2Samuɛl 8

Dùkɔ̃ kèwo lè Izràɛl be àxàda mèa

(1Kro 18.1-13)

1Ekèa yomè a, David gbà ɖù Filistìtɔwo ji, eye be bɔ̀bɔ̀ wo ɖo ànyi, àleke be David xɔ̀ ŋusɛ̃ lè woa si, ɖo ànyigbã kèwo keŋu lè àgo ŋuawo jia be jiɖùɖuwo ji. 2E gbà ɖù Mòabtɔwo cã ji, eye be na, wo mlɔ̃ ànyigbã, eye wo sɔ èkà jije wo. Nène a, lè àmè ètɔ̃ be jije jia, David na wo wù èvè. Ekèa yomè a, Mòabtɔ kpɔ̀tɛawo trɔ zũ kluvi kèwo nana David àjɔ̀a. 3Ekèa yomè a, David gbà ɖù Hadadɛzɛr, Rehob be èvi kè nyi Sobà be èfìɔa ji. Wàlɛbɛ ŋua tutu ye Hadadɛzɛr le wɔ̀ àhùa, la sɔ ɖo àlɔ̀ Efratà be ètɔ̀a be àgowo ji. 4Àhùale kèwo ji David ɖo àlɔ̀, lè àhùa ŋua mèawo lè èsɔdotɔ gbãdãgbã àlɔ̀ woeadrɛ̃ (1700). Àfɔ̀zɔ̃tɔwo lè gbãdãgbã hotu èwo (20000). David na wo sò àfɔ̀-kã na èsɔ kèwo ye dɔ̃nà àhùaleawo be àhùakèkeawo, vɔ̀a, e gble èsɔ èkà èvè takpo (100) ɖɛ ku woabe àhùakèkeawo na ye ŋutɔ be àhùakɔ̃a. 5Aramtɔ kèwo ye lè Damas-nyigbã jiawo va be yèwoa xɔ̀ na Hadadɛzɛr, Sovà be èfìɔa, vɔ̀a David gbà wù àgbètɔ hotu woeɖèka (22000), lè Aràmtɔwo be àhùakɔ̃a mè. 6E yomè a, David ɖo èdùjiɖùtɔwo ɖo Aràmtɔwo be ànyigbã kèwo lè Dàmaskò be èdùa mèa nu, eye Aràmtɔwo trɔ zũ kluvi kèwo tuna àjɔ̀awo na David. Àfi sia àfi kè David yìnàa, Tɔhonɔ̀ nana be ɖùnàji. 7David xɔ̀ sìka-kpoxɔ̀nu kèwo lè Hadadɛzɛr be ŋutimewo siawo, eye be sɔ àkpoxɔ̀nuawo va Yèruzàlɛm. 8Èfìɔ David gbà xɔ̀ gàjɛ̃ gbogbo ɖe kè gbà lè Bɛta ku Berotai, Hadadɛzɛr be èdùwo mèa cã.

9Ekè Tɔì, Hamàt be èfìɔ sè be David ɖù Hadadɛzɛr be àhùakɔ̃a kpata jia, 10Tɔì dɔ̃ èvia ŋusù Yòram ɖoɖa èfìɔ David, ne bèa yì do ègbè na David, eye bèa kafu ì, ɖoa, David wɔ̀ àhùa ku Hadadɛzɛr, eye be ɖù Hadadɛzɛr kè nyi èfìɔ Tɔì cã be èkɛ̃tɔa ji. Yòram hɛ̃ klòsalò-nu, àkɔ̀bli-nu ku sìka-nuwo va na èfìɔ David. 11Èfìɔ David sɔ ènu kèawo cã do àsì na Tɔhonɔ̀ sìgbè àlekè be sɔ sìka ku klòsalò kèwo be hɛ̃ so dùkɔ̃ kèwo keŋu ji be ɖùawo gbɔ, eye be sɔ wo do àsi na Tɔhonɔ̀a nène. 12Ènu kèawo so Aram dùkɔ̃a, Mòab dùkɔ̃a, Amɔ̀n dùkɔ̃a, Filistì dùkɔ̃a, ku Àmàlɛk dùkɔ̃a gbɔ, sìgbè àmɔ̀nyɔ̀nu kèwo ye so Rehob be èvi Hadadɛzɛr, Sovà be èfìɔa gbɔa nène. 13Ekèa keŋu na be David be nyikɔ gbà yì ŋùkɔ̀ kpe è, wàlɛbɛ kè be gbà ɖù Aràmtɔ hotu àsiɖèkɛ ji lè Èjè be bàlìa mè#8.13 Kpɔ Èhàw 60.2; 14. 14David gbà ɖo èdùjiɖùtɔwo ɖo Edɔ̀m dùkɔ̃a nu, eye Edɔ̀mtɔwo kpata trɔ zũ David be gɔ̃mènɔ̀tɔwo. Eye àhùagbe kè ji David gbe yì kpòa, Tɔhonɔ̀ nana, be ɖùnà ji.

David be fìɔsa dɔwɔ̀tɔwo

(1Kro 18.14-17)

15David ɖùfìɔ lè Izràɛl-nyigbãa keŋu ji. E wɔ̀nà ènu jɔ̀jɔɛ, eye be sònà kòjo, àmè ŋùku mè mà kpɔ, lè yebe dùkɔ̃a keŋu mè. 16Yoab kè nyi Seruyà be èvia lè ŋùkɔ̀ na àhùakɔ̃a. Àhìlud be èvi, Yehosafat nyi èfìɔa be ègbèɖotɔ. 17Ahitub be èvi, Sadɔk ku Abiatàr be èvi Ahimèlɛk nyi hũbonɔwo, eye Serayà nyi ènuŋlɔ̀tɔ. 18Yehoyada be èvi, Benayahu lè ŋùkɔ̀ na Keretìtɔwo ku Peletìtɔwo, eye David be ŋusùviwo nyi hũbonɔwo.

Currently Selected:

2Samuɛl 8: GEN

Highlight

Copy

Compare