2Samuɛl 9
9
David xɔ̀ Mefibosɛt ɖo àxomè
1Gbè ɖèkaa, David biɔ be: “Saolò be jìjimèvi ɖe gbà lè egbèa? Mù jro be ma wɔ̀ àdɔ̀mè nyuɛ̃ na ɛ̀, ɖo Yonatàn ŋuti#9.1 Kpɔ 1Sam 20.15-17.” 2Saolò be xòmèa ɖo sumɔ̃vi ɖe kè wo yɔna be Sibà. Wo yɔ ɛ̀ va na David, eye David biɔ ɛ̀ be: “Èwò ye nyi Sibàa?” Sibà ɖo e ŋuti be: “Èfìɔ bùbùtɔ, ènyè ye!” 3Èfìɔa gbà biɔ Sibà be: “Àmè ɖekpe mu gbà lè àgbè, lè Saolò be jìjimèviwo dòmè, ne ma wɔ̀ àdɔ̀mè nyuɛ̃ kè Mawu jinaa, na ɛ̀ ò a?” Sibà ɖo e ŋuti na èfìɔa be: “Yonatàn be ŋusùvi ɖe lè, ekè be àfɔ̀ èvèawo kplibɔa.” 4Èfìɔa gbà biɔ Sibà be: “Fikɛ ye be lè ò?” Sibà ɖo e ŋuti be: “E lè Lo-Debar lè Amiɛl be èvi Makìr be àxomè.”
5Èfìɔa dɔ̃ àmè ɖoɖa Makìr, Amiɛl be èvia be àxomè, lè Lo-Debar, be wo ne yì yɔ Mefibosɛt va. 6Ekè Mefibosɛt kè nyi èfìɔ Saolò be èvi Yonatàn be èvia va èfìɔ David gbɔa, e cɔ̃ ŋùmè ànyi, eye be jè èɖɛ̀ na èfìɔ David. Èfìɔa biɔ ɛ̀ be: “Èwò ye nyi Mefibosɛta?” Mefibosɛt ɖo e ŋuti be: “Èfìɔ bùbùtɔ, ènyè ye!” 7David gblɔ̃ na ɛ̀ be: “Mù gbà vɔ̃ ò. Mù jro be ma wɔ̀ àdɔ̀mè nyuɛ̃ na wò, ɖo ètɔ wò Yonatàn ŋuti. Mù la trɔ sɔ ànyigbã kèwo ye nyi tɔgbe wò, Saolò tɔ̀ sãawo na wò, eye wò ŋutɔ wò la nɔ ɖùnu, gbè sia gbè ku mù.” 8Mefibosɛt cɔ̃ ŋùmè ànyi, eye be gblɔ̃ be: “Èfìɔ bùbùtɔ, àmè kɛ ye ènyè, sumɔ̃vi wò, nyè cã mù nyi, ne èfìɔ bùbùtɔ bèa trɔ kpɔ ènyè kè nyi àvũ kukua gbɔ ò?”
9Èfìɔa yɔ Sibà, Saolò be sumɔ̃via, eye be gblɔ̃ na ɛ̀ be: “Mù le sɔ ènu kèwo kpata nyi Saolò, àpetɔ wò ku yebe àxuedoa tɔ̀a le na yebe tɔgbeyɔvi Mefibosɛt. 10Èwò, èvi wòwo ku sumɔ̃vi wòwo, mì la nɔ dè àgblè, lè ànyigbãa ji na ɛ̀, eye mì la nɔ ŋɛ̃ ènu kè la nyi àpetɔ wò be èvia tɔ̀a, va na ɛ̀. Eye Mefibosɛt, àpetɔ wò be èvia la nɔ ɖùnu gbè sia gbè ku mù.” Wàlɛbɛ ŋua, Sibà ɖo èvi woeàtɔ̃ ku sumɔ̃vi èwì. 11Sibà gblɔ̃ na èfìɔa be: “Èfìɔ bùbùtɔ, sumɔ̃vi wò la zɔ̃ ɖo ègbè ɖekpe kè àpetɔ nyè, èfìɔ bùbùtɔ la ɖè na yebe sumɔ̃via ji. Vɔ̀a, gbɔ nyè ye Mefibosɛt ɖùnà ènu lè, sìgbè èfìɔ Saolò be jìjimèviwo dòmètɔ ɖèka nène.”
12Mefibosɛt ɖo èvi ŋusùvi ɖèka, kè wo yɔna be Mikà a. Àmè kèwo keŋu lè Sibà be àxomèawo sumɔna Mefibosɛt. 13Ekè àfɔ̀ èvèawo kplibɔ na Mefibosɛt ŋutia, e va ci Yèruzàlɛm, ne bèa teŋu nɔ ɖù ènu gbè sia gbè ku èfìɔa.
Currently Selected:
2Samuɛl 9: GEN
Highlight
Copy
Compare
Share
Want to have your highlights saved across all your devices? Sign up or sign in
Mina Bible © Bible Society of Togo, 2014.
