Yɔb 11
11
Trɔ àpo èjì ɖo Mawu gbɔ
1Nène a ye Sofàr so Naamà xɔ̀ ènyà gblɔ̃ na Yɔb be:
2Ènyà kèawo kpata mu la xɔ̀ ɖoŋutia?
Nupo nya pòpo sù la xɔ̀ kunùɖèɖea?
3Àpo ènumè vivia la na àmèwo la bɔ̀nua?
Kè wò le kò wo ea, wo la xɔ̀ ɖo àpo ènyàwo jia?
4Wò gblɔ̃ ŋutɔ cã be: “Àpe nufiɔfiɔ sɔ̀gbè,
Mawu mu ɖo ènuɖe la gbe na mù ò.”
5Mù jro be Mawu ne kè ènu,
ne pò nupo ne bèa na wò ɖoŋuti.
6E la na wò la nya yebe ènunya wawlawo.
Ɛ̃ɛ, e sònà nunya do lè àvòmè.
Wò la sè e mè kpòeɖe be Mawu
ŋlɔ̀ àpo àgɔ̀jèjewo be àkpa ɖe be.
*
7Wò la teŋu yì kè ɖo Mawu be ègũ wɔ̀wɔ ŋutia?
Wò la teŋu nya Ŋusɛ̃kpatatɔa be ègãnyinyia?
8Yebe nunya to jiŋùkusi ŋuti boo.
Nukɛ wò la teŋu wɔ̀ ò?
E wɔ̀ ègũ wu èkuwode.
Nukɛ wò la teŋu nya ò?
9E dìdì wu ànyigbã a, e kèkè wu àpù.
10Ne Mawu jro be yèa do àgɔ̀jètɔ èkpa mè,
ne e kplɔ̀ ɛ̀ yì kòjoɖopea,
àmè kɛ ye la xe èmɔ̃ na ɛ̀ ò?
11Nyàwo, e nya àmè kè mu lè èbò ɖe nu òa.
E nya fikè èvuɛ̃a lèa, mu hiã be bèa le ŋùku ɖo ènu ɖe ŋuti ò.
12Vɔ̀ sùkunɔ̀ mu la teŋu trɔ zũ ènunyatɔ gbèɖe ò,
ne e gbea, gbè kè gbè ye ègbemè be èsɔàkɛtɛ
la xɔ̀ àxomè be kpakpla nyuɛ̃a kpò ye.
*
13Wò ya, wò ɖo la trɔ àpo èjì ɖo Mawu gbɔ,
ne wòa kɔ àsiwo yì ji, fãkue.
14Ne wò wɔ̀ èvuɛ̃a, mù gbà wɔ̀ ɛ̀ ɖe ke ò,
mù gbà na màjɔ̀ màjɔ ne sò àxue ɖo gbɔ wò ò.
15Nène a, wò la teŋu kɔ èta yì ji
ɖo èɖi ɖe mu la nɔ̀ ŋuti wò ò.
Wò la likè goŋu eye wò mu la vɔ̃ ènu ɖekpe ò.
16Wò mu la gbà nɔ bù àpo gbledoa ŋuti kpɔ ò,
wò la ŋlɔ̀be è sìgbè àlekè èsì srànàa nène.
17Àpo àgbèa mè la kɔ̀ peŋu-peŋu sìgbè dɔ̃ŋùkusu jàse nène.
Èzã la kɔ̀ sìgbè ŋùdekɛ̃nyɛ be kɛ̃klɛ̃ nène.
18Wò la ɖɔ kudo kãkãɖoji, ɖo ŋùɖo lè na wò.
Wò la dɔ̃alɔ̃ lè fàfa mè ne wò kpɔ be ènuwo kpata le zɔ̃ nyuɛ̃ ɖe a.
19Ne wò le gbɔ̃jɛ̃a, àmè ɖe mu la va do nupo na wò ò.
Vɔ̀, àmè fuu ye la kafu wò.
20Vɔ̀, àmè bàɖàwo drɛ̃nàvũ sɔ jina àlɔ̀do.
Wo mu kpɔna jèpe ɖekpe ò.
Woabe ŋùɖo ye nyi èku.
Currently Selected:
Yɔb 11: GEN
Highlight
Copy
Compare
Share
Want to have your highlights saved across all your devices? Sign up or sign in
Mina Bible © Bible Society of Togo, 2014.
