Èsea gbìgbɔ̀ hlɛ̃ 22

Mì lebè na mìa nɔ̀viwo be ènuwo

1Ne wò kpɔ nɔ̀vi wò be ènyì, àlo àlɛ̃, le dã lè èmɔ jia, wò mu la to e ŋuti, jo yì ò. Wò la kplɔ̀ ɛ̀ yì na nɔ̀vi wòa. 2Ne nɔ̀vi wòa be àxue dìdì so gbɔ wò, àlo, wò mu jèsi ì ò a, kplɔ̀ èlãa va ɖo ɖokoe wò gbɔ, ne bèa nɔ̀ gbɔ wò, kaka na gà kè mè nɔ̀vi wòa la biɔ e ta, ne wòa sɔ ɛ̀ na ɛ̀. 3Nène a ke ye wò la wɔ̀ ku yebe èsɔ-àkɛtɛ, yebe àwù àlo ènu ɖekpekpe kè la bu na nɔ̀vi wò, eye wò la kpɔ ɛ̀a; wò mu la gble wo ɖɛ, la jo ò.

4Ne wò kpɔ nɔ̀vi wò be èsɔ-àkɛtɛ, àlo yebe ènyì jè ànyi lè èmɔ jia, wò mu la to e ŋuti, jo ò. Wò la kpe ɖo e ŋuti, ne mìa kɔ ɛ̀ sitè#22.4 Kpɔ Tot 23.4-5..

Èsedodo vòvòvòwo

5Nyɔ̃nù mu la do ŋusù be àwù ò; nènea ke ŋusù mu la do nyɔ̃nù be àwù ò. Àmè ɖekpekpe kè la wɔ̀ leke be ènua nyi èŋunyɔnu na Tɔhonɔ̀, àpo Mawu.

6Ne wò kpɔ xèvi be àtɔ̃ kè mè èvi, àlo àzì lè, eye xèviawo be ènɔ̀ cɔ̃ xèviawo àlo àzìawo ji, lè àti ji, àlo lè ànyigbã, lè èmɔ jia, wò mu la le xèvia ku èviawo ò. 7Wò la ɖè àsi lè ènɔa ŋuti, be la jo, eye wò la le èviawo ɖèɖe kpò. Ne wò le wɔ̀ nènea, àgbè mè la nyɔ na wò, eye wò la nɔ̀ àgbè dìdi.

8Ne wò tù àxue yeyea, wò la ɖo èglì viɖe trɔ do èxɔ̀a ta, ne àmè ɖekpe mu gbà va gɛ̃, so èxɔ̀a ta, la ku ɖo èkɔ̀ na wò ò.

9Wò mu la do ènu bu ɖo àpo vɛ̃-gble mè, kpe ɖo vɛ̃-ku a ŋuti ò. Ne mu nyi nène ò a, ènu dodoawo kpata ŋuti la va kɔ̀, eye wo la nyi Mawu tɔ̀: ènu kè wò la do a ku vɛ̃ be èku sɛ̃sɛ̃ a kpata. 10Wò mu la sɔ ènyì ku èsɔ-àkɛtɛ ɖo àgblèdè-kèke ɖèka ŋuti, la sɔ dà àgblè ɖodu ò. 11Wò mu la sɔ ègbɔfu ku ɖèti-fu caka, sɔ lɔ̃ àvɔ, la tɔ̃ àwù do ò#22.11 Kpɔ Lev 19.19.

12Wo la sã èkà be ègboviwo ɖo àvɔ kè wò la nɔ cɔ̃a be koŋù ènèawo ji#22.12 Kpɔ Hɛ̃h 15.37-41..

Nyɔ̃nù be ègbèji nɔ̀nɔ

13Ne ŋusù ɖe ɖè èsrɔ̃, dɔ̃ e gbɔ, vɔ̀a, mu gbà lɔ̃ leke be nyɔ̃nùa ò a, 14ne ŋusùa kpɔ be nyɔ̃nùa be èdɛ̃ mu nyɔ ò, eye be le pòɖi nyikɔ na ɛ̀ be: 'Nyɔ̃nù kèa, mù ɖè è, vɔ̀a, kè mù gogo èa, nyè mu kpɔ ɛ̀ lè àxue ò.' 15Ne e jɔ̀ nènea, nyɔ̃nùa be ètɔ ku ènɔa la sɔ woabe èvi be ègbèji nɔ̀nɔ be jèsìa yì fiɔ èdùmè-mègãwo lè èdùa be àgbo nu. 16Nyɔ̃nùa be ètɔ la gblɔ̃ na àmè sĩsĩawo be: 'Nyɔ̃nùvi nyè kèa, mù sɔ ɛ̀ na ŋusù kèa, ne bèa ɖè, vɔ̀a, mu gbà lɔ̃ ɛ̀ ke ò. 17Eye be le pòɖi èvi nyèa be nyikɔ be: 'Nyè mu kpɔ èvi wòa lè àxue ò. Kpɔɖa, jèsìdo kè le ɖè è fiɔ be èvi nyèa lè àxuea ye nyi ekèa!' Eye wo la vlũ àvɔa lè èdùmè-mègãwo be ŋùkɔ̀. 18E yomè a, èdùmè-mègãwo la le ŋusùa, ne woa dɔ̃ èto na ɛ̀. 19Wo la kã àjɔ̀ kè la nyi sekɛ̀l èkà èvè takpoa na ɛ̀, be la tu, eye wo la sɔ àjɔ̀a na nyɔ̃nùa be ètɔ, ɖoa, ŋusùa pòɖi Izràɛl be nyɔ̃nù lè àxue ɖèka. Nyɔ̃nùa la nyi èsrɔ̃a, eye mu kpɔ èmɔ la gbe è, kaka kè ye ŋutɔ, ŋusùa la nɔ̀ àgbèa ò.

20Vɔ̀a, ne e nyi nyàwo be wo mu kpɔ nyɔ̃nùa lè ègbè ji ò a, 21wo la kplɔ̀ ɛ̀ yì ètɔa be àxue be àgbo-mɔnu; yebe èdùmè-tɔwo la pò è èkpe, be la ku, ɖoa, e wɔ̀ ènu nyɔŋu, kè be wɔ̀ àhasì lè ètɔa be àxomèa. Nène a, wò la ɖè èvuɛ̃ to lè mìa dòmè.

22Ne wo le ŋusù ɖe, be le dɔ̃ ku nyɔ̃nù kè ɖè èsrɔ̃a, wo àmè èvèa: ŋusù kè dɔ̃ ku nyɔ̃nùa cã, nyɔ̃nùa ŋutɔ cã, wo la ku. Nène a, wò la ɖè èvuɛ̃ jo lè Izràɛl-nyigbã ji.

23Ne ŋusù ɖe sɔ àgɔ̀ nyɔ̃nùvi lè àxue ɖe, eye ŋusù bu dogò nyɔ̃nùvia lè èdùa mè, eye be dɔ̃ ku ìa, 24mì la kplɔ̀ wo àmè èvèawo yì èdùa be àgbo nu, eye mì la pò wo èkpe wù. Mì la wɔ̀ ekèa, ɖoa, nyɔ̃nùvia mu do àpa gblɔ̃, lè èdùa mè, be wo ne va xɔ̀ na yè ò; eye ŋusùa cã dɔ̃ ku ye hati be èsrɔ̃. Nène a, mì la ɖè èvuɛ̃ jo lè mìa dòmè. 25Vɔ̀a, ne e nyi be àgblèji ye ŋusùa kpɔ nyɔ̃nùvi àgɔ̀sɔa lè, eye be le è, dɔ̃ ku ìa, ŋusù kè dɔ̃ ku nyɔ̃nùvia ɖèka kpò ye la ku. 26Wò mu la wɔ̀ ènu ɖekpe na nyɔ̃nùvia ò; mu jè àgɔ̀ ɖekpe kè jè na èkua ò. Nène a ke ye be la nyi na àmè ɖe kè la jè nɔ̀via ji kpò, la sɔ wùa yeŋu. 27Àgblèji ye be kpɔ nyɔ̃nùvi àgɔ̀sɔa lè. Kè be le èa, nyɔ̃nùvia do àpa, vɔ̀a, àmè ɖe mu sè, la va xɔ̀ na ɛ̀ ò.

28Ne ŋusù ɖe kpɔ nyɔ̃nùvi lè àxue ɖe kè àmè ɖe mu sɔ àgɔ̀ ò a, ne e le è, eye be dɔ̃ ku ì, eye wo le woa, 29ŋusù kè dɔ̃ ku nyɔ̃nùvia la na àjɔ̀ kè la nyi sekɛ̀l èkà takpoa, nyɔ̃nùvia be ètɔ. E la ɖè nyɔ̃nùvia, eye mu kpɔ èmɔ, la gbe è, kaka kè ye ŋutɔ, ŋusùa la nɔ̀ àgbè ò.

Currently Selected:

Èsea gbìgbɔ̀ hlɛ̃ 22: GEN

Highlight

Copy

Compare