Èsea gbìgbɔ̀ hlɛ̃ 6

“Wò la lɔ̃ Tɔhonɔ̀, àpo Mawu”

1Ɖoɖo, èse ku èkɔ̀do kèwo Tɔhonɔ̀, mìabe Mawu a do àsi na mù, be ma fiɔ mì, ne mìa zɔ̃ ɖo woa ji, lè ànyigbã kè ji mì le yì, ne bèa trɔ zũ mìa tɔ̀awo ye nyi ekèawo. 2Lè mìabe àgbè mè ŋùkèkèwo keŋu mèa, mìa ku mìabe èviwo kudo mìabe tɔgbeyɔviwo, mì si Tɔhonɔ̀, mìabe Mawu, mì zɔ̃ ɖo yebe èse ku ɖoɖo kèwo mù sɔ le do àsi na mìawo ji, àleke be mìa nɔ̀ àgbè dìdi. 3Izràɛl dùkɔ̃, sè ètonu, kpɔ e gbɔ be wòa wɔ̀ ɖo èse kèawo ji: lekea ye wò la kpɔ nyɔna, eye wò la jì ɖo e ji, lè ànyigbã kè ji nyìnɔsi ku ànyisi bɔ lè#6.3 Tot 3.8, sìgbè lekè Tɔhonɔ̀, tɔgbe wòwo be Mawu a gblɔ̃ ɛ̀ na wòa nène!

4Izràɛl dùkɔ̃, ɖo èto, ne wòa sè è! Tɔhonɔ̀, miabe Mawu a ɖèka kpò ye nyi Tɔhonɔ̀#6.4 Kpɔ Hɛ̃h 15.37; Mar 12.29; Heb 13.8. 5Wò la lɔ̃ Tɔhonɔ̀, àpo Mawu a ku àpo èjì blibo, ku àpo àmèti bliboa kudo àpo ŋusɛ̃ blibo#6.5 Màt 22.37; Mar 12.30; Luk 10.27.. 6Wò la le èse kèwo mù sɔ le na wò egbèa be ènyàwo ɖo èjì mè. 7Wò la fiɔ èse kèa èvi wòwo. Wò la nɔ gblɔ̃ wo eji-eji ne wò lè àxomè, àlo wò le zɔ̃ èmɔ̃, ne wò mlɔ̃ ànyi àlo wò fɔ̃a. 8Wò la bla wo ɖo àpo àlɔ̀tinu ku ŋùgonu, sìgbè jèsìdo nène ne ŋùkuvi wòwo mu gbà jo lè woa ji ò. 9Wo la ŋlɔ̀ wo ɖo àpo àxue be hɔ̃truwo be àtiwo ŋuti, ku ɖo àpo èdùwo be àgbowo nu.

Izràɛl mu ɖo la ŋlɔ̀be yebe Mawu ò

10Ne Tɔhonɔ̀, mìabe Mawu a kplɔ̀ mì yì ànyigbã kè be àjɔ̀gbè be fìã be yè la sɔ na mìa tɔgbe, Abràham, Izàk ku Yakɔb jia,#6.10 Gɔ̃m 12.7; 26.3; 28.13. ànyigbã kè ji èdù gã nyuɛ̃ kèwo mu nyi mìawo ye sò wo ò lèa, 11èdù kèwo mè àxuewo ɖɔ ku ènu nyuɛ̃ hamè-hamè kèwo mu nyi mìawo ye sɔ wo ɖo woa mè ò lèa, èdù kèwo mè, èsìdo kèwo sɔ̀gbè, vɔ̀a mu nyi mìawo ye kù wo ò lèa, ànyigbã kè ji vɛ̃-gble ku àmìti-gblè kèwo mu nyi mìawo ye dè wo ò lèa, eŋuã, ne mì ɖùnu, ɖɔpòa, 12mì kpɔ nyuɛ̃ ɖe, ne mì mu gbà ŋlɔ̀be Tɔhonɔ̀, kè kplɔ̀ mì to so Ejiptè-nyigbã ji, àfi kè mì nyi kluviwo lè sãa ò. 13Tɔhonɔ̀, mìabe Mawu ye mì ɖo la vɔ̃. E ye kpò mì la sumɔ#6.13 Màt 4.10; Luk 4.8.. Yebe nyikɔ kpò, mì la sɔ nɔ kã àtãŋu. 14Mì mu la sɛ̃ dùkɔ̃ kèwo pòxla mìawo be vòduwo dòmètɔ ɖekpe ò, 15ɖoa, Tɔhonɔ̀ mìabe Mawu a, Mawu hùãŋu ye be nyi, lè mìa dòmè. Mì kpɔ nyuɛ̃ ɖe be Tɔhonɔ̀, mìabe Mawu a be àdɔ̀mèze mu gbà bìzò, ɖo mìa ŋuti, ne bèa crɔ̃ mì jo lè ànyigbã ji ò. 16Mì mu gbà tè mìabe Mawu a kpɔ, sìgbè lekè mì tè è kpɔ#6.16 Tot 17.1-7; Màt 4.7; Luk 4.12., lè Masàa nène ò. 17Vɔ̀a, mì zɔ̃ ɖo Tɔhonɔ̀, mìabe Mawu be ɖoɖowo ku èse kèwo be sɔ do mìa siawo ji tututu. 18Mì nɔ wɔ̀ ènu kè nyɔ, eye be jɔ̀ lè Tɔhonɔ̀ be ŋùmè a, àleke be ènu ne nyɔ na mì, ne ànyigbã nyuɛ̃ kè Tɔhonɔ̀ fìã àjɔ̀gbè na mìa tɔgbewo, be yèa sɔ na mìa, ne teŋu sù mìa si, 19ne mìa teŋu nɔ nyà mìabe kɛ̃tɔwo kpata jo, sìgbè lekè Tɔhonɔ̀ fìã àjɔ̀gbèa nène.

20Eye, ne èsɔ̀a, mìabe èviwo biɔ mì sè be: 'Nukɛ ŋuti ye Tɔhonɔ̀, miabe Mawu a wɔ̀ ɖoɖowo, do èsewo, eye be sɔ èkɔ̀do kèawo do mìa si lekea màa?' 21Mì la ɖo e ŋuti na mìabe èviwo be: 'Mi nyi kluviwo na Faraɔ̀n, lè Ejiptè-nyigbã ji kpɔ, vɔ̀a, Tɔhonɔ̀ sɔ yebe àlɔ̀ sɛ̃sɛ̃ kplɔ̀ mi to lè Ejiptè. 22Miawo ŋutɔ, mi kpɔ nùkunu ku ŋùdãnu gã, ɖo vɔ̃vɔ̃wo, kèwo Tɔhonɔ̀ wɔ̀, sɔ crɔ̃ Faraɔ̀n be àxue bliboa ku Ejiptètɔwo be àhùakɔ̃a keŋu-keŋu. 23Tɔhonɔ̀ kplɔ̀ mi jo lè funua, ne bèa na, mia nɔ̀ ànyigbã kè be àtãŋu be kã na mia tɔwo, be yè la sɔ na mia ji. 24Tɔhonɔ̀ ɖè ègbè na mi be mia wɔ̀ ɖo èse kèawo keŋu ji, be mia nɔ si Tɔhonɔ̀, àleke be ènu ne nyɔ na mi, kaka sɔ yì, ne bèa gble mi ɖo àgbè, sìgbè lekè mi lè àgbè egbèa nène. 25Ne mi nɔ̀ ŋùzɔ̃, eye mi wɔ̀ ɖo èse kèawo keŋu ji, lè Tɔhonɔ̀, miabe Mawu be ŋùmè, sìgbè lekè be ɖo è na mia nènea, mi la nɔ̀ jɔ̀jɔɛ.

Currently Selected:

Èsea gbìgbɔ̀ hlɛ̃ 6: GEN

Highlight

Copy

Compare