòa vò.
Currently Selected:
Yɔb 22: GEN
Highlight
Copy
Compare
Share
Want to have your highlights saved across all your devices? Sign up or sign in
Mina Bible © Bible Society of Togo, 2014.
