Yɔb 18
18
Àmè vuɛ̃ crɔ̃na godo
1Bildàd so Cuhà sɔ ènyà gblɔ̃ be:
2Gà kɛ mè ye mì la jìjɔ mìabe ènyà viviwo ò?
Mì kpɔ ènua nyuɛ̃ ɖe ne mia gblɔ̃ ènyà.
3Nukɛ ŋuti ye mì le kpɔ mù sìgbè èlã nène ò?
Mù ɖì sùkunɔ̀ ye à?
4Yɔb, wò le ɖiki ɖokoe wò lè àdɔ̀mèze mè.
Lè gbɔ wòa, wo la hà ɖo ŋuti wò la gble èdù ɖe dà ɖɛa,
àkpã ɖe ŋutɔ la teŋu ɖɔ̀lì tèpea?
*
5Ɛ̃ɛ, àmè bàɖà be kɔ̀kɔ̀ɛa la bu,
yebe èzò be bìbia nu la ci.
6Kɔ̀kɔ̀ɛ ɖiɖina lè yebe àxomè,
kãligbɛ̃ la ci ɖo èta na ɛ̀.
7Sãa, e zɔ̃nà kudo kãkã ɖoji, fifìa, e le zɔ̃ ɖèka-ɖèka.
Eye yebe susuwo na mu gbà le likè ò.
8E gɛ̃ jè èɖɔ mè,
èɖɔ-ŋùkuviwo baka àfɔ̀wo na ɛ̀.
9Èmɔ̀ fɛ̃ le àfɔ̀kpoji na ɛ̀
eye e tu ɖo e ji kpãŋu.
10Ènu kè la le èa, wla ɖo ànyigbã a mè.
Èmɔ̀ kè mè be la jèa, lè èmɔ̃a ji na ɛ̀.
11Vɔ̃vɔ̃ so ègo ɖekpekpe mè le jè e ji
eye vɔ̃vɔ̃a kplɔ̀ ɛ̀ do le yì.
*
12Ŋusɛ̃ lè e ŋuti sãa, fifìa àdɔ̀ le wù ì,
gbledo ye lè àfɔ̀xa na ɛ̀.
13Èdɔ̀ ɖe le ɖù ŋutilã na ɛ̀.
Èku la xɔ̀ àfɔ̀wo lè e si zãa ɖe.
14Wo la gbĩ ì xɔ̀ lè yebe àxomè, fikè be lè tomè fàfa mè lèa,
eye wo la kplɔ̀ ɛ̀ yì èkuwode be èfìɔa gbɔ.
15Àmè ɖe la teŋu nɔ̀ yebe àxuea mè, mu gbà nyi e tɔ̀ ò,
wo la tɔzò yebe ènu zãzãwo.
16Nène a ye be la ku sìgbè àti nène,
yebe èkèwo la ku lè gɔ̃mè eye
yebe àmàkpawo la yrɔ̀ lè èji.
*
17Àmèwo mu la gbà ɖoŋùku e ji lè èdùa mè ò,
yebe nyikɔ la gũ lè ànyigbã ji.
18Wo tùtù ì lè kɔ̀kɔ̀ɛ mè yì vìvìti klìko mè,
wo nyà ɛ̀ lè ànyigbã ji.
19Èvi ɖe mu lè e si, la nɔ̀ e tèpe lè yebe xòmè mè ò,
àmè ɖe mu la ci àgbè lè yebe àxuedo a mè ò.
20Ènu kè le wɔ̀ ɛ̀a, wɔ̀ ŋùdã na àmè sia àmè.
Àmèwo kpata le hũhũ so èwèzɛ̃pe yì èwèɖoxɔ̀pe.
21Wo le gblɔ̃ be: “Mì kpɔ lekè
àmè bàɖà yà kudo yebe xòmèa trɔ ɖa.
Nyàwo! Nène ye àmè mànya Mawu trɔna!”
Currently Selected:
Yɔb 18: GEN
Highlight
Copy
Compare
Share
Want to have your highlights saved across all your devices? Sign up or sign in
Mina Bible © Bible Society of Togo, 2014.
