2Samuɛl Kpɔ̀kplɔ̀sɔyìemè
Kpɔ̀kplɔ̀sɔyìemè
Samuɛl be xoma èvègɔ̃a nyi Samuɛl be xoma cucugbãa be jiyìyi. E nyi David be èfìɔ nyinyi be èxotùtu, yebe èfìɔɖùɖu cucugbãa, ɖo Yudà-nyigbã ji, lè àpùgo, (Èta 1-4 ji). E yomè a, yebe èfìɔɖùɖu ɖo dùkɔ̃ blibo kè mè Izràɛl-dùkɔ̃a cã lè, lè àvegoa ji (Èta 5-24). E le pò nupo so lekè David wɔ̀ àvũ mà nyagblɔ̃, la sɔ kèkè yebe èfìɔɖùpea ɖo e ji ɖo, eye, ne bèa sɔ likè yebe àzìkpea. E kpe àkɔ ku kɛ̃tɔwo lè èdùa mè ku èdù bu mètɔwo be ŋusɛ̃wo. Èxotùnya kèa le ɖè è fiɔ be David nyi àmè ɖe kè be xɔ̀sè yìgũ, eye be bɔ̀bɔ̀nà ye ɖokoe ɖo Mawu be èsea gɔ̃mè; e tona ekèa mè, teŋu kpɔna jìdo ku ètonu sèse so yebe dùkɔ̃a gbɔ. Èxotùtua gbà ɖè David fiɔ, sìgbè àmè kè be èdɛ̃ flà, eye e jina la wɔ̀ nuvuɛ̃ nyɔŋuwo, na ye ŋutɔ be èjro ku ŋùku gã kè lè èta ŋuti na ɛ̀a ŋuti nène. Gãkea, kè Mawu be gblɔ̃ɖɛtɔ Natàn ɖè yebe èvuɛ̃ fiɔ ɛ̀a, David hũ e mè, eye be lɔ̃, xɔ̀ ètodɔ̃ kè Mawu ɖo ɖoɖa ɛ̀a.
David be àgbènɔ̀nɔ ku yebe wɔ̀nawo wɔ̀ èdɔ ɖo Izràɛlviwo ji, àleke be, e yomè, lè dùkɔ̃a be tùkaɖa hùenuwoa, ekè dùkɔ̃a le ji la ɖo èfìɔ bua, wo jro be èfìɔa ne nyi àmè kè la nɔ̀ sìgbè David nènea, àmè kè la nyi “David be èvi”, àmè kè jɔ̀ so David mèa.
Xoma a mè-nyàwo
David ɖùfìɔ lè Yudà-nyigbã ji (1.1—4.12)
David ɖùfìɔ lè Izràɛl bliboa ji (5.1—24.25)
a. Èpè cucugbãawo (5.1—10.19)
b. David ku Bat-cebà (11.1—12.25)
c. Tùkaɖa ku tagbãwo (12.26—20.26)
d. Èpè mlɛ̃awo (21.1—24.25)
Currently Selected:
2Samuɛl Kpɔ̀kplɔ̀sɔyìemè: GEN
Highlight
Copy
Compare
Share
Want to have your highlights saved across all your devices? Sign up or sign in
Mina Bible © Bible Society of Togo, 2014.