Ezayà 57
57
1Wo le wù àmè jɔ̀jɔɛ kè àmè ɖe
mu le biɔ ènyà ɖe sè òa.
Wo le crɔ̃ ènu nyuɛ̃wɔ̀tɔwo
eye àmè ɖekpe mu le nya ò.
Ɛ̃ɛ, àmè kèwo le sè ètonu na Mawu a
le crɔ̃ ɖo àgbètɔ be èkunyànyrã ŋuti.
2Vɔ̀a ŋuti fàfa la sò àxue godo
eye àmè nyuɛ̃wo la dɔ̃ àlɔ̃
lè àgbɔ̃jèpò blibo mè.
3Mì dɔ̃ va mìa àzetɔ be viwo.
Àhasìwɔ̀tɔ ku gbòlòme
be jìjimèviwo ye mì nyi.
4Àmè kɛ ŋutɔ ye mì le kò ò?
Àmè kɛ be ènyà mè mì le do ènu ò?
Àmè kɛ ye mì le ɖè àŋɔ̀li mè na ò?
Àglajèje be viwo kpò mì nyi,
àmèblètɔwo be habɔ̀bɔ.
5Mìabe èjro wo tena mì nyànyànyà
lè vòdu-ti gã vùdùwo kudo àti do àmàwo gbɔ.
Mì sɔna mìabe èviwo sanavɔ
lè ètɔ̀wo to ku àkpã fɛ̃fɛ̃wo mè.
6Ètɔ̀mèkpe kèwo ŋuti zìɔ̃a ye nyi tɔ̀ wò.
Ekèa ye nyi tɔ̀ wò Izràɛl.
Woawo ji ye wò kɔ̀nà èɖɛ̀pòsia ɖo.
Wò nana ènu lè funu.
Tɔhonɔ̀ gblɔ̃ be: “Mù teŋu bɔ̀nu ɖo ekèa jia?”
7Wò ɖo mlɔ̃pe ɖo èto yìji hũi ɖe ji.
Wò yì wɔ̀nà vɔ̀sawo lè funua.
8Wò bla èbo wòa sɔ kù hɔ̃tru ŋuti lè àdɔ̀mè.
Wò lia àba gbàjà wòa ji.
Wò wɔ̀ ɖoɖo kplikpã kudo àzìãvi wòwo,
èwò kudo wo be dɔ̃dɔ̃ jènà ŋùmè na wò.
Eye wò glònà woabe ŋusùa be jɔ̀jɔ#57.8 Ŋusùa be jɔ̀jɔKè e nyi be ŋusù mè èvi be kusɛ̃sɛ̃ tona lè na nyɔ̃nùa, vòdu ɖe lè kè wo jɔ̀nà sìgbè èvo nène. Ekèa ye gbɔ wo yì biɔna èvi jìji lè. Ekèa ŋuti ye wo jɔ̀nà èvo kè le ɖɔ̀lì vòdua lè ŋusù ɖekpekpe be xòmè mè ɖo kpɔ.
9Wò yì vòdu gã gbɔ
kudo àmì ku ànùwɛtrɛ̀wo;
wò ɖo àmèdɔ̃dɔ̃wo ɖoɖa àzɔ̀ge boo
eye wò ɖiɖi yì kaka èkuwode ke.
10Wò wɔ̀ ekèa kpata kaka
ènu tìkɔ̀ na wò; co wò mu gblɔ̃ be:
“Ŋùɖo mu gbà lè ò!”
Wò trɔ kpɔ àpo ŋusɛ̃;
eŋuã, wò ɖù gbɔ̀jɔ̀ gbɔjɔa ji.
11Àmè kɛ ye le do ŋɔji na wò
kaka ye wò le ɖàjè ò?
Wò ɖè àpo sùsu jo lè ji nyè.
Wò mu gbà le bù èta mè ɖe so ŋuti nyè ò.
Mù bɔ̀ ènu kpo so kaka gà ɖe mè ke.
Ekèa ŋuti ye wò mu le vɔ̃ mù ò.
12Vɔ̀ mù la ɖè èha àpo “jɔ̀jɔɛ wɔ̀wɔ”
kudo ènu kè wò nyia.
Àpo àlɔ̀nudɔwo mu gbà la hɛ̃
nyɔna ɖekpe va na wò ò.
13Wàlɛbɛ kè wò la do àpa yɔ
àpo ènuɖìkòkoewo#57.13 ÈnuɖìkòkoewoWo nyi vòduwo lè ègbɔsùsu mè. Wo bɔ̀ wo jòglì, vɔ̀a ŋusɛ̃ ɖe mu lè woa si lè Mawu be ŋùkɔ̀ ò
be wo ne xɔ̀ na yèa,
àya ye la kplɔ̀ wo yì keŋu-keŋu.
Àya puplu kpò ye la ɖè wo jo.
Vɔ̀a, àmè kèwo la dojì ɖo ŋuti nyèa
la sɔ ànyigbã ɖùcrɔ̃.
Eye woa tɔ̀ ye la nyi àpe èto kɔ̀kɔ̀ɛa.
Izràɛl la kpɔ gãgã
14Eye Tɔhonɔ̀ gblɔ̃ be:
“Mì jrà èmɔ̃a ɖo kaba ne mìa tu èdoawo.
Mì ɖè àfɔ̀klɛ̃nuwo jo lè dùkɔ̃ nyè be èmɔ̃a ji.”
15Ɖo nènea ye àmè kè lè èjihũia,
kè ɖo nɔ̀pe kòkòɖàbì eye yebe
nyikɔ nyi àɖèsãa, gblɔ̃ be:
“Ènyè Àɖèsã Mawu a, mù lè èji hũi.
Co mù lè kudo àmè kèwo wo le zĩ ɖo ànyi a,
kudo àmè kèwo ɖo èjìmè bɔ̀bɔɛa.
Mù jro la na àgbè àmè kè ci àgba lè gbɔ̃gbɔ̃ mèa,
la na àgbè àmè kèwo wo le zĩ ɖo ànyi a.
16Nyàwo, nyè mu la nɔ kãŋùmè na àmè
kaka sɔ yì àlo la nɔ bijì tɛ̀gbɛ̀dò ò.
Ɖo mu nyi nène òa,
àpe ènuɖoɖowo la bu woabe àgbèa.
17Izràɛl jè àgɔ̀ to yebe ŋùbianu hàhla ji
eye mù do àdɔ̀mèze.
Mù trɔ ŋùgbe do è lè àpe
àdɔ̀mèzea mè, eye mù pò è.
Nyè mu gbà jro la kpɔ ɛ̀ ò.
Co èto trì na ɛ̀ kaka e kpɔ̀tɔ̀ le
ye ŋutɔ be èmɔ̃ mà sɔ ɖe lè e mè.
18Mù kpɔ yebe èdɛ̃ nyuɛ̃ ɖe,
vɔ̀a mù la dà èdɔ̀ na ɛ̀.
Mù la kplɔ̀ ɛ̀ eye mù la do è ŋusɛ̃.
19Mù la sɔ kàfù kafu-hawo
do ènu mè na àmè kèwo le lòfũa.
Tɔhonɔ̀ gblɔ̃ be: “Fàfa na àmè kè lè àzɔ̀ge boa,
fàfa na àmè kè lè àxuea.
Ɛ̃ɛ, mù la dà èdɔ̀ na àpe dùkɔ̃a.”
20Vɔ̀a, àmè bàɖàwo lè sìgbè àpù jè àdã nène,
mu la teŋu nɔ̀ tèpe ɖèka ò.
Yebe àsrɔ̀kewo kɔna bàba kudo ɖiɖɔɛ yìnà ji.
21Mawu nyèa gblɔ̃ be:
“Fàfa ɖekpe mu lè na àmè bàɖàwo ò.”
Mina Bible © Bible Society of Togo, 2014.