Yɔb 23
23
Mù jro la nya Mawu be nɔ̀pe
1Nène a, Yɔb ɖo e ŋuti be:
2Mù kpɔ̀tɔ̀ le bijì do Mawu ŋutɔ eye mù lè hùɛdodo nyèa ji.
Co gbledo kè Mawu dà ɖo èji nyèa lòlò wu hùɛdodo nyèa.
3Mù jro la nya Mawu be nɔ̀pe!
Mù la yì kaka fikè be nɔ̀nàa!
4Mù la yì hlùɛ̃ ɖokoe nyè lè ŋùkɔ̀ na ɛ̀,
mù ɖo ènyà sùgbɔ la biɔ ɛ̀.
5Mù la sè yebe ɖoŋutiawo
mù la sè yebe ènyàwo mè.
6E la tìkpo jè èji nyè zè ɖèkaa?
Ào, e la ɖoto sè ènyà nyèa kudo àdòdò.
7Mawu la do jèsi ènu ɖèka be:
Àmè kè le hɛ̃ ènyà kudo yèa, lè jɔ̀jɔɛ.
Eye e ye kè nyi kòjoɖotɔ nyèa,
la sò jɔ̀jɔɛ na mù zè ɖèka.
*
8Vɔ̀, ne mù yì èwèzɛ̃pea, Mawu mu lè funu ò.
Ne mù yì èwèɖoxɔ̀pea, nyè mu le kpɔ ɛ̀ ò.
9E le wɔ̀ ènu veve ɖe lè èvègo ye à? Nyè mu le kpɔ ɛ̀ ò.
Ne mù trɔ va àpùgoa, nyè mu kènà ɖo e ŋuti cã ò.
10Co, e nya èmɔ̃ kè mù le sɔa nyuɛ̃ ɖe.
Ne e na mù le to àyàɖùɖu be èzò mèa,
mù la to e mè la kɔ̀ peŋu-peŋu sìgbè sìka nène.
11Mù zɔ̃ lè yebe èmɔ̃a ji nyuɛ̃ ɖe,
mù nɔ̀ e yomè kpò mà trã èmɔ̃.
12Nyè mu dà lè yebe ègbè do àsiwo ji ò,
mù le yebe ɖoɖowo kpata ɖo èjì mè.
*
13Vɔ̀ e ye la ɖè ègbè. Àmè kɛ la teŋu na be la trɔ ènu kè be ɖoa ò?
Ènu kè e jro a ye be wɔ̀nà.
14E la wɔ̀ ènu kè be ɖo ɖo ŋuti nyèa kaka yì vɔ̀vɔnu,
eye susu buwo gbà lè e si sìgbè ekèawo ke nène.
15Ekèa ŋuti vɔ̃vɔ̃ gã ɖe jè e ji nyè lè ŋùkɔ̀ na ɛ̀.
Mù kpɔ̀tɔ̀ le vɔ̃ ne mù le bù e ŋutia.
16Mawu le gbɔjɔ mù,
Ŋusɛ̃kpatatɔa na mù le hũhũ ku vɔ̃vɔ̃.
17Co, èzã do do mù, vìvìti trɔdo mù
co, nyè mu bɔ̀nu ò.
Currently Selected:
Yɔb 23: GEN
Highlight
Copy
Compare
Share
Want to have your highlights saved across all your devices? Sign up or sign in
Mina Bible © Bible Society of Togo, 2014.
