Popular Bible Verses from Èsea gbìgbɔ̀ hlɛ̃ 6

Share

Wò la lɔ̃ Tɔhonɔ̀, àpo Mawu a ku àpo èjì blibo, ku àpo àmèti bliboa kudo àpo ŋusɛ̃ blibo.

Wò la fiɔ èse kèa èvi wòwo. Wò la nɔ gblɔ̃ wo eji-eji ne wò lè àxomè, àlo wò le zɔ̃ èmɔ̃, ne wò mlɔ̃ ànyi àlo wò fɔ̃a.

Wò la le èse kèwo mù sɔ le na wò egbèa be ènyàwo ɖo èjì mè.

Izràɛl dùkɔ̃, ɖo èto, ne wòa sè è! Tɔhonɔ̀, miabe Mawu a ɖèka kpò ye nyi Tɔhonɔ̀.

Wò la bla wo ɖo àpo àlɔ̀tinu ku ŋùgonu, sìgbè jèsìdo nène ne ŋùkuvi wòwo mu gbà jo lè woa ji ò.

Wo la ŋlɔ̀ wo ɖo àpo àxue be hɔ̃truwo be àtiwo ŋuti, ku ɖo àpo èdùwo be àgbowo nu.

Tɔhonɔ̀, mìabe Mawu ye mì ɖo la vɔ̃. E ye kpò mì la sumɔ. Yebe nyikɔ kpò, mì la sɔ nɔ kã àtãŋu.

Ne Tɔhonɔ̀, mìabe Mawu a kplɔ̀ mì yì ànyigbã kè be àjɔ̀gbè be fìã be yè la sɔ na mìa tɔgbe, Abràham, Izàk ku Yakɔb jia, ànyigbã kè ji èdù gã nyuɛ̃ kèwo mu nyi mìawo ye sò wo ò lèa, èdù kèwo mè àxuewo ɖɔ ku ènu nyuɛ̃ hamè-hamè kèwo mu nyi mìawo ye sɔ wo ɖo woa mè ò lèa, èdù kèwo mè, èsìdo kèwo sɔ̀gbè, vɔ̀a mu nyi mìawo ye kù wo ò lèa, ànyigbã kè ji vɛ̃-gble ku àmìti-gblè kèwo mu nyi mìawo ye dè wo ò lèa, eŋuã, ne mì ɖùnu, ɖɔpòa, mì kpɔ nyuɛ̃ ɖe, ne mì mu gbà ŋlɔ̀be Tɔhonɔ̀, kè kplɔ̀ mì to so Ejiptè-nyigbã ji, àfi kè mì nyi kluviwo lè sãa ò.

Ɖoɖo, èse ku èkɔ̀do kèwo Tɔhonɔ̀, mìabe Mawu a do àsi na mù, be ma fiɔ mì, ne mìa zɔ̃ ɖo woa ji, lè ànyigbã kè ji mì le yì, ne bèa trɔ zũ mìa tɔ̀awo ye nyi ekèawo. Lè mìabe àgbè mè ŋùkèkèwo keŋu mèa, mìa ku mìabe èviwo kudo mìabe tɔgbeyɔviwo, mì si Tɔhonɔ̀, mìabe Mawu, mì zɔ̃ ɖo yebe èse ku ɖoɖo kèwo mù sɔ le do àsi na mìawo ji, àleke be mìa nɔ̀ àgbè dìdi.

Mì nɔ wɔ̀ ènu kè nyɔ, eye be jɔ̀ lè Tɔhonɔ̀ be ŋùmè a, àleke be ènu ne nyɔ na mì, ne ànyigbã nyuɛ̃ kè Tɔhonɔ̀ fìã àjɔ̀gbè na mìa tɔgbewo, be yèa sɔ na mìa, ne teŋu sù mìa si

ɖoa, Tɔhonɔ̀ mìabe Mawu a, Mawu hùãŋu ye be nyi, lè mìa dòmè. Mì kpɔ nyuɛ̃ ɖe be Tɔhonɔ̀, mìabe Mawu a be àdɔ̀mèze mu gbà bìzò, ɖo mìa ŋuti, ne bèa crɔ̃ mì jo lè ànyigbã ji ò.

Mì mu la sɛ̃ dùkɔ̃ kèwo pòxla mìawo be vòduwo dòmètɔ ɖekpe ò

Mì mu gbà tè mìabe Mawu a kpɔ, sìgbè lekè mì tè è kpɔ, lè Masàa nène ò.