Ɛstà-G 8
8
Èfìɔ be àlɔ̀gàvi
1 Gbè ŋua gbè kea, èfìɔ Artazɛ̀rzɛs sɔ Hamàn àmègbletɔa be ècrɔ̃nuwo kpata sɔ na Ɛstà. Sɔ tɛa, èfìɔa na wo yɔ Màrdokìa va, ɖo Ɛstà ɖèha ɛ̀ be e do xòmè ku yè. 2 Kè e sɔ àlɔ̀gàvi kè be ɖè jo lè Hamàn ŋutia, èfìɔa sɔ ɛ na Màrdokìa. Eye Ɛstà sɔ Màrdokìa ɖo Hamàn be ècrɔ̃nuwo kpata nu.
3 Zè ɖèka kpea, Ɛstà pò nupo na èfìɔa: e jèklò lè yebe àfɔ̀ nu le biɔ ɛ̀ be ne ɖè gbèsìvuɛ̃ kè Hamàn jia ku ènu kè be wɔ̀ ɖo Yudàviwo ŋutia kpata jo. 4 Èfìɔa drɛ̃ yebe sìka fìɔtikplɔa ɖoɖa Ɛstà; eye Ɛstà sitè eye e nɔ̀tè lè èfìɔa gbɔ. 5 E gblɔ̃ be: “Ne e nyɔ na èfìɔ eye ne mù kpɔ ɖàgbè lè yebe ŋùkumè, wo ne yì gbà biɔ xɔ̀ xoma kèwo Hamàn sɔ ɖoɖa, kèwo wo ŋlɔ̀ ɖɛ la sɔ crɔ̃ àpo fìɔdua mè be Yudàviwo. 6 Ɖoa àlekè mù teŋu xɔ̀ dùkɔ̃ nyè be gbèsìvuɛ̃ kpɔkpɔa ɖo àkɔ ɖo ò? Àleke mù la teŋu gã ne wo gũ èta na àpe àxuedoa ɖo ò?” 7 Èfìɔa ɖoeŋuti na Ɛstà be: “Ne mù sɔ Hamàn be ècrɔ̃nuwo kpata na wò, ne mù jè àgbàgba be ma do jìjɔɛ na wò eye mù na wo sɔ ɛ̀ kù sekple ɖo àtikpoa ŋuti, ɖo e do àsi ɖo Yudàviwo gbɔa, nukɛ wò jro la kpɔ xɔ̀ sɔ kpe ò? 8 Mìawo cã, mì ŋlɔ̀nu lè àpe nyikɔ mè, sìgbè àlekè mì jia nène, eye mì do àsi e mè ku àpe nyikɔlɔ̀gàvia, e nyi ènu ŋùgbemàtrɔ be wo mu la gbe è ò.”
9 Eŋua wo yɔ xomaŋlɔ̀tɔwo bɔ̀ lè wètri cucugbãtɔ̀ Nisàn be ŋùkèkè wìvɔètɔ̃gɔ̃a gbè lè èpè ŋua ke mè. Na Yudàviwoa wo ŋlɔ̀ ègbèɖèɖe kèwo wo do àsi na dùnunɔ̀tɔwo ku wɔ̀wuidùjikpɔtɔwo, so Indìa sɔyì Etiopìa, sɔ ɖoɖa nuto èkà ètɔ̃ ci adrɛ̃ (127) mè, èdù-nyigbã ɖèka-ɖèka zɔ̃ ɖo ye ŋutɔ be ègbè gbɔ̃gblɔ̃ ji. 10 Wo ŋlɔ̀nu lè èfìɔa be nyikɔ mè, eye wo do àsi e mè ku yebe nyikɔlɔ̀gàvia; e yomèa, wo sɔ xomawo sɔ ɖoɖa to àmèdɔ̃dɔ̃ be xomahɛ̃tɔ ji: 11 wo ɖo na Yudàviwo be wo ne wɔ̀ ɖo woabe èsewo ji lè èdù ɖekpekpe èdù mè ne woa bɔ̀, eye woa hlùɛ̃ woabe èklawo, ne woa biɔhlɔ̃ woabe èfũtɔwo be àhùakɔ̃wo kpata, la crɔ̃ wo, wù wo, ɖodu ku woabe àjìviwo kudo woabe nyɔnùwo, so ànyigbã be nuto ɖekpekpe mè, eye wo la hlà woabe àdɔ̀kùnuwo, 12 lè ŋùkèkè ɖèka mè lè Artazɛ̀rzɛs be fìɔdu bliboa mè lè wètri woèvègɔ̃ kè tɔ̀ Àdar be ŋùkèkè woètɔ̃gɔ̃a gbè.
Currently Selected:
Ɛstà-G 8: GEN
Highlight
Copy
Compare
Share
Want to have your highlights saved across all your devices? Sign up or sign in
Mina Bible © Bible Society of Togo, 2014.