Yɔb 17
17
Fikɛ ŋùɖo nyèa ɖe?
1“Gbɔ̃gbɔ̃ le cipò na mù, eye àgbè nyèa le yì vɔ̀vɔnu.
Èyɔ̀do ye le nɔ̀tè kpɔ mù.
2Àmèkòtɔwo trɔ do mù,
woabe ègejijiwo na be nyè mu le dɔ̃ àlɔ̃ ò.
3Oò Mawu lɔ̃ jro! Tufɛ̃a ne ma kpɔ vòvo.
Àmè kɛ la gbà teŋu lɔ̃, xɔ̀ ŋùkɔ̀ na mù ò?
4Nyàwo, wò wù susu na èxlɔ̃ nyèwo,
ekèa ŋuti ye wò mu sò ènyà jɔ̀jɔɛ na wo ò.
5Wo ɖì àmè kèwo kpe woa xlɔ̃wo na ènuɖùɖu
wàlɛbɛ kè woa ŋutɔ be viwo mu kpɔ ɖù òa.
*
6Mù zũ ènu kòkoe na àmèwo
eye wo tuna ètã kɔ̀ ɖo ŋùkumè na mù.
7Ènuhàha gbã ŋùku na mù
eye àmèti nyèa trɔ sìgbè vɔ̃vɔ̃lì nène.
8E wɔ̀nà ŋùdã na ànùkuamèwo ne wo kpɔ mùa.
Ɖemànyatɔwo dona àdɔ̀mèze ɖo àmè bàɖàwo ŋuti.
9Wo gblɔ̃nà be: “Àmè kè le wɔ̀ ɖo Mawu be èjro jia, ne nɔ wɔ̀ ɛ̀!
Àmè jɔ̀jɔɛ ne nɔ̀ jɔ̀jɔɛ wɔ̀wɔa ji kpò!”
10Mìa èxlɔ̃ nyèwo, mì va mìa kpata!
Vɔ̀, nyè mu kpɔ ènunyatɔ ɖekpe lè mìa dòmè ò!
*
11Àgbè nyèa vɔ̀. Àpe tamèsusu
kudo ŋùɖowo bu keŋu-keŋu.
12Èxlɔ̃ nyèwo na àmèwo xɔ̀nàsè be èzã nyi ŋùkèkè,
eye fɔ̃fɔ̃mè be kɔ̀kɔ̀ɛa gogo. Co vìvìti cicria mè wo kpɔ̀tɔ̀ lè.
13Nukɛ mù la teŋu nɔ̀tè kpɔ ò? Tèpe lè èkuwode,
àba kè ji mù la mlɔ̃ lè yebe vìvìtia mè.
14Mù le do àpa na èyɔ̀do be: “Wò nyi ètɔ nyè!”
Na ɖiɖɔɛa, mù gblɔ̃ be: “Wò nyi ènɔ̀ nyè gbà nyi dàda nyè!”
15Fikɛ ŋùɖo nyèa lè ò?
Àmè kɛ ye kè ɖo nyɔna nyèa ŋuti ò?
16E le yì èkuwode kudo mù,
mi kudo è ye le yì èyɔ̀ mè lè ɖiɖɔɛ mè.”
Currently Selected:
Yɔb 17: GEN
Highlight
Copy
Compare
Share
Want to have your highlights saved across all your devices? Sign up or sign in
Mina Bible © Bible Society of Togo, 2014.
