Yɔb 15
15
Àmèvuɛ̃ mu sina lè gbledo be ŋùkɔ̀ ò
1Eye Elifaz so Temà, xɔ̀ ènyà gblɔ̃ na Yɔb be:
2Ènunyatɔ sìgbè èwò nènea, mu nana ɖoŋuti kè mu sɔ̀gbè ò,
mu pònà nupo ɖo àya mè kpò ò!
3Wò le hlùɛ̃ ɖokoe wò kudo ènyà kèwo mu ɖo ètù òa,
wò le pò nupo vɔ̀, wò mu le gblɔ̃ ènyà ɖekpe ŋutɔ ò.
4Gbà wua, wò le crɔ̃ bùbu ɖoɖo na Mawu,
wò le gũ kuefã.
5Wò le pò nupo nène ɖo wò jè àgɔ̀,
eye àpo ènyàwo nyi àjè sɔ̃ŋu.
6Wò ŋutɔ àpo ènu ye le gblehùɛ do wò.
Ènu kè wò le gblɔ̃a, le sitè ɖo ŋuti wò.
*
7Èwò ye nyi àmè cucugbã kè wo jì lè ànyigbã jia?
Wò jɔ̀ jè ŋùkɔ̀ na ètokɔ̃ɛwoa?
8Wò nya Mawu be ènu wawlawoa,
wò ɖèka kpò ye ɖo ènunyaa?
9Ènu kèwo kpata wò nyaa, mia cã mi nya wo,
mia cã mi sè, ènu kè gɔ̃mè wò sèa, gɔ̃mè.
10Àmè sĩsĩ ŋutɔ cã lè mia dòmè,
àmè kè sĩ wu ètɔ wòa!
11Wò xɔ̀sè be yè mu hiã Mawu be àsiɖoàkɔ ò,
miabe àkɔfa-nyawo òa?
*
12Nukɛ be àdɔ̀mèze ye ò?
Nukɛ be ŋùku ye wò le tɛ̃ nène ò?
13Nukɛ ŋuti ye wò le pò nupo ɖo Mawu ŋuti ɖo ò?
Nukɛ ŋuti ye ènyà kpòtoewo le to so ènumè na wò ò?
14Nukɛ àgbètɔ nyi, ne bèa susu be yè kɔ̀ peŋu-peŋu ò?
Àmè kè nyɔ̃nù jìa la teŋu gblɔ̃ be yè mu ɖo xàxa ɖekpe òa?
15Mawu mu kãna ɖo yebe àtikplɔtɔwo ŋutɔ cã ji ò,
eye lè e gbɔa, jiŋùkusi ŋutɔ cã mu kɔ̀ ò.
16Nène a, leke mi la gblɔ̃ so àgbètɔ ŋuti ò,
e ye kè wo crì eye be gbà ɖùnà èzãnua?
E wɔ̀nà èvuɛ̃ bɔ̀bɔɛɖe sìgbè lekè wo nùnà èsìa nène
*
17Ɖoto mù, mù jro la fiɔ wò ènu ɖe,
mù ji la gblɔ̃ ènu kè mù kpɔa na wò;
18Mù jro la ma ènunyatɔ be ènukpakpla kudo wò.
Wo gblɔ̃nà ènu kè wo xɔ̀ lè woa tɔgbewo gbɔa keŋu.
19Mawu sɔ ànyigbã na àmè kèawo kpò
eye àmèjro ɖe mu va to woa gbɔ ò.
Ènufiɔfiɔa ye kè:
20“Àmè bàɖà ɖùnà àyà lè yebe àgbè mè,
eye àmènyrãku be àgbè-zã kpòkpòenà.
21Ègbè klìkowo ɖìnà lè woabe ètowo mè.
Gbevũviwo zrònà jè woa ji, lè ŋuti fàfa blibo be gàmè.
22Wo mu gbà xɔ̀nàsè be yèwo teŋu to lè èzã mè ò.
Àmènyrãkuwo nya nyuɛ̃ ɖe be yèwo la ku èku bàɖà,
23eye àklàsuwo la va vovo yèwo be ŋutilãwo.
Àmènyrãkuwo kãɖo ènu ɖe ji be:
24Ŋùkèkè vuɛ̃wo lè ŋùkɔ̀ gbãnà na yèwo.
Gbledo kudo jojoe-cici nana vɔ̃vɔ̃ jènà
woa ji sìgbè lekè gbãdãgbãwo xana
kɛ̃tɔwo nène eye wo hũhũna tìtìtì.”
25Ènu kè jɔ̀nà ɖo àmè kè ŋlɔ̃kɔ̃ ɖo Mawu jia yeŋu,
àmè kè sitè ɖo Ŋusɛ̃kpatatɔa ŋutia yeŋu.
*
26Àmè kèa do èta gũ le pu dù be yèa yì xa Mawu,
kudo àkɔtakpoxɔ̀nu gã kè lè e sia.
27Yebe ŋùmè lè mɔmlɔ̃, e kpɔ lãmè gbà doàmì.
28E xɔ̀ èdùgã kèwo gbãawo, àxue kèwo ci puplu,
eye wo le trɔ zũ èglìkpoawo.
29Vɔ̀ mu la teŋu trɔ zũ ècitɔ gbèɖe ò,
àlo yebe àdɔ̀kùnɔ̀ mu la teŋu dɔ̃ kaka yì ò,
mu la xɔ̀ nyikɔ cã lè èdùa mè ò.
30Mu la teŋu to lè vìvìtia mè ò.
E la nɔ̀ sìgbè àti kè be àlɔ̀zɛ̃wo ye èzò fiɔ̃a,
eye Mawu be gbɔ̃gbɔ̃ kplɔ̀ ɛ̀ yì booa nène.
*
31Mu la dojì ɖo ànùkua mà-wɔ̀ ŋuti ò.
Nyàwo èmɔ̃ bàɖà be nyi,
eye e la xɔ̀ yebe fɛ̃tu zɔ̃ ɖo yebe wɔ̀na ji.
32Ekèa la jɔ̀ gbɔ̀xue be la ku,
eye mu la gbà ɖo àlɔ̀zɛ̃ yeye buwo ò.
33Sìgbè vɛ̃ka nènea, e la hlɛ̃ yebe vɛ̃kpo kèwo mu kpɔ ɖì òa,
sìgbè àmìti nènea, e la hlɛ̃ yebe sepòpowo.
34Ɛ̃ɛ, àmè bàɖà trɔna zũ èkònɔ̀.
Èzò ye crɔ̃na woabe àxue kèwo mè
ènu jro àmèwo keŋu sɔ̀gbè lèa.
35Àmè kè mè èvuɛ̃ lèa, jìnà gbledo.
Ènu kè be le bù lè yebe èjì mèa, trɔ flùnà ye ŋutɔ.
Currently Selected:
Yɔb 15: GEN
Highlight
Copy
Compare
Share
Want to have your highlights saved across all your devices? Sign up or sign in
Mina Bible © Bible Society of Togo, 2014.
