Sagesse 2
2
1Di sá yii baa dàkafī tiŋan ní ki lì tɔb cee yii: «Ti-maŋfal kaa fɔ̀kɔ̀ ní ki gbí kunimbaau. Unil wiiŋŋu yaa sāāyee, nnyɔkɔ gíti kpá, ní taa tí ká ubɔ mun nyánní ditaŋkpiilin ki gítìń. 2Bi pée màl̄-ti yìkíl̄ yikil ní, ní míǹ boonee án làá nīn bí kii taa pée kāl̀ kitiŋ pu doo ki kée. Kufoou kun nyēē ti-maŋfataabuŋyinee sá kii nnyiimee ní, nlandɔkɔ sá kii ŋŋmiyatiyaal ŋun nyēē ŋyunti ŋun ti-pɔbiliŋ bíi tūǹ ditundee ní. 3Ŋu yaa kpíìyee ní tiwun ń kpántí kii ŋfantamee, ní kufoou ń wāŋkì kii kubuŋu kun baa ŋūǹ kí cúúyee. 4Ŋyunti pée bée ní bí dāá súntí ti-yindi pu ní ubɔ kaa ti làá téetí ti-tuuŋŋi pu#2.4 Dūú ŋmàntī nì Uciŋ 2.16.. Ditagbandi yaa jítèe, baa ti kāntí kudaaŋŋu, míǹ ní ti-maŋfal bí. Dì làá wāŋkì kii dipɔ̀ńdi din ŋwìiń jìn̄ ní kutuntuŋu yāntì dì wáŋkèe ní. 5Tiŋman, ti-maŋfal wiiŋyi jītí kii mboon nín jītí puee ní. Baa ŋūǹ kí kpántí ti-kúm wiiŋŋu, di sá yii bi pée síiǹ-ŋu dibaba pu ní ní ubɔ kaa ti ŋūǹ kí gítí u-boon.
6An puee tí jīmaan tiwammɔntiil tin bée kí fàal̀maan, tí dū difaŋgiil kí jī tiwannáaŋkaal pu kii ti-naacimpɔntinee. 7Tí nyɔ̀maan ndamɔntiim, kí yàam̀maan talaalumɔntiibi. Tí taa súntí kí kìtī nsupumpukum min péé ki nyánnée. 8Tí dūmaan kibeefuulii kin bi dū nsupumpukum ki ŋée kí cíkiń kí wàatī mí nín fáaḿ. 9Ubɔ ń taa kàkatī u-ba kí wàatī ti-jiŋaalib nee, tí yàntī ti-pɔɔpindi daanti an kɔkɔ. Di sá yii ti cáá nsan kí ŋá míǹ, ti mun jandi dee.
10Tí sàam̀maan bin sá bisoodambi ki sá deedeedambee. Tí taa sɔ̄ bikpiipoobi saai, kí taa tīī bitikpilib bin yikpiti píil̀ee disíndi. 11Timbi ceeyee, un pɔ̄ɔ̄yee di cáá mbaamɔn di sá yii iwɔsɔfi kaa kèetī. 12Tí píĺ kí cīití deedeedaan, u páb́-ti, ki pìkil̄-ti tin ti ŋáańee poon, ki wòoǹ-ti ti nín yìntīǹ maree pu, ní ki kɔ́kɔĺ-ti ti nín kaa yú deedee nì didàkal din ti fōōyee pu. 13U sòoǹ yii úǹ nyí Unimbɔti ní ki yíì u-ba ti-Dindaan biki. 14U kpākantí-ti ti-landɔkɔi kɔkɔ poon, ní ti yaa ká-uee, an kpántí diwaŋgul ki tīī-ti. 15Di sá yii waa bí kii bin béeyee nín bí puee ní u-bimbim pée nyáń mi-ba. 16Ti bí u-cee kii tiwan tin bíil̀ee ní ní u sáń ti-saŋyi kii titampummoolee. U sòoǹ yii nnaam di dɔ̄ ki cí deedeedambi, ní u gà u-bindi ki lì yii Unimbɔti sá u-baa. 17Tí kpèè tin u lèe yaa sá mbaamɔn! Tí cɔ̄ŋkì kí kpèè án nín làá dāá kúntíǹ-u puee. 18Deedeedaan yaa lafun sá Unimbɔti bikee, mimmee Unimbɔti di làá jòoń-u ní kí fīī-u u-nannanliibi ŋaan#2.18 Dūú ŋmàntī nì Ilan 22.9.. 19Tí dū asiibil nì disàandi kí cɔ̄ŋkì-u kí kpèè. Niinee ti làá béé u-baamɔŋyi ní kí kpèè u nín cáá kimɔtii puee. 20Tí sòoǹ kí kpɔ̀ u-bɔti yii u máaǹ icoo kúm, di sá yii u pée néeń ki lì yii Unimbɔti làá fīī-u.»
Binikpitib yìntitam
21Bi nín dàkafī puee dee, ama bi bí ki mɔ́ntí bi-ba ní. Di sá yii bi-kpitii yāntì baa ti wāĺ. 22Baa nyí Unimbɔti landɔkɔi in bál̀ee, kaa máká ipaati in dɔ̄ ki cí circirdaanee pu. Baa fōō ki kíí yii tinyool dɔ̄ ki cí bin nammu kaa cáá tijɔkɔndee. 23Unimbɔti náań unil ú taa kpú ní, ní ki náań-u ki nántiǹ úǹ u-ba nín bí puee#2.23 Kpèè Diny 1.26-27.. 24Ama Sitaan poompooŋyi pu ní ŋkúm kɔ́nní duulinyan#2.24 Dūú ŋmàntī nì Diny 3, Room 5.12. ní bin bí u-jandi púee máaǹ kí kpú.
Currently Selected:
Sagesse 2: BASSARDC
Highlight
Copy
Compare
Share
Want to have your highlights saved across all your devices? Sign up or sign in
BIBLE EN N'TCHAM (Bassar) © Alliance Biblique du Togo, 2013.